Abahluleli 17:4 - iBhayibhili Elingcwele 1978

⁴ Eseyibuyisele imali kunina, unina wathatha inhlamvu zesiliva ezingamakhulu amabili, wazinika umkhandi owenza ngazo isithombe; sabekwa endlini kaMika.

IBhayibhili Elingcwele LesiNdebele

⁴ Ngakho esesibisele kunina isiliva, unina wasethatha amashekeli angamakhulu amabili esiliva wawanika umkhandi wesiliva, wenza isithombe ngaso. Sabekwa endlini kaMikha.

Abahluleli 17:4 Referans Kwoze

Abahluleli 17:3

Wasezibuyisela kunina inhlamvu eziyinkulungwane lekhulu zesiliva. Unina wathi: Sengisahlukanisela iNkosi lesisiliva sami sibe ngesendodana yami, ukuba ngenze isithombe.

Abahluleli 17:5

UMika wayelendlu yokukhonzela, wenza izithombe, wamisa omunye wamadodana akhe ukuba abe ngumpristi wakhe.

U-Isaya 30:22

Lizakudela izithombe zenu ezibaziweyo, zananyekwa ngesiliva, lezithombe zenu ezibunjiweyo, zananyekwa ngegolide, liziphose njengezinto ezingcolileyo, lithi kuzo: Sukani lapha.

U-Isaya 44:13

Umbazi yena welula intambo, adwebe isigodo ngepenseli, asibaze ngezancele, asidwebe ngensimbi ecijileyo, enze ngaso umfanekiso womuntu, umuntu omuhle olesimo esihle, ukuba uhlale endlini.

UDutheronomi 27:15

Kaqalekiswe umuntu owenza isithombe esibaziweyo lesibunjiweyo, into eyisinengiso eNkosini, umsebenzi wezandla zomuntu oyingcitshi, asimise ensitha. Bonke abantu bazakuthi: Ameni.

Abahluleli 18:17

Lawomadoda amahlanu ayehambile ukuhlola ilizwe angena, athatha isithombe sesiliva, lezithombe ezithiwa ngamaterafi, lezinye izithombe, umpristi esemi esangweni lamadoda angamakhulu ayisithupha ahlomileyo izikhali zempi.

UHabhakhukhi 2:18

Sisizani isithombe esibaziweyo, lokhu umenzi waso esibazile na? Siyinto ebunjiweyo eqamba amanga. Kusizani ukuba umenzi waso athembe kiso, lokuba enze isithombe esingakhulumiyo na?