AbaseKholose 1:12 - iBhayibhili Elingcwele 1978

¹² libonge uYise owalenza lafanela ukuhlanganyela ilifa labangcwele ekukhanyeni.

IBhayibhili Elingcwele LesiNdebele

¹² limbonge ngentokozo uYise owalenza lafanela ukuhlanganyela elifeni labangcwele bakhe embusweni wokukhanya.

AbaseKholose 1:12 Referans Kwoze

Imisebenzi 20:32

Ngakhoke sengilinikeza kuNkulunkulu laselizwini lomusa wakhe, elilamandla okulakha lokulabela ilifa phakathi kwabo bonke abamahlukaniselweyo.

Abase-Efesu 1:11

KuKristu thina sabelwa ilifa, esamiselwa lona ngaphambili ngokwecebo lakhe osebenzayo ezintweni zonke ngokwentando yakhe,

Abase-Efesu 1:18

Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

2 AbaseKhorinte 5:5

Owasenzela khona lokho nguNkulunkulu owasipha uMoya ube yisibambiso.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

AmaHebheru 3:14

Ngoba siyahlanganyela kuKristu, uba sibambisisa ithemba lethu lokuqala kuze kube sekupheleni.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

Isambulo 21:23

Umuzi kawudingi ilanga lenyanga ukuba kukhanyise kuwo, ngoba inkazimulo kaNkulunkulu iyawukhanyisa, leWundlu liyisibane sawo.

AmaHebheru 12:23

lasemhlanganweni wamazibulo abhalwe ezulwini, lakuNkulunkulu umahluleli wakho konke, lakumimoya yabalungileyo abaphelelisiweyo,

AbaseKholose 2:2

Inhliziyo zabo kaziduduzeke; kabahlanganiswe othandweni; kababe lenotho yonke yokuqedisisa okupheleleyo, bazisise imfihlakalo kaNkulunkulu enguKristu,

Abase-Efesu 5:20

limbonge njalo uNkulunkulu ngakho konke ebizweni leNkosi yethu uJesu Kristu.

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

AbaseRoma 15:27

Yebo, kwaba kuhle kibo; ngoba lembala balomlandu kibo; ngoba uba abezizwe behlanganyela kanye labo ezintweni zabo zokomoya, abezizwe balomlandu futhi wokubasebenzela ezintweni zokomzimba.

Izaga 16:1

Umuntu wenza amacebo ngenhliziyo yakhe, kodwa yiNkosi emisa konke.

Izaga 4:18

Indlela yabalungileyo injengovivi lokusa oluqhubeka ngokukhanya njalo kuze kube semini;

UJakhobe 3:9

Ngalo siyabonga iNkosi uBaba, langalo sithuka abantu abenziwe bafana loNkulunkulu.

AmaHebheru 3:1

Ngakhoke, bazalwane abangcwele, abahlanganyela ekubizweni kwasezulwini, qaphelani uJesu umphostoli lompristi omkhulu wesivumo sethu,

AbaseKholose 3:17

Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.

AbaseKholose 3:15

Kakubuse enhliziyweni zenu ukuthula kukaKristu, elabizelwa kukho emzimbeni munye; futhi wobani ngababongayo.

Abase-Efesu 5:4

Kakungabi khona amanyala, lokukhuluma okuyize, lokulawula okungcolileyo, okuyizinto ezingafanelanga; kodwa kakube khona ukubonga.

Abase-Efesu 4:6

munye uNkulunkulu, uYise wabo bonke, ophezu kwabo bonke, okubo bonke, ophakathi kwabo bonke.

1 AbaseKhorinte 9:23

Ngikwenza konke ngenxa yevangeli, ukuze lami ngihlanganyele kulo.

AbaseRoma 11:17

Kodwa uba kwaphulwe ezinye ingatsha, lawe oyisihlahla seoliva sasegangeni waxhunyelelwa endaweni yazo ukuba uhlanganyele lazo impande lomhluzi wesihlahla,

AbaseRoma 9:23

ukuze abonakalise inotho yenkazimulo ezitsheni zomusa ayezilungisele inkazimulo yakhe ngaphambili na?

UJohane 20:17

UJesu wathi kuye: Ungangibambi, ngoba angikenyukeli kuBaba. Kodwa yana kubafowethu, uthi kibo ngiyenyukela kuBaba lakuYihlo, kuNkulunkulu wami loNkulunkulu wenu.

UJohane 4:23

Kodwa isikhathi siyeza, njalo sesifikile, lapho abakhonzi abaqotho bazakukhonza uBaba ngomoya langeqiniso; ngoba uBaba ufuna abamkhonzayo babe njalo.

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

UDanyeli 2:23

Ngiyakubonga ngikudumise, wena Nkulunkulu wabokhokho, ngoba unginikile ukuhlakanipha lamandla, usungazisile lokho esikucelileyo kuwe, ngoba usitshengisile indaba yenkosi.

AmaHubo 116:7

Buyela ekuphumuleni kwakho, mphefumulo wami, ngoba iNkosi ikuphathe ngomusa.

AmaHubo 97:11

Ukukhanya kuyabaphumela abalungileyo, lokuthokoza abanhliziyo eqotho.

AmaHubo 79:13

Ng’khonake thina abantu bakho, umhlambi wedlelo lakho, sizakukubonga kuze kube nininini, sitshumayele udumo lwakho ezizukulwaneni ngezizukulwana.

AmaHubo 36:9

Ngoba ukuwe umthombo wokuphila; ekukhanyeni kwakho siyakubona ukukhanya.

1 ImiLando 29:20

UDavida wasesithi kulo lonke ibandla: Ibongeni iNkosi uNkulunkulu wenu. Lonke ibandla layibonga iNkosi, uNkulunkulu wabokhokho babo; bathi mbo ngobuso phansi, bekhonza iNkosi uNkulunkulu, behlonipha lenkosi uDavida.

1 AmaKhosi 6:7

Indlu yakhiwa ngamatshe ayelungiswe enkwalini, ukuze kungezwakali ukukhala kwesando lehloka lesinye isikhali nje sensimbi ethempelini nxa lisakhiwa.

Isambulo 22:14

Babusisiwe labo abagezisa ingubo zabo ukuba babe lelungelo esihlahleni sokuphila, bangene emzini ngamasango.

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

1 UJohane 1:3

Lokho esikubonileyo sakuzwa, silitshumayeza khona lani, ukuze lani libe lokuhlanganyela lathi; thina silokuhlanganyela loBaba kanye leNdodana yakhe uJesu Kristu.

1 UPhethro 5:1

Ngakhoke ngiyabalaya abadala bebandla abaphakathi kwenu, mina engingomdala kanye labo, lofakazi wezinhlupheko zikaKristu, lomhlanganyeli wenkazimulo ezakwambulwa kithi.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

2 AbaseKhorinte 11:14

Kakumangalisi lokhu, ngoba uSathane uqobo uzitshaya isithunywa sokukhanya.

Abase-Efesu 2:18

Ngoba ngaye silokungena sonke ngoMoya munye kuYise.

Abase-Efesu 5:8

Ngoba lalingumnyama, kodwa khathesi liyikukhanya eNkosini. Hambani njengabantwana bokukhanya,

Abase-Efesu 5:11

Lingahlanganyeli lemisebenzi yomnyama engelazithelo, kodwa ivezeni obala.