AbaseKholose 2:11 - iBhayibhili Elingcwele 1978

¹¹ Lasokelwa kuye ngokusoka okungenziwanga ngezandla, kodwa okulikhulula emandleni omzimba; lokhu kuyikusoka kukaKristu.

IBhayibhili Elingcwele LesiNdebele

¹¹ Lasokelwa kuye ngokususwa kwemvelo yenu yesono, kungayisikho ngokusoka okwenziwa ngezandla zabantu kodwa ngokulahla umzimba wenyama, lokhu kuyikusoka okwenziwa nguKhristu

AbaseKholose 2:11 Referans Kwoze

AbaseRoma 2:29

Kodwa umJuda oqotho ngulowo onguye ngaphakathi, lokusoka okuqotho kungokwenhliziyo, kungokomoya kungesikho okungokokulotshiweyo; ukuvezwa kwakhe kuvela kuNkulunkulu kungaveli ebantwini.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

Abase-Efesu 4:22

ukuba lilahle isimo esidala esokonakeleyo ngezinkanuko zenkohliso, esingesokuhamba kwenu kokuqala,

AbaseRoma 6:6

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

AbaseGalathiya 5:24

AbakaKristu Jesu babethele umzimba kanye lokuhugeka lezinkanuko zawo.

UDutheronomi 30:6

INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

2 AbaseKhorinte 5:17

Uba umuntu ekuKristu, usedalwa kutsha; okudala sekudlule; khangela, sekuvele okutsha.

AmaHebheru 9:24

Ngoba uKristu kangenanga endaweni engcwele eyenziwe ngezandla, engumfanekiso waleyo eqotho, kodwa wangena ezulwini uqobo ukuba khathesi abonakale phambi kukaNkulunkulu ngenxa yethu;

UDutheronomi 10:16

Ukusoka kwenu kakube ngokwenhliziyo, lingabe lisaba lenhliziyo ezilukhuni.

AmaHebheru 9:11

Kodwa lokhu uKristu esefikile, engumpristi omkhulu wezinto ezinhle esezikhona, ithente lobupristi bakhe lingelikhulu lelipheleleyo, elingenziwanga ngezandla zabantu, okuyikuthi elingesilo lalumhlaba odaliweyo.

UJeremiya 4:4

Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

2 AbaseKhorinte 5:1

Ngoba siyazi ukuthi uba indlu yethu yasemhlabeni elidumba idilizwa, silesakhiwo esivela kuNkulunkulu esiyindlu engenziwanga ngezandla, engapheliyo esezulwini.

Imisebenzi 17:24

UNkulunkulu owenza umhlaba lakho konke okukuwo, yena oyiNkosi yezulu lomhlaba, kahlali emathempelini enziwe ngabantu;

Imisebenzi 7:48

Kanti oPhezukonke kahlali ezindlini ezenziwe ngezandla njengokutsho komprofethi ukuthi:

ULukha 2:21

Kwathi seziphelile insuku ezificaminwembili zokuba umntwana asokwe, wathiwa ibizo lokuthi uJesu, ibizo ayelithiwe yisithunywa, engakomulwa esiswini.

UMakho 14:58

Thina samuzwa esithi: Ngizakudiliza lelithempeli elenziwe ngezandla, ngakhe elinye ngensuku ezintathu elingenziwanga ngezandla.

AbaseRoma 7:24

Hawu, mina muntu ososizini! Ngubani ozakungikhulula kulumzimba wokufa na?

AbaseKholose 3:5

Ngakhoke bulalani inkanuko zenu zasemhlabeni, ukuphinga lokungcola, inkanuko ezimbi, ukufisa okubi, lomhawu oyikukhonza izithombe.