Abahluleli 10:4 - iBhayibhili Elingcwele 1978

⁴ Wayelamadodana angamatshumi amathathu agada obabhemi abangamatshumi amathathu, belemizi engamatshumi amathathu ethiwa yiHavothi‐Jayiri kuze kube lamhla, eselizweni laseGileyadi.

IBhayibhili Elingcwele LesiNdebele

⁴ Wayelamadodana angamatshumi amathathu, ayegada obabhemi abangamatshumi amathathu. Ayephethe amadolobho angamatshumi amathathu eGiliyadi, lalamhlanje abizwa ngokuthi Havothi Jayiri.

Abahluleli 10:4 Referans Kwoze

AmaNani 32:41

UJayiri indodana kaManase wayahlasela imizi elitshumi, wayithumba, wayibiza ngokuthi yiHavothi‐Jayiri.

Abahluleli 12:14

Wayelamadodana angamatshumi amane, lamadodana amadodana akhe angamatshumi amathathu, babegada obabhemi abangamatshumi ayisikhombisa; waba ngumahluleli koIsrayeli iminyaka eficaminwembili.

Abahluleli 5:10

Lina eligada obabhemi abamhlophe, lani elihlala emacansini abuthakathaka, lani elihamba ngendlela, cabangani ngakho.

UDutheronomi 3:14

UJayiri umntakaManase wathatha lonke ilizwe laseArigobi, ngitsho iBashani, kuze kube semngceleni wamaGeshuri lowamaMahakathi; wayibiza imizi ngebizo lakhe wathi yiHavothi‐Jayiri, kuze kube lamuhla.

Abahluleli 10:3

Ngemva kwakhe kwavela uJayiri owaseGileyadi, waba ngumahluleli koIsrayeli iminyaka engamatshumi amabili lambili.

Abahluleli 10:5

UJayiri wafa, wangcwatshelwa eKamoni.

2 USamuyeli 16:2

UDavida wathi kuZiba: Uzakwenzani ngalezizinto na? UZiba waphendula wathi: Obabhemi ngabokugadwa ngabendlu yenkosi, izinkwa lomkhiwa ngokokudliwa yizinsizwa, lewayini ngelokunathwa ngabaphelelwa ngamandla enkangala.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.