AbaseFiliphi 4:9 - iBhayibhili Elingcwele 1978

⁹ Elakufundayo, lakwamukela, lakuzwa, lakubona kimi, kwenzeni lokho, ng’khona uNkulunkulu wokuthula ezakuba lani.

IBhayibhili Elingcwele LesiNdebele

⁹ Loba kuyini elikufundileyo loba elikwamukeleyo loba elikuzwileyo kuvela kimi, loba elikubonileyo kimi, kwenzeni. UNkulunkulu wokuthula uzakuba lani.

AbaseFiliphi 4:9 Referans Kwoze

UJakhobe 1:22

Wobani ngabenzi belizwi, lingabi ngabalizwayo kuphela, lizikhohlisa.

AbaseFiliphi 3:17

Bazalwane, ngilingisani, libaqaphelisise abahamba njengathi esiyisibonelo senu.

2 UPhethro 1:10

Ngakhoke, bazalwane, tshisekelani kakhulu ukuqinisa ukubizwa lokukhethwa kwenu; ngoba uba lisenza lokhu, kalisoze lakhubeka.

UJohane 13:17

Uba likwazi lokhu libusisiwe uba likwenza.

AbaseFiliphi 4:7

Ukuthula kukaNkulunkulu okudlula ukuqedisisa konke kuzakulondoloza inhliziyo zenu lemicabango yenu kuKristu Jesu.

AbaseRoma 16:20

UNkulunkulu uzakumchoboza masinyane uSathane ngaphansi kwenyawo zenu.

2 AbaseKhorinte 13:11

Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.

ULukha 6:46

Lingibizelani ngokuthi: Nkosi, Nkosi — lingakwenzi engikutshoyo na?

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UMatewu 7:21

Kakusibo bonke abatshoyo kimi ukuthi: Nkosi, Nkosi; abazakungena embusweni wezulu, kodwa kuphela owenza intando kaBaba osezulwini.

2 AbaseThesalonika 3:4

Silethemba eNkosini ngani ukuthi lokhu esililaya khona liyakwenza, njalo lizakukwenza.

1 AbaseThesalonika 1:6

Lani lalingisa thina leNkosi; ekuhluphekeni okukhulu selilamukele ilizwi ngokuthokoza kukaMoya oNgcwele,

1 AbaseThesalonika 5:23

UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu.

AbaseRoma 15:33

Kungathi uNkulunkulu wokuthula angaba lani lonke. Ameni.

UJohane 2:5

Unina wathi kubafokazi: Alibokwenza loba yikuphi azakulitshela khona.

ULukha 8:21

Kodwa wathi kibo: Umama labafowethu yilabo abalizwayo ilizwi likaNkulunkulu, balenze.

1 AbaseThesalonika 2:14

Ngoba lina, bazalwane, lafana lamabandla kaNkulunkulu akuKristu Jesu, wona aseJudiya; ngoba lani lahlutshwa ngabesizwe sakini njengalokhu lawo ahlutshwa ngabaJuda

1 AbaseKhorinte 10:31

Ngitsho ukuthi loba lisidla, loba linatha, loba lisenzani, konke kwenzeleni udumo lukaNkulunkulu.

UDutheronomi 5:1

UMose wasebiza wonke uIsrayeli, wathi kuye: Zwana, Israyeli, izimiso lezahlulelo engizikhuluma endlebeni zakho lamuhla, ukuba uzifunde, unanzelele ukuzigcina.

Imisebenzi 9:6

kodwa sukuma ungene emzini, uzakutshelwa lokhu omele ukukwenza.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

2 uTimothi 4:22

INkosi kayibe lomoya wakho. Umusa kawube lani lonke.

1 AbaseKhorinte 14:33

ngoba uNkulunkulu kasuye uNkulunkulu wesiphithiphithi kodwa ungowokuthula. Njengoba kunjalo emabandleni wonke abangcwele,

UJohane 15:14

Lina lingabangane bami, uba lisenza lokhu engililaya khona.

1 UJohane 3:22

lesikucelayo uzakusinika khona, ngoba sigcina imilayo yakhe, senze okuthandekayo kuye.

UMatewu 1:23

Khangela, intombi izakuthatha isisu ibelethe indodana, ezakubizwa ngokuthi nguEmanuweli, okuyikuthi ngokuphendulelwa, uNkulunkulu ulathi.

U-Isaya 8:10

Yenzani icebo, kodwa lizakwahluleka; khulumani ilizwi, kodwa kaliyikuma, ngoba uNkulunkulu ulathi.

1 AbaseKhorinte 4:16

Ngakhoke ngiyalincenga ukuba libe ngabalingisi bami.