AbaseGalathiya 6:1 - iBhayibhili Elingcwele 1978

¹ Bazalwane, uba umuntu esehlelwa yisiphambeko, lina abakaMoya mlungiseni onjalo ngomoya wobumnene. Uqaphele lawe ukuba ungalingwa wena.

IBhayibhili Elingcwele LesiNdebele

¹ Bazalwane, nxa umuntu ethunjwe yisono esithile lina eliphila ngokoMoya kumele limbuyise kakuhle. Kodwa lizinanzelele ukuthi lani futhi lingalingwa.

AbaseGalathiya 6:1 Referans Kwoze

AbaseRoma 15:1

Thina esilamandla sifanele ukuthwala ubuthakathaka babangelamandla, singazithokozisi thina.

2 AbaseThesalonika 3:15

kodwa lingamphathisi okwesitha, mlulekeni njengomzalwane.

2 uTimothi 2:25

ibaluleke ngomoya omnene abamelana layo. Kumbe uNkulunkulu angabanika ukuphenduka, baze balazi iqiniso,

1 UJohane 5:16

Uba umuntu ebona umzalwane wakhe esenza isono esingesiso sokufa, kamkhulekele kuNkulunkulu; uzakumnika ukuphila, ngitsho labo abangenzanga isono sokufa. Sikhona isono sokufa, kangitsho ukuba kukhulekelwe leso;

2 AbaseKhorinte 2:7

kungcono khathesi ukuba limthethelele, limduduze, funa onjalo ahlulwe lusizi olukhulu.

AmaHebheru 12:13

lenzele inyawo zenu indlela eziqondileyo ukuze okuqhulayo kunganyeli, kodwa kusiliswe.

1 UPhethro 3:15

kodwa enhliziyweni zenu mdumiseni uKristu oyiNkosi. Lihlale lizilungisele ukuphendula bonke abalibuza isizatho sokuthemba kwenu, likwenze ngobumnene langokuhlakanipha;

AbaseRoma 14:1

Lowo obuthakathaka ekukholweni mamukeleni, kodwa kungabi ngokuphikisana laye.

UHezekhiyeli 34:16

Ngizadinga ezilahlekileyo, ngibuyise eziduhileyo, ngibophe ezaphukileyo, ngiqinise ezibuthakathaka; lezinonileyo leziqinileyo ngizazilondoloza, ngizidlise ngokulunga.

1 AbaseKhorinte 10:12

Ngakhoke lowo osuka athi umi, kaqaphele ukuba angawi.

1 AbaseKhorinte 4:21

Pho, lifunani na? Ngize kini ngiphethe induku, kumbe ngize ngilothando lomoya ochumileyo na?

UJakhobe 3:2

Ngoba sonke siyakhubeka ngokunengi. Uba umuntu engakhubeki ekukhulumeni kwakhe, lowo ungumuntu opheleleyo, olamandla okubamba lomzimba wonke.

2 AbaseKhorinte 10:1

Mina Pawuli uqobo ngiyalincenga ngobumnene langothando lukaKristu, mina engithobileyo nxa ngikhona phakathi kwenu, njengokutsho kwenu, kodwa engilesibindi nxa ngingekho.

UMatewu 9:13

Hambani lifunde ukuba lokhu kutshoni ukuthi: Ngifuna isihawu kulomhlatshelo. Ngoba angizanga ukubiza abalungileyo kodwa izoni.

1 AbaseKhorinte 14:37

Uba umuntu esithi ungumtshumayeli, loba ungowomoya, kaqonde ukuthi lokhu engililobela khona kungumlayo weNkosi.

1 AbaseKhorinte 7:5

Lingancitshani, kuphela kube ngokwesikhathi ngokuvumelana ukuba lizuze ithuba lokukhuleka, libuye lihlangane futhi, funa uSathane alilinge ngokungazithinti kwenu.

1 AbaseKhorinte 2:15

Umuntu womoya uyahlola zonke izinto, kodwa yena kahlolwa muntu.

AbaseRoma 8:6

Ukunakana ngokwabantu kuyikufa; kodwa ukunakana ngoMoya kuyikuphila lokuthula.

UMatewu 11:29

Thwalani ijokwe lami phezu kwenu, lifunde kimi, ngoba ngimnene ngithobekile; kung’khona imiphefumulo yenu izakufumana ukuphumula.

UJakhobe 3:13

Ngubani ohlakaniphileyo loqedisisayo phakathi kwenu na? Katshengise ngokuhamba kwakhe okuhle imisebenzi yakhe ngobumnene langokuhlakanipha.

AmaHebheru 13:3

Bakhumbuleni ababotshiweyo ngokungathi lani libotshiwe kanye labo, labaphethwe kubi, lokhu lani lisekhona.

AbaseGalathiya 5:23

lobumnene, lokuzithinta; kokunje kakulamlayo.

2 USamuyeli 11:2

Kwathi ngolunye usuku kusihlwa uDavida wavuka embhedeni wakhe, wahambahamba phezu kophahla lwendlu yenkosi, wabona esophahleni owesifazana egeza; wayemuhle kakhulu, ebukeka.

1 AbaseKhorinte 3:1

Lamike, bazalwane, bengingelakukhuluma lani njengabakomoya kodwa njengabakwabantu, njengabayizingane kuKristu.

UMatewu 26:75

UPetro wasekhumbula ilizwi likaJesu lokuthi: Lingakakhali iqhude, uzakungilandula kathathu. Waphumela ngaphandle, wakhala ngokudabuka okukhulu.

UMatewu 26:69

UPetro wayehlezi ngaphandle egumeni; kweza kuye intombazana, yathi: Lawe ubuloJesu waseGalili.

AmaHubo 141:5

Olungileyo kangitshaye, kuzakuba ngumusa kimi; kodwa ikhanda lami kaliyikugcotshwa ngamagcobo ababi. Umkhuleko wami umelana lezenzo zabo ezimbi.

AbaseGalathiya 6:18

Umusa weNkosi yethu uJesu Kristu kawube lomoya wenu, bazalwane. Ameni.

1 AbaseThesalonika 4:1

Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.

2 AbaseKhorinte 2:8

Ngakhoke ngiyalincenga ukuba limphathe ngothando.