AbaseKholose 1:5 - iBhayibhili Elingcwele 1978

⁵ Lezizinto ezimbili zivela ethembeni elibekelwe lona ezulwini, elezwa ngalo ngaphambili ngelizwi leqiniso elilivangeli

IBhayibhili Elingcwele LesiNdebele

⁵ Ukukholwa lothando okuvela ethembeni eligcinelwe lina ezulwini, eselezwa ngalo elizwini leqiniso, elilivangeli

AbaseKholose 1:5 Referans Kwoze

Abase-Efesu 1:13

Lani, eselizwile ilizwi leqiniso elilivangeli lokusiliswa kwenu lakholwa kuye, libekwe uphawu loMoya oNgcwele othenjisiweyo

2 uTimothi 4:8

Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.

UThithu 1:2

ngilethemba lokuphila okungapheliyo, uNkulunkulu ongaqambi manga akuthembisa ekuqaleni kwesikhathi.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

1 UPhethro 2:2

Njengezingane ezisand’ukuzalwa fisani uchago oluhle, ngitsho uchago olungokomoya, ukuze ngalo likhuliselwe ukusiliswa;

AbaseKholose 1:23

uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

1 AbaseKhorinte 15:19

Uba singabathembela kuKristu kulokhukusila kuphela, singabokukhalelwa kulabantu bonke.

AmaHebheru 7:19

ngoba umlayo kawuzanga wenze ulutho luphelele; sekungeniswa ithemba elingcono, esisondela ngalo kuNkulunkulu.

1 AbaseThesalonika 2:13

Ngalokho kasiyekeli ukumbonga uNkulunkulu, ukuthi kuthe lapho lilamukela ilizwi likaNkulunkulu elalizwa ngathi, kalilamukelanga njengelizwi labantu kuphela kodwa njengelizwi likaNkulunkulu, njengoba liyilo isibili lona elisebenzayo phakathi kwenu lina elikholwayo.

1 UJohane 3:3

Ilowo lalowo othemba kuye uyazihlambulula, njengoba uKristu ehlambulukile.

AbaseGalathiya 5:5

Ngoba thina ngaye uMoya silindele ngokukholwa ithemba lokulunga.

2 AbaseKhorinte 5:19

okuyikuthi uNkulunkulu wayekuKristu ebuyisana lomhlaba, engababaleli iziphambeko zabo, lokuthi wanika thina ilizwi lokubuyisana

Imisebenzi 23:6

Kwathi uPawuli esebonile ukuthi enye ingxenye yabo ingabaSadusi lenye ingabaFarisi, wamemeza emphakathini, wathi: Bazalwane, mina ngingumFarisi lendodana yomFarisi, ngimangalelwe ngethemba langokuvuka kwabafileyo.

1 UPhethro 3:15

kodwa enhliziyweni zenu mdumiseni uKristu oyiNkosi. Lihlale lizilungisele ukuphendula bonke abalibuza isizatho sokuthemba kwenu, likwenze ngobumnene langokuhlakanipha;

1 AbaseKhorinte 13:13

Kumike ukukholwa, lokuthemba, lothando, lokhu kokuthathu; kodwa okukhulu kulokhu luthando.

Imisebenzi 24:15

ngilethemba kuNkulunkulu abalivumayo labo uqobo lwabo elokuthi kuzakuba khona ukuvuka kwabafileyo, okwabalungileyo labangalunganga.

AmaHubo 31:19

Yeka ubukhulu bokulunga kwakho okubekele labo abakwesabayo, okwenzela phambi kwabantu labo abaphephela kuwe!

1 uTimothi 1:15

Liqinisile lelilizwi, lifanele ukwamukelwa impela elokuthi uKristu Jesu weza emhlabeni ukusilisa izoni, engingesikhulu kuzo mina.

2 AbaseThesalonika 2:16

Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

AbaseKholose 3:16

Ilizwi likaKristu kalihlale phakathi kwenu ngokupheleleyo. Fundisanani lilayane ngokuhlakanipha konke. Hlabelelani amahubo lezihlabelo lengoma zokomoya, libonge uNkulunkulu enhliziyweni zenu.

AbaseRoma 10:8

Kodwa kuthini na? Kuthi: Ilizwi liseduze lawe, lisemlonyeni lasenhliziyweni yakho; okutsho ilizwi lokukholwa esilitshumayelayo.

Imisebenzi 10:36

Yilo ilizwi alithumela kuIsrayeli, etshumayela ivangeli lokuthula ngoJesu Kristu; yena uyiNkosi yabo bonke.

ULukha 12:33

Thengisani impahla zenu, liphe iziphiwo; lizenzele imixhaka engagugiyo lenotho engapheliyo ezulwini, lapho kungasondeli isela khona, lalapho inondo ingoni khona.

Imisebenzi 13:26

Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa.

2 AbaseKhorinte 6:7

langokukhuluma iqiniso, langamandla kaNkulunkulu, langokusebenzisa izikhali zokulunga ngesandla sokunene langesokhohlo;

AbaseGalathiya 2:5

Kasibathobelanga ngokuzehlisela ngaphansi kwabo ngitsho okwesikhatshana nje, ukuze iqiniso levangeli lime njalo kini.

AbaseGalathiya 2:14

Kodwa kuthe sengibonile ukuba kabahambi ngokweqiniso levangeli, ngathi kuKefasi phambi kwabo bonke: Uba wena ungumJuda, uhamba ngokwabezizwe ungahambi ngokwabaJuda, ungabacindezela kanjani abezizwe ukuba bahambe ngokwabaJuda na?

Abase-Efesu 4:21

Ngoba selimzwile lafundiswa ngaye, njengoba iqiniso likuJesu,

2 UPhethro 1:12

Ngakhoke ngizakuba ngilokhu ngilikhumbuza njalo lezizinto, lanxa lizazi, limi liqinile eqinisweni elilalo.