Abahluleli 20:2 - iBhayibhili Elingcwele 1978

² Izinduna zabo bonke abantu lezizwe zonke zakoIsrayeli zazikhona emhlanganweni wabantu bakaNkulunkulu, izinkulungwane ezingamakhulu amane zamabutho ahlomileyo ahamba ngenyawo.

IBhayibhili Elingcwele LesiNdebele

² Abakhokheli babantu bonke bezizwana zako-Israyeli bathatha izindawo zabo ebandleni labantu bakaNkulunkulu, amabutho azinkulungwane ezingamakhulu amane ehlome ngezinkemba.

Abahluleli 20:2 Referans Kwoze

Abahluleli 8:10

UZeba loZalimuna babeseKarikori lempi yabo engabantu abazinkulungwane elitshumi lanhlanu, kuyikuphela kwabo abaseleyo kuyo yonke impi yabantu basempumalanga, ngoba kwabulawa abantu abazinkulungwane ezilikhulu lamatshumi amabili ababehlomile.

Abahluleli 20:17

AbakoIsrayeli bodwa babutha amadoda ahlomileyo azinkulungwane ezingamakhulu amane; wonke ayengamadoda empi.

Abahluleli 20:15

AbakoBenjamini babutha emizini yabo ngalolosuku abantu abahlomileyo abazinkulungwane ezingamatshumi amabili lesithupha ngaphandle kwabaseGibeya.

2 AmaKhosi 3:26

Inkosi yaseMowabi isibonile ukuba iyehlulwa empini, yathatha abantu abahlome ngemihedla abangamakhulu ayisikhombisa ukuba ifohle maqondana lenkosi yaseEdoma, kodwa behluleka.

2 USamuyeli 24:9

UJowabi waseyinika inkosi inani labantu abangaphuma impi; koIsrayeli kwakukhona amadoda ayizinkulungwane ezingamakhulu aficaminwembili; amadoda akoJuda ayeyizinkulungwane ezingamakhulu amahlanu.

Abahluleli 20:3

AbakoBenjamini bezwa kuthiwa abakoIsrayeli babuthene eMizipa. AbakoIsrayeli bathi: Sitsheleni ukuba lobububi benziwe kanjani.

1 USamuyeli 11:8

Lapho ebaqoqa eBezeki, abakoIsrayeli babe yizinkulungwane ezingamakhulu amathathu, abakoJuda beyizinkulungwane ezingamatshumi amathathu.

UJoshuwa 22:12

Kwathi nxa abakoIsrayeli bekuzwa lokhu, ixuku lonke labantu labuthana eShilo ukuba lilwe labo.

2 USamuyeli 14:13

Owesifazana wasesithi: Uqambeleni okunje ngabantu bakaNkulunkulu na? Ngokukhuluma lokhu inkosi izethwesa icala, ngoba iyala ukubuyisa oxotshiweyo wayo ekhaya.