AbaseKholose 1:28 - iBhayibhili Elingcwele 1978

²⁸ Nguye esimtshumayelayo, seluleka wonke umuntu, sifundisa bonke abantu ngokuhlakanipha konke, ukuze sibalethe bonke kuKristu bephelele.

IBhayibhili Elingcwele LesiNdebele

²⁸ Sitshumayela yena, seluleke njalo sifundise abantu bonke ngenhlakanipho yonke ukuze bonke sibalethe kuKhristu bephelele.

AbaseKholose 1:28 Referans Kwoze

UJeremiya 3:15

Ngizalinika abelusi abathandekayo kimi, abazalalusa ngokwazi langokuhlakanipha.

Abase-Efesu 5:27

ukuze alimise ibandla phambi kwakhe lilenkazimulo, lingelacwatshana, lomxhele loba okunye nje, kodwa libe libandla elingcwele elingelacala.

UMatewu 5:48

Ngakho lina wobani ngabapheleleyo, njengokuba uYihlo osezulwini ephelele.

AbaseKholose 3:16

Ilizwi likaKristu kalihlale phakathi kwenu ngokupheleleyo. Fundisanani lilayane ngokuhlakanipha konke. Hlabelelani amahubo lezihlabelo lengoma zokomoya, libonge uNkulunkulu enhliziyweni zenu.

1 AbaseKhorinte 2:6

Ukuhlakanipha sikukhuluma phakathi kwabapheleleyo, lanxa kungeyisikho ukuhlakanipha kwalesisikhathi ingabe ukuhlakanipha kwababusi balesisikhathi, abazakubhubha.

AbaseKholose 1:22

Kodwa khathesi usebuyisene lani emzimbeni wayo ngokufa ukuba alimise phambi kwakhe lingcwele, lingelacala, lingasoleki,

2 AbaseKhorinte 11:2

Ngilobukhwele ngani ngobukhwele obungobukaNkulunkulu, ngoba ngalendisela kuKristu ukuba ngilise endodeni eyodwa liyintombi emsulwa.

2 AbaseKhorinte 4:5

Ngoba kasizitshumayeli thina, kodwa sitshumayela ukuthi uKristu Jesu uyiNkosi, lokuthi thina siyizinceku zenu ngenxa yakhe.

Imisebenzi 20:31

Ngakho lindani, likhumbule ukuthi okweminyaka emithathu ebusuku lemini kangiyekelanga ukuleluleka lonke ngenyembezi.

Imisebenzi 8:35

UFiliphu wavula umlomo wakhe, eqala kulowombhalo wamtshumayeza ivangeli ngoJesu.

AmaHebheru 10:14

Ngoba ngomnikelo munye uphelelisile okwesikhathi sonke labo abenziwe baba ngcwele.

1 uTimothi 3:2

Umalusi webandla umele ukuba abe ngumuntu ongasolekiyo, indoda elomfazi munye, ozithintayo, oqondileyo, oziphatha ngokufaneleyo, ophatha kuhle izihambi, olelisu lokufundisa,

AbaseKholose 2:10

liphelelisiwe kuye. Uyinhloko yokubusa konke lamandla.

1 AbaseKhorinte 12:8

Omunye uphiwa ngoMoya ukukhuluma ngokuhlakanipha, omunye aphiwe ilizwi lokwazi ngaye lowoMoya,

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

2 AbaseKhorinte 10:14

Ngoba kasizeluli ngokweqileyo ngokungathi kasizanga sifinyelele kini, ngoba yithi abokuqala ukufika kini levangeli likaKristu.

1 AbaseKhorinte 15:12

Uba uKristu etshunyayelwa ukuthi uvusiwe kwabafileyo, batsho kanjani abanye phakathi kwenu ukuthi kakukho ukuvuka kwabafileyo na?

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

ULukha 21:15

ngoba mina ngizakulinika umlomo lokuhlakanipha abangemelane lakho, bakuphike, bonke abayizitha zenu.

1 AbaseKhorinte 2:15

Umuntu womoya uyahlola zonke izinto, kodwa yena kahlolwa muntu.

1 AbaseKhorinte 1:23

kodwa thina sitshumayela uKristu obethelweyo, okuyisikhubekiso kubaJuda, lobuthutha kwabezizwe,

AbaseRoma 16:25

Kuye olamandla okuliqinisa ngokwevangeli lami langokutshunyayelwa kukaJesu Kristu, langokwambulwa kwemfihlakalo eyayifihliwe ngezikhathi zakade,

Imisebenzi 17:3

ebavulela, etshengisa ngayo ukuthi kwakufanele ukuba uKristu ahlupheke, avuke kwabafileyo, esithi futhi: UJesu lo engimtshumayela kini unguKristu.

