Abahluleli 19:6 - iBhayibhili Elingcwele 1978

⁶ Ngakho lawomadoda amabili ahlala adla anatha wonke. Uyise wentombi wasesithi kulowomuntu: Ake ulale khonapha lamhla uzithokozise.

IBhayibhili Elingcwele LesiNdebele

⁶ Ngakho bobabili bahlala phansi badla banatha. Emva kwalokho uyise wentombi wathi, “Ake ulale ubusuku balamuhla uzithokozise.”

Abahluleli 19:6 Referans Kwoze

Abahluleli 19:9

Kwathi lapho lowomuntu lomunye umfazi wakhe lenceku yakhe sebesuka ukuba bahambe, uyisezala wathi kuye: Khangela, ilanga selitshona, sekuzakuhlwa; akuhlale lapha ubusuku bonke. Ilanga selitshonile, lala khonapha uthokoze, kusasa uzavuka ekuseni kakhulu, uhamba uye ekhaya.

Abahluleli 16:25

Kwathi lapho bethokoza bathi: Bizani uSamsoni ukuba azesidlalela. Basebembiza uSamsoni entolongweni, wadlala phambi kwabo. Bammisa phakathi kwensika.

URuthe 3:7

Kwathi lapho uBowasi esedlile wanatha, waba lomdlozela, wasuka wayalala phansi ekucineni kwenqumbi yamabele. URuthe wasenyenya, wambula inyawo zakhe, walala phansi.

U-Esta 1:10

Ngosuku lwesikhombisa, nxa inkosi isilomdlozela, yalaya oMehumani loBizitha loHaribona loBigitha loAbagitha loZethari loKarikasi, abathenwa abayisikhombisa ababeyisebenzela

Isambulo 11:13

Ngalesosikhathi kwaba khona ukuzamazama okukhulu komhlaba, kwawa ingxenye yetshumi yomuzi; kwafa abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, bamdumisa uNkulunkulu wezulu.

Isambulo 11:10

Labakhileyo emhlabeni bazakuthokoza ngabo, bathabe, banikane izipho, ngoba lababaprofethi ababili babeluhlupho kulabo abakhileyo emhlabeni.

1 AbaseThesalonika 5:3

Nxa besithi: Ukuthula lokuhlala kuhle; kung’khona ukubhujiswa kuzakubajuma njengomhelo ufikela owesifazana okhulelweyo, kabasoze baphunyuke.

ULukha 12:19

Besengisithi kumphefumulo wami: Mphefumulo, ulempahla ezinengi ezibekelwe iminyaka eminengi; phumula, udle, unathe, uthokoze.

AmaHubo 104:15

lewayini elithokozisa inhliziyo, lamagcobo ajabulisayo, lesinkwa sokumqinisa.

1 USamuyeli 25:36

UAbigayili wabuyela kuNabali, wamfica eledili endlini yakhe, idili elinjengelenkosi. UNabali wayethokoza ngoba wayenathe kakhulu; ngakho uAbigayili kamtshelanga lutho kwaze kwasa.

Abahluleli 9:27

Basuka baya emasimini, bakha izithelo zamavini ezivinini zabo, benza iwayini ngazo, benza idili, bangena endlini kankulunkulu wabo, badla banatha, bamthuka uAbimeleki.

Abahluleli 19:7

Lapho lowomuntu esesukuma ukuba ahambe, uyisezala wamncenga waze wabuya walala lapho futhi.

2 USamuyeli 13:28

UAbisalomu waselaya inceku zakhe esithi: Khangelani, nxa uAmnoni esethokoza ngewayini, lapho ngisithi kini: Bulalani uAmnoni, limbulale. Lingesabi, ngoba ngizabe ngililayile. Lime isibindi, libe ngamaqhawe.

1 AmaKhosi 21:7

UJezebeli wathi kuye: Kakusuwe yini obusa uIsrayeli na? Vuka udle, uthokoze; ngizakukunika mina isivini sikaNabothi waseJezereli.