AbaseGalathiya 3:16 - iBhayibhili Elingcwele 1978

¹⁶ Izithembiso zanikwa uAbrahama lenzalo yakhe. Kakutshiwo ukuthi: Ezinzalweni, ngokungathi zinengi; kodwa kungathi yinye kuthiwa: Lasenzalweni yakho; enguKristu.

IBhayibhili Elingcwele LesiNdebele

¹⁶ Izithembiso zatshiwo ku-Abhrahama lakunzalo yakhe. Umbhalo kawuthi “kwabenzalo,” usitsho abantu abanengi, kodwa uthi, “lakunzalo yakho,” usitsho umuntu oyedwa, lowo kunguKhristu.

AbaseGalathiya 3:16 Referans Kwoze

AbaseRoma 4:13

Ngoba isithembiso sokuthi uzakudla ilifa lomhlaba kasinikwanga uAbrahama lenzalo yakhe ngawo umlayo, kodwa sanikwa ngokulunga okungokukholwa.

ULukha 1:55

njengokuthembisa kwakhe kubokhokho ukuthi uzakuba lesihawu kuAbrahama lasenzalweni yakhe kuze kube nininini.

AbaseRoma 4:16

Kungakhoke kusiya ngokukholwa ukuze isithembiso sibe ngesomusa, siqiniseke enzalweni yakhe yonke, kungesiyo engeyomlayo kuphela, kodwa lakuyo engeyokukholwa kukaAbrahama ongubaba wethu sonke,

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

AbaseGalathiya 3:8

Lombhalo wabona ngaphambili ukuba uNkulunkulu uzakulungisisa abezizwe ngokukholwa, watshumayela ivangeli ngaphambili kuAbrahama wathi: Izizwe zonke zizakubusiswa kuwe.

UGenesisi 12:3

Ngizakubabusisa abakubusisayo, ngibaqalekise abakuqalekisayo; lonke usendo lomhlaba luzazicelela ukubusiswa njengawe.

Imisebenzi 3:25

Lina lingamadodana abaprofethi lawesivumelwano uNkulunkulu asenza labokhokho benu, esithi kuAbrahama: Ngenzalo yakho zizakubusiswa zonke izizukulwana zomhlaba.

UGenesisi 21:12

Kodwa uNkulunkulu wathi kuAbrahama: Kakungabi buhlungu kuwe ngenxa yomfana langenxa yesigqilikazi sakho; lalela ilizwi likaSara kukho konke akutshoyo kuwe, ngoba inzalo yakho izakubizwa ngoIsaka.

AbaseKholose 3:11

Lapho kakukho umGriki lomJuda, osokileyo longasokanga, owezizwe lomSikethiya, isigqili lokhululekileyo; kodwa uKristu uyikho konke, ukibo bonke.

UGenesisi 15:5

Yamkhuphela phandle yathi: Khangela ngasezulwini ubale izinkanyezi uba ungazibala. Yathi kuye: Inzalo yakho izakuba ngako.

1 AbaseKhorinte 12:27

Linake lingumzimba kaKristu lezitho zakhe ngamunye.

1 AbaseKhorinte 12:12

Ngoba njengoba umzimba umunye kodwa ulezitho ezinengi, loba zizinengi, zonke zingumzimba munye, kunjaloke loKristu.

AbaseRoma 12:5

kunjalo thina esibanengi, singumzimba munye kuKristu; siyizitho omunye komunye.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

AbaseKholose 2:19

Lowo kabambeleli kuKristu oyinhloko, okondliwa ngaye wonke umzimba, uhlanganiswa ngamalunga lemisipha, ukhula ngokukhula kukaNkulunkulu.

Abase-Efesu 5:32

Yimfihlakalo enkulu le, kodwa ngikhuluma ngoKristu lebandla.

UMatewu 1:1

Ugwalo lokuzalwa kukaJesu Kristu, iNdodana kaDavida, indodana kaAbrahama.

AbaseRoma 9:4

Bona bangabakoIsrayeli, benziwa abantwana bakaNkulunkulu, ngeyabo inkazimulo, lezivumelwano, lokumiswa komlayo, lenkonzo, lezithembiso;

2 AbaseKhorinte 11:22

BangamaHeberu na? Lami. BangabakoIsrayeli na? Lami. Bayinzalo kaAbrahama na? Lami.

AbaseGalathiya 3:19

Pho, umlayo uyini na? Wengezelelwa ngenxa yeziphambeko, kuze kufike inzalo eyanikwa isithembiso; wamiswa ngezithunywa ngesandla somlamuli.