AbaseFiliphi 3:13 - iBhayibhili Elingcwele 1978

¹³ Bazalwane, kangitsho ukuthi mina uqobo sengikubambile; kodwa kunye engikwenzayo, ngikhohlwa okungasemuva ngizamelele kokungaphambili,

IBhayibhili Elingcwele LesiNdebele

¹³ Bazalwane, angikazibali njengosekubambile lokho. Kodwa yinye into engiyenzayo, ngiyakukhohlwa okusemuva ngizama ngamandla ukufinyelela kokuphambili,

AbaseFiliphi 3:13 Referans Kwoze

ULukha 9:62

Kodwa uJesu wathi kuye: Kakho othi esebeke isandla sakhe ekhubeni, akhangele emuva, ofanele umbuso kaNkulunkulu.

AbaseFiliphi 3:12

Kangitsho ukuthi sengifinyelele kulokho, lokuthi sengiphelelisiwe; kodwa ngizamelela ukuba mhlawumbe ngingakubamba yini lokho engabanjelwa khona nguKristu Jesu.

AmaHubo 27:4

Into yinye engiyicela eNkosini engizakuyifunisisa, yikuba ngihlale endlini yeNkosi insuku zonke zokuphila kwami, ukuba ngibone ubuhle beNkosi, ngibuke ithempeli layo.

AbaseFiliphi 3:8

Yebo impela, konke ngikutshaye ize ngenxa yobukhulu bokumazi uKristu Jesu iNkosi yami. Ngilahlekelwe yikho konke ngenxa yakhe, ngikutshaya imfucuza, ukuze ngizuze uKristu,

AmaHebheru 6:1

Ngakhoke kasedlule ezifundisweni zokuqala ngoKristu siqhubekele kokupheleleyo, singabeki futhi isisekelo sokuphenduka emisebenzini efileyo lesokukholwa kuNkulunkulu;

AbaseFiliphi 2:12

Ngakhoke, bathandiweyo bami, njengalokho lilalela ngezikhathi zonke, kungesikho nxa ngikhona kuphela, kodwa ikakhulu nxa ngingekho, phelelisani umsebenzi wokusiliswa kwenu ngokwesaba langokuthuthumela,

ULukha 10:42

Kodwa yinye into edingekayo; uMariya ukhethile isabelo esihle angayikwamukwa sona.

2 UPhethro 3:8

Bathandekayo, lingakhohlwa lintonye eyokuthi kuyo iNkosi usuku olulodwa lunjengeminyaka eyinkulungwane, leminyaka eyinkulungwane injengosuku lunye.

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

AmaHubo 45:10

Zwanake, ntombi, uqaphele, ubeke indlebe yakho; ukhohlwe abantu bakini lendlu kayihlo;