AbaseGalathiya 4:9 - iBhayibhili Elingcwele 1978

⁹ kodwa khathesi njengalokhu selimazi uNkulunkulu, kumbe kangithi selisaziwa nguNkulunkulu, libuyelelani empini yemimoya yalumhlaba ebuthakathaka leyize na? Lithanda ukuphinda libe yizigqili zawo na?

IBhayibhili Elingcwele LesiNdebele

⁹ Kodwa khathesi uNkulunkulu selimazi, loba ngithi uNkulunkulu uselazi, pho kungani libuyela emuva empini yemimoya yalumhlaba ebuthakathaka leyize na? Liyafisa ukuthi ligqilazwe yiyo njalo na?

AbaseGalathiya 4:9 Referans Kwoze

1 AbaseKhorinte 8:3

kodwa uba umuntu ethanda uNkulunkulu, yena uyaziwa nguye.

AbaseGalathiya 3:3

Kanti liyizithutha kangaka na? Liqalile ngoMoya; selizakucina ngawenu amandla na?

AbaseRoma 8:3

UNkulunkulu ukwenzile lokho okwahlula umlayo, ngoba umlayo waba buthakathaka ngenxa yesimo somuntu; ngokuthuma iNdodana yakhe ilesimo esifana lesomuntu esibi, ibe ngumhlatshelo wesono, walahla isono kulesosimo,

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 UPhethro 2:20

Uba emva kokuba sebephephile ekungcoleni komhlaba ngokuyazi iNkosi yethu loMsilisi uJesu Kristu, babuye behilelwa, bahlulwa yikho, ukucina kwabo kubi kulokuqala.

AmaHebheru 7:18

Umthetho wokuqala uyachithwa ngenxa yobuthakathaka bawo lokungasizi lutho kwawo,

2 uTimothi 2:19

Kodwa isisekelo esiqinileyo sikaNkulunkulu simi silaloluphawu lokuthi: INkosi iyabazi abangabayo; lokuthi: Ilowo lalowo ophatha ibizo leNkosi kahlukane lokungalungi.

Abase-Efesu 1:17

ukuze uNkulunkulu weNkosi yethu uJesu Kristu, uYise olobukhosi, alinike umoya wokuhlakanipha lokwambulwa ekumazini yena.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

1 AbaseKhorinte 13:12

Khathesi sibona esibukweni kaluvivi; kodwake lapho ubuso buzakubonana lobuso. Khathesi ngazi ingxenye; kodwa lapho ngizakwazi ngokupheleleyo, njengokuba kade ngisaziwa ngokupheleleyo nguNkulunkulu.

U-Eksodasi 33:17

INkosi yathi kuMose: Ngizakwenza lalokhu okutshoyo, ngoba ufumene umusa emehlweni ami, ngiyakwazi ngebizo.

AbaseRoma 8:29

Ngoba labo uNkulunkulu abazi ngaphambili, wabamisa ngaphambili ukuba bafane lesimo seNdodana yakhe, ukuze yona ibe lizibulo phakathi kwabazalwane abanengi;

UJohane 17:3

Ukuphila okungapheliyo yilokhu ukuba bakwazi wena Nkulunkulu wedwa ongoweqiniso, loJesu Kristu omthumileyo.

UJohane 10:27

Izimvu zami ziyalizwa elami ilizwi; lami ngiyazazi, ziyangilandela;

UJohane 10:14

Mina ngingumalusi olungileyo; ngiyazazi ezami, lezami ziyangazi,

UMatewu 11:27

Konke ngikunikelwe nguBaba; kakho oyaziyo iNdodana, kuphela uYise; kakho futhi omaziyo uYise, kuphela iNdodana lalowo iNdodana ethanda ukumambulela yena.

UHabhakhukhi 2:14

Ngoba umhlaba uzagcwala ukwazi ngobukhulu beNkosi njengamanzi agcwalisa ulwandle.

UJeremiya 31:34

Kabasayikufundisana kube yilowo lalowo lomakhelwana wakhe, lalowo lalowo lomfowabo esithi: Yazi iNkosi! Ngoba bazangazi bonke, kusukela komncinyane wabo kuze kufike komkhulu, kutsho iNkosi. Ngizathethelela ububi babo, lesono sabo kangisayikusikhumbula.

Izaga 2:5

ng’khona uzakwazi ukuyesaba iNkosi, ufumane ukumazi uNkulunkulu.

AmaHubo 9:10

Abalaziyo ibizo lakho bazakuthemba kuwe, ngoba wena Nkosi, kawubatshiyanga abakudingayo.

AmaHubo 1:6

ngoba iNkosi iyayinanzelela indlela yabalungileyo, kodwa indlela yababi izakubhubha.

1 AmaKhosi 8:43

akuzwe wena usezulwini, endaweni yakho yokuhlala, umenzele konke akucelayo, ukuze abantu bonke emhlabeni bazi ibizo lakho, bakwesabe, njengabantu bakho bakoIsrayeli, ukuba bazi ukuthi lindlu engiyakhileyo iyindawo lapho ibizo lakho lidunyiselwa khona.

1 AbaseKhorinte 15:34

Phaphamani ngokufaneleyo, lingoni futhi; ngoba abanye kabamazi uNkulunkulu; ngitsho lokhu ukuba libe lenhloni.

2 AbaseKhorinte 11:20

Liyabekezela, uba umuntu elenza izigqili, uba elidla, uba elibamba, uba ezikhukhumeza, loba elimakala.

AbaseGalathiya 4:3

Ngokunjalo lathi, lapho siseyizingane sasiyizigqili ngaphansi kwempi yemimoya yalumhlaba.

ULukha 5:38

Kodwa iwayini elitsha limele lithelwe emigodleni emitsha.