Abahluleli 6:3 - iBhayibhili Elingcwele 1978

³ Kwakuthi lapho abakoIsrayeli sebelima, amaMidiyani lamaAmaleki labantu basempumalanga babahlasele,

IBhayibhili Elingcwele LesiNdebele

³ Kwakusithi abako-Israyeli bangalima izilimo zabo, amaMidiyani lama-Amaleki kanye labanye abantu basempumalanga bahlasele ilizwe labo.

Abahluleli 6:3 Referans Kwoze

Abahluleli 7:12

AmaMidiyani lamaAmaleki labo bonke abantu basempumalanga babelele kuso sonke isigodi bebanengi njengentethe, lamakamela abo ayengelakubalwa engangetshebetshebe elisokhunjini lolwandle ubunengi.

Abahluleli 6:33

AmaMidiyani lamaAmaleki labantu basempumalanga babuthana, bachapha iJordani, bamisa esigodini saseJezereli.

Abahluleli 3:13

Wahlangana lamaAmoni lamaAmaleki, bamahlula uIsrayeli, bawuthumba umuzi waMalala.

UJobe 1:3

Wayelezimvu eziyizinkulungwane eziyisikhombisa, lamakamela ayizinkulungwane ezintathu, lenkabi ezingamakhulu amahlanu, labobabhemi abangamakhulu amahlanu, lenceku ezinengi. Wayemkhulu lowomuntu ukwedlula bonke abantu basempumalanga.

1 AmaKhosi 4:30

kwaze kwathi ukuhlakanipha kwakhe kwadlula ukuhlakanipha kwabo bonke abantu basempumalanga lokuhlakanipha konke kwaseGibithe.

Abahluleli 8:10

UZeba loZalimuna babeseKarikori lempi yabo engabantu abazinkulungwane elitshumi lanhlanu, kuyikuphela kwabo abaseleyo kuyo yonke impi yabantu basempumalanga, ngoba kwabulawa abantu abazinkulungwane ezilikhulu lamatshumi amabili ababehlomile.

UGenesisi 29:1

UJakobe wasehamba, wafika elizweni labantu basempumalanga.

UMikha 6:15

Lizahlanyela, kodwa lingavuni; likhame izithelo zamaoliva, kodwa lingagcobi ngamafutha awo; lizakhama izithelo zevini, kodwa linganathi iwayini lazo.

UJobe 31:8

kangihlanyele, kudle omunye, lokuhlanyelelwe mina kusitshulwe.

UDutheronomi 28:51

Sizakudla amathole enkomo zenu lezithelo zomhlaba wenu, lize libhubhe; kasiyikulitshiyela amabele, lewayini, lamagcobo, lamankonyane enkomo zenu, lamazinyane ezimvu zenu, size silichithe.

ULevi 26:16

ngizakwenza kini lokhu, ngehlisele phezu kwenu ukwesaba okukhulu, lofuba, lomkhuhlane ozakufiphaza amehlo, liphele amandla. Lizakuhlanyelela inhlanyelo yenu ize, ngoba izitha zenu zizakuyidla.

Abahluleli 6:2

AmaMidiyani ayelamandla kulabakoIsrayeli; abakoIsrayeli bacatsha ezimbalwini zezintaba, emihomeni lezinqabeni ngenxa yamaMidiyani.

Abahluleli 6:4

babemisa phakathi kwelizwe, bachithe izithelo zelizwe, baze bayefika phansi kweGaza bengatshiyi ukudla koIsrayeli lezimvu lenkomo labobabhemi.

1 AmaKhosi 20:27

AbakoIsrayeli babuthana, banikwa imiphako, baphuma ukuyakulwa lawo; bamisa phambi kwamaSiriya, babenjengemihlanjana yembuzi emibili, kodwa amaSiriya agcwala ilizwe lonke.

U-Isaya 62:8

INkosi ifungile ngesandla sayo sokunene, langengalo yayo elamandla yathi: Kangisayikunika izitha zakho amabele akho abe yikudla kwazo, labezizwe kabayikunatha iwayini lakho olisebenzeleyo;

UHezekhiyeli 25:4

ngalokho ngizalinikela ebantwini basempumalanga ukuba balibuse; bazamisa izihonqo zabo phakathi kwenu, benze imizi yabo phakathi kwenu; bazakudla izithelo zenu, banathe lochago lwenu.

UGenesisi 25:6

Kodwa amadodana abafazi bakhe abanye uAbrahama wawanika izipho; esekhona wawasusa kulsaka indodana yakhe, wawasa ngasempumalanga elizweni lasempumalanga.

U-Eksodasi 17:8

Kwasekufika uAmaleki, walwa labakoIsrayeli eRefidimi.

Abahluleli 10:12

Lalapho amaSidoni lawo lamaAmaleki lamaMidiyani elicindezela, lakhala kimi, ngalikhulula ezandleni zawo.

1 AmaKhosi 5:10

Ngakho uHiramu wamnika uSolomoni zonke izigodo zemikusu lezamaphane ayezifuna,

U-Isaya 11:14

Kodwa bazakwehlela ewatheni lelizwe lamaFilistiya ngasentshonalanga, kanyekanye baphange abantu basempumalanga. Bazakunqoba iEdoma leMowabi, babuse amaAmoni,

UJeremiya 49:28

Mayelana leKedari lemibuso yaseHazori owayinqobayo uNebukadineza inkosi yaseBabiloni. INkosi ithi: Sukani, liqonde eKedari, libachithe abantu basempumalanga.

UHezekhiyeli 25:3

Uthi kuwo: Zwanini ilizwi leNkosi uNkulunkulu; ithi: Ngoba lathi: Iya! nxa libona indlu yami engcwele ingcoliswa, lelizwe lakoIsrayeli lichitheka, loJuda ethunjwa,