Imisebenzi 10:36

Yilo ilizwi alithumela kuIsrayeli, etshumayela ivangeli lokuthula ngoJesu Kristu; yena uyiNkosi yabo bonke.

Imisebenzi 9:20

Masinyane emasinagogeni abo watshumayela ngoJesu esithi uyiNdodana kaNkulunkulu.

Imisebenzi 8:5

UFiliphu wehlela emzini waseSamariya, watshumayela kubo ngoKristu.

Imisebenzi 5:42

Insuku zonke ethempelini lasekhaya kabayekelanga ukufundisa lokutshumayela ngoJesu ukuthi unguKristu.

Imisebenzi 3:20

ukuze ithumele uKristu elimmiselweyo, uJesu,

UMakho 6:34

Kwathi ephuma, wabona ixuku elikhulu, walihawukela, ngoba lalinjengezimvu ezingelamalusi; waqala ukulifundisa izinto ezinengi.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UMatewu 3:7

Kwathi ebona abanengi babaFarisi labaSadusi besiza ekubhaphathizeni kwakhe, wathi kubo: Lina nzalo yezinyoka, ngubani olixwayise ukuba libalekele ulaka oluzayo na?

UJeremiya 6:10

Ngizakhuluma lobani ngimxwayise ukuba bezwe na? Indlebe zabo zivalekile, kabalakulalela; ilizwi leNkosi liyinhlekisa kibo, kalibathokozisi.

UmTshumayeli 12:9

Ngokuhlakanipha umtshumayeli wabafundisa abantu ulwazi, esecabangile wafunda walungisa izaga ezinengi.

Izaga 8:5

Lina elingelalwazi, fundani ukuhlakanipha; lani zithutha, lifunde ukuqedisisa.

UDutheronomi 4:5

Khangelani, ngilifundisile izimiso lezahlulelo, njengokungilaya kwayo iNkosi uNkulunkulu wami, ukuba lizenze elizweni elizakungena kulo ukulithumba.

2 UPhethro 3:15

Lithi ukubekezela kweNkosi yethu kuyikusilisa, njengalokhu lomzalwane wethu othandekayo uPawuli walilobela, watsho njalo ngokuhlakanipha akuphiweyo;

AmaHebheru 13:21

angaliphelelisa kukho konke okuhle, ukuze lenze intando yakhe, esebenza kini lokho okumthokozisayo ngoJesu Kristu; kakube kuye ubukhosi kuze kube nininini. Ameni.

1 uTimothi 3:16

Kuyavunywa ukuthi yinkulu impela imfihlakalo yokukholwa kwethu, yokuthi: Yena owabonakaliswa emzimbeni, walungisiswa emoyeni, wabonwa yizithunywa watshunyayelwa ezizweni, wakholwa ngumhlaba wonke, waphakanyiselwa ezulwini.

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.

1 AbaseKhorinte 4:14

Kangililobeli lokhu ukuba ngilithele inhloni, kodwa ukuba ngileluleke njengabantwana bami abathandekayo.

Imisebenzi 13:38

Ngakhoke yazini, bazalwane, ukuthi ngalowo kutshunyayelwa kini ukuthethelelwa kwezono;

Imisebenzi 11:20

Kodwa kwakukhona abanye kubo, amadoda aseKuprosi laseKurene abathi befika eAntiyoki bakhuluma lakumaGriki, betshumayela ngeNkosi uJesu.

UHezekhiyeli 7:10

Nanto usuku, nantu luyeza. Ukuchitheka kwenu sekufikile, ububi buyahluma, lokuziqhenya kukhahlele,

Imisebenzi 17:18

Abathile kuzo izazi zamaEpikuri lamaStoyiki baphikisana laye; abanye bathi: Umzenzisazi lo angathini na? Labanye bathi: Kungathi ungotshumayela onkulunkulu bezizweni; ngoba watshumayela ngoJesu langokuvuka kwabafileyo.

U-Ezra 7:25

Laweke Ezra, ngokuhlakanipha olakho okuvela kuNkulunkulu wakho beka abathonisisi labehluleli abazakwahlulela bonke abantu abaselizweni elingaphetsheya kweYufrathi, bonke abayaziyo imilayo kaNkulunkulu wakho; labo abangayaziyo uzabafundisa.

AbaseKholose 2:3

okufihlwe kuye inotho yonke yokuhlakanipha leyokwazi.

AbaseKholose 4:12

Uyalibingelela uEpafra omunye wakini, inceku kaKristu Jesu; uyalikhulekela kakhulu ngezikhathi zonke ukuba lime liphelele liqine entandweni yonke kaNkulunkulu.