AbaseKholose 1:2 - iBhayibhili Elingcwele 1978

² sithi kibo abangcwele labazalwane abakholwayo kuKristu abaseKolose: Kakube kini umusa lokuthula okuvela kuNkulunkulu uBaba.

IBhayibhili Elingcwele LesiNdebele

² Lakubazalwane abangcwele labathembekileyo kuKhristu abaseKholose: Umusa lokuthula kakube kini kuvela kuNkulunkulu uBaba wethu.

AbaseKholose 1:2 Referans Kwoze

2 UPhethro 1:2

Kakwandiswe kini umusa lokuthula ngokumazi uNkulunkulu loJesu iNkosi yethu.

Abase-Efesu 1:1

Mina Pawuli, umphostoli kaKristu Jesu ngentando kaNkulunkulu, ngithi kubo abangcwele abaseEfesu, abathembekileyo kuKristu Jesu:

AbaseRoma 1:7

Ngithi kubo bonke abathandiweyo nguNkulunkulu abaseRoma ababizelwe ukuba ngabangcwele: Kakube kini umusa lokuthula okuvela kuNkulunkulu uBaba, laseNkosini uJesu Kristu.

1 AbaseKhorinte 1:2

sithi kulo ibandla likaNkulunkulu eliseKorinte, kubo abahlukaniselwe kuKristu Jesu, ababizelwe ukuba ngabangcwele, kanye labo bonke abakhuleka ebizweni leNkosi yethu uJesu Kristu endaweni zonke, iNkosi yabo leyethu:

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

1 UPhethro 1:2

abakhethiweyo ngokwazi ngaphambili kukaNkulunkulu uBaba, bahlukaniselwa nguMoya ukulalela uJesu Kristu lokufafazwa ngegazi lakhe; ngithi: Kakwandiswe kini umusa lokuthula.

AbaseGalathiya 1:3

Kakube kini umusa lokuthula okuvela kuNkulunkulu uBaba laseNkosini yethu uJesu Kristu

Abase-Efesu 6:21

Kodwa, ukuze lani lazi okumaqondana lami lalokho engikwenzayo, uzakulitshela konke uTikiko, umzalwane othandekayo lesikhonzi esithembekileyo eNkosini.

AmaHubo 16:3

Abangcwele abaselizweni yibo abayizikhulu, yonke intokozo yami ikubo.

UJuda 1:2

Kakwandiswe kini isihawu lokuthula lothando.

AbaseGalathiya 3:9

Ngakhoke bona abakholwayo babusiswa kanye loAbrahama owakholwayo.

1 AbaseKhorinte 4:17

Ngalokhoke ngithumele kini uTimothi ongumntanami othandekayo lothembekileyo eNkosini, ukuba alikhumbuze ngokuhamba kwami kuKristu, njengokuba ngifundisa ezindaweni zonke emabandleni wonke.

Imisebenzi 9:13

Kodwa uAnaniya wathi: Nkosi, ngizwile ngabanengi ngalowomuntu konke okubi akwenzileyo kwabangcwele bakho abaseJerusalema;

AbaseFiliphi 1:1

Thina oPawuli loTimothi, inceku zikaKristu Jesu, sithi kubo bonke abangcwele kuKristu Jesu abaseFiliphi, kanye lababonisi lezikhonzi: