Biblia Todo Logo
Bib sou entènèt

- Piblisite -




AbaseFiliphi 4:6 - iBhayibhili Elingcwele 1978

6 Lingakhathazeki ngalutho, kodwa kukho konke izicelo zenu kazaziwe nguNkulunkulu ngokukhuleka langokunxusa kanye langokubonga.

Gade chapit la Kopi

IBhayibhili Elingcwele LesiNdebele

6 Lingakhathazeki kodwa ngazo zonke izikhathi bikani izicelo zenu kuNkulunkulu ngokukhuleka, ngokuncenga langokubonga.

Gade chapit la Kopi




AbaseFiliphi 4:6
45 Referans Kwoze  

Lethulele phezu kwakhe izinkathazo zenu zonke, ngoba uyalikhathalela.


Wethulele phezu kweNkosi umthwalo wakho, yona izakukusekela; kayiyikuvuma lanini ukuba olungileyo anyikinywe.


Ngakhoke lingafanani labo; ngoba uYihlo uyakwazi elikuswelayo lingakaceli kuye.


Ngibiza, ngizakusabela, ngikutshele izinto ezinkulu ezifihlakeleyo ongazaziyo.


Nikela eNkosini konke okwenzayo, amacebo akho azakuphumelela.


Thembani kuye izikhathi zonke lina bantu, lithulule inhliziyo zenu phambi kwakhe; uNkulunkulu uyisiphephelo sethu.


Khuthalani ekukhulekeni, lilinde kukho, libonge.


Khulekani izikhathi zonke ngoMoya ngokucela konke langokunxusa. Kulokhu lilinde ngesineke sonke, linxusele abangcwele bonke.


Konke elikwenzayo, loba kungelizwi loba kungezenzo, kwenzeni konke ebizweni leNkosi uJesu, libonge uNkulunkulu uYise ngaye.


Wabatshela umfanekiso wokuthi bafanele ukukhuleka, bengadinwa.


Wasesithi kubafundi bakhe: Ngakhoke ngithi kini: Lingaphisekeli ukusila kwenu ukuba lizakudlani, loba umzimba wenu ukuba lizakwambathani.


Nkulunkulu, vula indebe zami ukuze umlomo wami ukudumise.


Kakubuse enhliziyweni zenu ukuthula kukaKristu, elabizelwa kukho emzimbeni munye; futhi wobani ngababongayo.


UDavida wahlupheka kakhulu; ngoba abantu bebekhuluma ngokumkhanda ngamatshe, ngoba inhliziyo zabo bonke zazidabukile ngenxa yamadodana lamadodakazi abo. Kodwa uDavida waziqinisa ngeNkosi uNkulunkulu wakhe.


limbonge njalo uNkulunkulu ngakho konke ebizweni leNkosi yethu uJesu Kristu.


Kusihlwa lasekuseni lasemini ngiyakhala ngibubule, izakulizwa ilizwi lami;


Kodwa iNkosi yamphendula yathi: Matha, Matha, uyaphisekela izinto, ukhathazeke ngokunengi.


UNkulunkulu kayikubalwela abakhethiweyo bakhe yini abakhalayo kuye emini lasebusuku na? Uzakuphuza ukubasiza na?


Nxa belinikela, lingakhathaleli ukuthi lizakukhuluma kanjani lokuthi lizakuthini, ngoba lizakunikwa ngalesosikhathi lokho elizakukukhuluma.


Umhlatshelo wababi uyisinengiso eNkosini, kodwa umkhuleko wabaqotho uyayithokozisa.


Lanike lingadingi elizakukudla lelizakukunatha; lingakhathazeki.


UHana wamphendula wathi: Atshi, nkosi yami, ngingowesifazana ohluphekayo; kanginathanga wayini loba utshwala obudakayo, kodwa bengiseneka umphefumulo wami eNkosini.


Lani limele ukusizana lathi ngokusikhulekela, ukuze umusa esiwuphiweyo nguNkulunkulu ngenxa yokukhuleka kwabanengi siwubongelwe ngabanengi.


Ngithanda ukuba lingabi lakukhathazeka. Ongathathanga ukhathalela izinto zeNkosi ukuthi uzakuyithokozisa kanjani.


Ukuphela kwezinto zonke sekusondele. Ngakho zikhuzeni, liqonde, likhuleke.


Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.


OShadraki loMeshaki loAbedinego bayiphendula inkosi uNebukadineza bathi: Kasifisi ukukuphendula kulindaba.


UHezekiya inkosi loIsaya umprofethi indodana kaAmozi bakhuleka ngenxa yalokhu, ukukhala kwabo kwafinyelela ezulwini.


USamuweli wasethatha ilitshe, walimisa phakathi kweMizipa leJeshana, walibiza ngokuthi yiEbenezeri, esithi: Kuze kube khathesi iNkosi isisizile.


Wena juba lami, elisengoxweni yedwala lasekusithekeni kweliwa akengibone ubuso bakho, ngizwe ilizwi lakho, ngoba lihle, lobuso bakho buyabukeka.


Wabizwa uyisigqili na? Ungakhathazeki ngalokho. Kodwa uba kungenzeka ukuba ukhululeke, kukhethe lokho.


Kodwake akuzwe umkhuleko wenceku yakho kanye lokucela kwayo, Nkosi Nkulunkulu wami, ulalele ukukhala lokukhuleka kwenceku yakho ekwenzayo phambi kwakho lamuhla.


Sengimnikile uBaruki indodana kaNeriya incwadi yokuthenga, ngakhuleka eNkosini ngathi:


Lapho uDaniyeli asesazi ukuthi inkosi isigwalile encwadini, wangena endlini yakhe; amawindi endlu yakhe ephezulu ayekhangele iJerusalema. Waguqa kathathu ngosuku ekhuleka edumisa uNkulunkulu wakhe njengokwenza kwakhe insuku zonke.


Ngakho lingaphisekeli ikusasa, ngoba ikusasa izakuziphisekela yona. Inkathazo yosuku yanele lona.


Ngakhoke kuqala kukho konke ngilaya ukuba ukunxusa lokukhuleka lokucela lokubonga kwenzelwe abantu bonke,


Lowo ongumfelwakazi isibili osele yedwa uthembele kuNkulunkulu, uhlala ekunxuseni lasekukhulekeni ebusuku lemini;


Swiv nou:

Piblisite


Piblisite