Abahluleli 8:10 - iBhayibhili Elingcwele 1978

¹⁰ UZeba loZalimuna babeseKarikori lempi yabo engabantu abazinkulungwane elitshumi lanhlanu, kuyikuphela kwabo abaseleyo kuyo yonke impi yabantu basempumalanga, ngoba kwabulawa abantu abazinkulungwane ezilikhulu lamatshumi amabili ababehlomile.

IBhayibhili Elingcwele LesiNdebele

¹⁰ Ngalesosikhathi uZebha loZalimuna babeseKhakhori lebutho labantu ababephosa babe zinkulungwane ezilitshumi lanhlanu, ababesele emabuthweni asempumalanga; izinkulungwane ezilikhulu lamatshumi amabili zababesilwa ngenkemba zasezifile.

Abahluleli 8:10 Referans Kwoze

Abahluleli 7:12

AmaMidiyani lamaAmaleki labo bonke abantu basempumalanga babelele kuso sonke isigodi bebanengi njengentethe, lamakamela abo ayengelakubalwa engangetshebetshebe elisokhunjini lolwandle ubunengi.

2 AmaKhosi 3:26

Inkosi yaseMowabi isibonile ukuba iyehlulwa empini, yathatha abantu abahlome ngemihedla abangamakhulu ayisikhombisa ukuba ifohle maqondana lenkosi yaseEdoma, kodwa behluleka.

Abahluleli 20:46

Ngakho bonke abakoBenjamini ababulawayo mhlalokho babezinkulungwane ezingamatshumi amabili lanhlanu zamadoda ahlomileyo, bonke bengamaqhawe.

Abahluleli 20:35

INkosi yamnqoba uBenjamini phambi kukaIsrayeli. AbakoIsrayeli babulala abantu bakoBenjamini abazinkulungwane ezingamatshumi amabili lanhlanu lekhulu elilodwa ngalolosuku, bonke labo bengabantu abahlomileyo.

Abahluleli 20:25

AbakoBenjamini baphuma eGibeya ngosuku lwesibili, babulala kwabakoIsrayeli abantu abazinkulungwane ezilitshumi lezificaminwembili, bonke bengabantu abahlomileyo.

Abahluleli 20:17

AbakoIsrayeli bodwa babutha amadoda ahlomileyo azinkulungwane ezingamakhulu amane; wonke ayengamadoda empi.

Abahluleli 20:15

AbakoBenjamini babutha emizini yabo ngalolosuku abantu abahlomileyo abazinkulungwane ezingamatshumi amabili lesithupha ngaphandle kwabaseGibeya.

Abahluleli 20:2

Izinduna zabo bonke abantu lezizwe zonke zakoIsrayeli zazikhona emhlanganweni wabantu bakaNkulunkulu, izinkulungwane ezingamakhulu amane zamabutho ahlomileyo ahamba ngenyawo.

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

U-Isaya 9:4

Ngoba ijogwe labo elinzima abaletshata emahlombe, lentonga yomhluphi wabo, ukuqedile njengasosukwini lokuchitheka kukaMidiyani.

2 ImiLando 28:8

AbakoIsrayeli bathumba ezihlotsheni zabo abantu abazinkulungwane ezingamakhulu amabili, abesifazana lamadodana lamadodakazi; babutha kibo impango enengi, bayiletha eSamariya.

2 ImiLando 28:6

Ngoba uPeka indodana kaRemaliya wabulala koJuda abantu abazinkulungwane ezilikhulu lamatshumi amabili ngasuku lunye, bonke bengamaqhawe, ngoba babeyidelile iNkosi, uNkulunkulu wabokhokho babo.

2 ImiLando 13:17

UAbija labantu bakhe babulala abanengi babo, kwafa kwabakoIsrayeli amadoda akhethiweyo azinkulungwane ezingamakhulu amahlanu.

Abahluleli 7:22

Lapho abangamakhulu amathathu bekhalisa impondo zabo, ezihonqweni zonke iNkosi yenza bonke abantu balwe labaseduze labo; impi yabaleka yaze yafika eBeti‐Shita ngaseZerera, lasemqolweni waseAbeli‐Mehola phansi kweTabathi.

Abahluleli 6:5

Ngoba babefika lenkomo zabo lamathente abo, befika njengentethe ngobunengi; bona lamakamela abo babengelakubalwa; ngakho beza elizweni ukulichitha.

Abahluleli 8:11

UGidiyoni wahamba ngendlela yezindwendwe zabahambayo engasempumalanga kweNoba leJogibeha, wayihlasela impi, wayijuma ingananzelele.

Abahluleli 7:13

Kwathi uGidiyoni efika, wafica umuntu elandisela umngane wakhe iphupho esithi: Ngiphuphe ngibona isinkwa sebhali siphoseka ezihonqweni zamaMidiyani, safika ethenteni, salitshaya saligenqula, lawela phansi.