Abahluleli 4:3 - iBhayibhili Elingcwele 1978

³ AbakoIsrayeli bakhala eNkosini ukuba ibasize, ngoba uSisera wayelezinqola zokulwa zensimbi ezingamakhulu aficamunwemunye, wabacindezela kakhulu abakoIsrayeli iminyaka engamatshumi amabili.

IBhayibhili Elingcwele LesiNdebele

³ Ngoba wayelezinqola zempi ezensimbi ezingamakhulu ayisificamunwemunye munye njalo encindezele abako-Israyeli kabuhlungu okweminyaka engamatshumi amabili, bacela usizo kuThixo.

Abahluleli 4:3 Referans Kwoze

Abahluleli 1:19

INkosi yayilaye uJuda, wathumba ilizwe lasezintabeni, kodwa wehluleka ukubaxotsha abakhileyo esigodini, ngoba babelezinqola zokulwa zensimbi.

AmaHubo 106:42

Izitha zabo zabacindezela, baba ngaphansi kwamandla azo.

Abahluleli 3:9

Kodwa kwathi lapho abakoIsrayeli bekhala eNkosini, iNkosi yabalethela umkhululi owabakhululayo, uOthiniyeli indodana kaKenazi umnawakhe kaKalebi.

AmaHubo 78:34

Lapho ebabulala abanye, abaseleyo bamdinga, baphenduka, bamfunisisa;

AmaHubo 50:15

ukhuleke kimi osukwini lokuhlupheka, ngizakukukhulula, wena uzakungidumisa.

1 USamuyeli 7:8

Abantu bakoIsrayeli bathi kuSamuweli: Ungayekeli ukusikhulekela eNkosini uNkulunkulu wethu ukuba asikhulule kumaFilistiya.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.

Abahluleli 5:8

Ekukhetheni kwabo onkulunkulu abatsha kwaba khona ukulwa elizweni. Kwakungasabonwa isihlangu lomkhonto ebantwini abazinkulungwane ezingamatshumi amane koIsrayeli.

Abahluleli 3:15

Kodwa kwathi lapho abakoIsrayeli bekhala eNkosini, iNkosi yabalethela umkhululi, uEhudi indodana kaGera, owakoBenjamini owayelinxele. AbakoIsrayeli bathumela umthelo wabo kuEgiloni inkosi yaseMowabi ngaye.

UJoshuwa 17:16

AbakoJosefa bathi: Izintaba kazisanelanga, kanti amaKanani ahlala emagcekeni alezinqola zokulwa zensimbi, wonke aseBeti‐Sheyani kanye lemizi yalo lawesigodini seJezereli.

UDutheronomi 28:33

Isizwe ongasaziyo sizakudla izithelo zomhlaba wakho lokwemisebenzi yonke yezandla zakho. Uzakucindezelwa kuphela, uchotshozwe njalonjalo,

UDutheronomi 28:29

uphumputhe emini njengesiphofu siphumputha emnyameni, ungaphumeleli ekuhambeni kwakho; ucindezelwe kuphela, uphangwe njalonjalo, kungabi khona muntu okusizayo.

Abahluleli 4:4

UDebora umprofethikazi umkaLapidothi wayengumahluleli koIsrayeli ngalesosikhathi.

Abahluleli 4:13

wabiza zonke inqola zakhe zokulwa ezingamakhulu aficamunwemunye ezensimbi, labo bonke abantu ababelaye, kusukela eHaroshethi labezizwe kuze kufike emfuleni iKishoni.

U-Eksodasi 2:23

Kwathi sekudlule insuku ezinengi, inkosi yaseGibithe yafa. AbakoIsrayeli babubula ngenxa yobugqili babo, bakhala; uNkulunkulu wezwa ukukhala kwabo ngobugqili babo.

Abahluleli 6:6

AbakoIsrayeli baphela amandla ngenxa yamaMidiyani, bakhala eNkosini ukuba ibasize.

Abahluleli 10:10

AbakoIsrayeli bakhala eNkosini bathi: Sonile kuwe, ngoba sikutshiyile, Nkulunkulu wethu, sakhonza oBali.