Abahluleli 21:12 - iBhayibhili Elingcwele 1978

¹² Bafumanisa kwabaseJabeshi‐Gileyadi izintombi ezingamakhulu amane ezingazanga zilale lendoda, baziletha ezihonqweni eShilo elizweni laseKanani.

IBhayibhili Elingcwele LesiNdebele

¹² Phakathi kwabantu ababehlala eJabheshi Giliyadi bathola izintombi ezigcweleyo ezingamakhulu amane, bazisa ezihonqweni eShilo kweleKhenani.

Abahluleli 21:12 Referans Kwoze

UJoshuwa 18:1

Ibandla lonke lakoIsrayeli labuthana eShilo, lamisa khona ithente lokuhlangana. Ilizwe laselinqotshiwe.

UJeremiya 7:12

Yanini endaweni yami yaseShilo, indawo yokuqala lapho ibizo lami ladunyiselwa khona, libone ukuthi ngenzani kiyo ngenxa yobubi babantu bami bakoIsrayeli.

AmaHubo 78:60

Wayitshiya indlu yakhe eShilo, ithente ayehlala kulo phakathi kwabantu.

Abahluleli 20:23

AbakoIsrayeli basuka bayakhala phambi kweNkosi kwaze kwahlwa. Babuza eNkosini bathi: Sibuyele yini ukulwa labafowethu abakoBenjamini na? INkosi yathi: Yebo, hambani liyekulwa labo.

Abahluleli 20:18

Basuka baya eBetheli, babuza uNkulunkulu bathi: Ngubani ozakuhamba kuqala ukulwa labakoBenjamini na? INkosi yathi: NguJuda ozahamba kuqala.

Abahluleli 21:8

Bathi: Yisiphi kuzo zonke izizwe zakoIsrayeli esingezanga eNkosini eMizipa na? Kwakungezanga loyedwa kwabaseJabeshi‐Gileyadi emhlanganweni.

Abahluleli 21:11

Lizakwenza lokhu; bonke abesilisa labo bonke abesifazana asebake balala lendoda lizababulala, kodwa liyekele izintombi. Benza njalo.

Abahluleli 21:13

Lonke ibandla lathumela ilizwi kwabakoBenjamini ababesedwaleni laseRimoni, bamemezela ukuthula kibo.