2 uTimothi 1:14 - iBhayibhili Elingcwele 1978

¹⁴ Iqiniso oliphathisiweyo lilondoloze ngoMoya oNgcwele ohlezi kithi.

IBhayibhili Elingcwele LesiNdebele

¹⁴ Londoloza isibambiso osiphathisiweyo usilondoloze ngosizo lukaMoya oNgcwele ohlala phakathi kwethu.

2 uTimothi 1:14 Referans Kwoze

UJohane 14:17

uMoya weqiniso, ongemamukele umhlaba, ngoba ungamboni, ungamazi; kodwa lina liyamazi, ngoba uhlala lami, uzakuba kini.

AbaseRoma 8:13

Ngoba uba lihamba ngokwabantu, lizakufa; kodwa uba libulala imisebenzi yomzimba ngoMoya, lizakuphila.

1 uTimothi 6:20

Wena Timothi, londoloza kuhle okubekwe kuwe. Xwaya ukukhuluma okuyize lokuphikisana kwalokho okuthiwa yikwazi kungesikho,

2 uTimothi 1:12

Ngalokhoke ngiyahlupheka; kodwa kangilamanhloni ngoba ngiyamazi engakholwa kuye, ngiyazi ukuthi ulamandla okulondoloza lokho anginike khona kuze kufike lolosuku.

1 AbaseKhorinte 3:16

Kalazi yini ukuthi lina lilithempeli likaNkulunkulu, lokuthi uMoya kaNkulunkulu uhlala kini na?

AbaseRoma 8:9

Kodwa lina kaliphili ngokwabantu; likuMoya, uba phela uMoya kaNkulunkulu ehlala kini; uba umuntu engelaye uMoya kaKristu, lowo kasuye owakhe.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 AbaseThesalonika 5:19

Lingamcimi uMoya;

2 uTimothi 2:2

Lokho okuzwileyo kimi phambi kwabofakazi abanengi kunikele amadoda athembekileyo azakuba lamandla okukufundisa labanye.

1 uTimothi 1:11

ngokwevangeli elilenkazimulo kaNkulunkulu obongekayo, engaphathiswa lona.

Abase-Efesu 5:18

Lingadakwa liwayini, ngoba kuvela kukho umsindo lenkanuko ezimbi; kodwa ligcwaliswe nguMoya.

Abase-Efesu 2:22

Lina kanye labanye liyakhiwa kuye, ukuba libe yindlu kaNkulunkulu azakuhlala kuyo uMoya.

1 AbaseKhorinte 9:17

Uba ngisenza lokhu ngokuzithandela kwami, ngilawo umvuzo; kodwa uba kungesikho ngokuzithandela kwami, ngimiselwe umsebenzi.

AbaseKholose 4:11

loJoshuwa othiwa nguJustusi. Yibo bodwa abokusoka abasebenzela umbuso kaNkulunkulu kanye lami, abakade beyinduduzo kimi.

AbaseGalathiya 2:7

kodwa babona ukuthi nginikiwe ukutshumayela ivangeli kwabezizwe njengoPetro owanikwa ukutshumayela ivangeli kubaJuda.

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

1 AbaseKhorinte 6:19

Kalazi yini ukuthi umzimba wenu ulithempeli likaMoya oNgcwele ohlezi kini, elimamukele kuNkulunkulu na? Kalisibo abenu,

AbaseRoma 8:11

Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.

AbaseRoma 3:2

Kukhulu ngezindlela zonke. Kuqala, ngoba abaJuda baphathisiwe amazwi kaNkulunkulu.

ULukha 16:11

Ngakhoke uba lingathembekanga enothweni engalunganga, ngubani ozakuliphathisa inotho eqotho na?