AbaseFiliphi 4:12 - iBhayibhili Elingcwele 1978

¹² Ngiyakwazi ukuswela, ngiyakwazi lokubusa; kukho konke lasezintweni zonke sengifundile ukusutha, lokulamba, lokubusa, lokuswela.

IBhayibhili Elingcwele LesiNdebele

¹² Ngiyakwazi ukuba ukuswela kuyini njalo ngiyakwazi ukuba kuyini ukuba lokunengi. Sengafunda imfihlo yokwaneliseka kuzozonke izimo, langabe ngiyasutha loba ngilambile, loba ngilokunengi kumbe ngiswela.

AbaseFiliphi 4:12 Referans Kwoze

UMatewu 11:29

Thwalani ijokwe lami phezu kwenu, lifunde kimi, ngoba ngimnene ngithobekile; kung’khona imiphefumulo yenu izakufumana ukuphumula.

2 AbaseKhorinte 11:27

Ngangisekutshikatshikeni lekukhathazekeni, ngingalali insuku ezinengi; ngisekulambeni lasekomeni, kanengi ngizila ukudla, ngibulawa ngamakhaza ngihambaze.

2 AbaseKhorinte 11:9

Lalapho ngangikhona kini ngiswele, kangibanga ngumthwalo emuntwini, ngoba abazalwane abavela eMakedoniya bathwala inswelo zami. Kukho konke ngazimisela ukuba ngingabi ngumthwalo kini, futhi ngisezakuzimisela.

UDutheronomi 32:10

Wamfumana elizweni eliyinkangala, enkangala elezilo ezibhongayo. Wamphahla, wamlondoloza, wamgcina, waba ligugu kuye.

U-Isaya 8:11

INkosi yangibamba ngesandla sayo, yangixwayisa ukuba ngingahambi endleleni yalababantu, yathi:

2 AbaseKhorinte 11:7

Kambe ngona yini ngokutshumayela ivangeli ngesihle kini, ngizithoba ukuba liphakanyiswe lina na?

2 AbaseKhorinte 10:10

Ngoba kuthiwa: Incwadi zakhe zinzima, zibukhali; kodwa nxa ekhona ngomzimba, ubuthakathaka, lokukhuluma kwakhe kudelelekile.

2 AbaseKhorinte 10:1

Mina Pawuli uqobo ngiyalincenga ngobumnene langothando lukaKristu, mina engithobileyo nxa ngikhona phakathi kwenu, njengokutsho kwenu, kodwa engilesibindi nxa ngingekho.

UJeremiya 31:19

Lapho sengiduhile ngaphenduka, lalapho sengilayiwe ngaba losizi olukhulu; ngaba lenhloni, ngadana, ngoba ngathwala ihlazo lobutsha bami.

UNehemiya 9:20

Wabanika umoya wakho omuhle ukubafundisa; kawubancitshanga imana yakho, wabanika lamanzi okunatha.

UMatewu 13:52

Wathi kubo: Ngakhoke ilowo lalowombhali ofundiselwe umbuso wezulu unjengomuntu ongumnumzana okhupha enothweni yakhe okutsha lokudala.