AbaseGalathiya 2:12 - iBhayibhili Elingcwele 1978

¹² Ngoba bengakafiki abathile abavela kuJakobe, wayesidla labezizwe; kodwa kuthe ukuba bafike, wamonyuka, wahlukana labo esesaba abokusoka.

IBhayibhili Elingcwele LesiNdebele

¹² Ngaphambilini kwafika abantu abathile bevela kuJakhobe owayevame ukudla labeZizweni. Kodwa sebefikile waqalisa ukuhlehlela emuva, wazehlukanisa labeZizweni ngoba wayesesaba ababengabeqembu lokusoka.

AbaseGalathiya 2:12 Referans Kwoze

Imisebenzi 10:28

Wathi kubo: Liyazi ukuba kakuvunyelwa ukuba umuntu ongumJuda ahlangane, ahambelane lomuntu wesinye isizwe; kodwa uNkulunkulu ungitshengisile ukuthi ngingatsho ukuba omunye umuntu mubi ingabe ungcolile.

ULukha 15:2

AbaFarisi lababhali basola besithi: Umuntu lo wamukela izoni, adle lazo.

Abase-Efesu 3:6

ukuthi abezizwe bayizindlalifa kanye lathi, lokuthi bangumzimba munye kanye lathi, bangabahlanganyeli besithembiso kuKristu Jesu ngevangeli.

AbaseGalathiya 2:9

Ngakhoke, bathi ukubona umusa engiwuphiweyo, oJakobe loKefasi loJohane abadume ngokuthi zinsika zebandla, banika mina loBarnabasi isandla sokunene sobudlelwano ukuba thina siye kwabezizwe, bona baye kubaJuda.

1 AbaseThesalonika 5:22

zilani konke okubi.

Abase-Efesu 2:15

ngoba wachitha umlayo olemithetho lezimiso, ukuba abenze kuye labo ababili babe ngumuntu munye omutsha, ngalokhu enze ukuthula.

U-Isaya 65:5

abathi: Ungasondeli kimi, ngoba ngahlukanisiwe lawe. Laba banjengentuthu emakhaleni ami, lomlilo otshisayo usuku lonke.

U-Isaya 57:11

Wesaba bani kangaka ukuze uqambe amanga ungangikhumbuli, ungangifaki enhliziyweni yakho na? Kawusangesabi ngoba ngithule okwesikhathi eside na?

Izaga 29:25

Ukwesaba abantu kuyingozi, kodwa othemba eNkosini uvikelekile.

Imisebenzi 12:17

Wasebaqhweba ngesandla ukuba bathule, wabalandisela ukuba iNkosi imkhuphe kanjani entolongweni. Wasesithi: Bikelani uJakobe labazalwane. Wasuka waya kwenye indawo.

AbaseGalathiya 2:14

Kodwa kuthe sengibonile ukuba kabahambi ngokweqiniso levangeli, ngathi kuKefasi phambi kwabo bonke: Uba wena ungumJuda, uhamba ngokwabezizwe ungahambi ngokwabaJuda, ungabacindezela kanjani abezizwe ukuba bahambe ngokwabaJuda na?

ULukha 5:38

Kodwa iwayini elitsha limele lithelwe emigodleni emitsha.