2 USamuyeli 1:2 - iBhayibhili Elingcwele 1978

² Kwathi ngosuku lwesithathu kwafika umuntu evela ezihonqweni zikaSawuli, izigqoko zakhe zidabukile, egcwele lothuli ekhanda lakhe. Wathi efika kuDavida wawa phansi, wakhuleka.

IBhayibhili Elingcwele LesiNdebele

² Ngosuku lwesithathu kwafika umuntu evela ezihonqweni zikaSawuli, izigqoko zakhe zidabukile njalo egcwele uthuli ekhanda lakhe. Kwathi esefikile kuDavida waziwisela phansi emhlonipha.

2 USamuyeli 1:2 Referans Kwoze

1 USamuyeli 4:12

Kwaphuma empini umuntu wakoBenjamini, wagijimela eShilo ngalona lolosuku, izigqoko zakhe zidatshuliwe lekhanda lakhe ligcwele inhlabathi.

2 USamuyeli 4:10

lowo owangibikela wathi: USawuli ufile; ecabanga ukuthi uletha izindaba ezinhle, ngambamba, ngambulala eZiklagi, kwaba ngumvuzo engamnika wona wezindaba zakhe ezinhle.

1 USamuyeli 25:23

Lapho uAbigayili ebona uDavida, waphangisa ukwehla kubabhemi wakhe, wathi mbo ngobuso phansi phambi kukaDavida.

UJoshuwa 7:6

UJoshuwa labadala bakoIsrayeli basebedabula izigqoko zabo, bathi mbo ngobuso phansi phambi komtshokotsho weNkosi kwaze kwahlwa, bathela uthuli emakhanda abo.

Isambulo 3:9

Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.

UMatewu 16:21

Kusukela kulesosikhathi uJesu waqala ukubatshengisa abafundi bakhe ukuba umele ukuya eJerusalema, ahlutshwe kakhulu ngabadala labapristi abakhulu lababhali, abulawe, avuswe ngosuku lwesithathu.

UMatewu 12:40

Ngoba njengalokhu uJona waba sesiswini sensikabayitshiye insuku ezintathu lobusuku obuthathu, ngokunjaloke iNdodana yomuntu izakuba semathunjini omhlaba insuku ezintathu lobusuku obuthathu.

UJoweli 2:13

lidabule inhliziyo zenu, lingadabuli izambatho zenu. Phendukelani eNkosini, uNkulunkulu wenu, ngoba ilomusa lesihawu, iyaphuza ukuthukuthela, ilothando olungapheliyo, iyathethelela.

UHosiya 6:2

Ngemva kwensuku ezimbili izakusivuselela, isivuse ngosuku lwesithathu, ukuba siphile phambi kwayo.

AmaHubo 66:3

Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho ziyaququbala phambi kwakho.

U-Esta 5:1

Ngosuku lwesithathu uEsta wagqoka izambatho zakhe zobukhosi, wema egumeni elingaphakathi kwesigodlo senkosi, wakhangelana laso isigodlo. Inkosi yayihlezi esihlalweni sayo sobukhosi esigodlweni ikhangele ngasemnyango.

U-Esta 4:16

wathi: Hamba uyebuthanisa bonke abaJuda abaseSusa, lizile ukudla ngenxa yami, lingadli linganathi okwensuku ezintathu ubusuku lemini. Lami lezincekukazi zami sizazila ukudla njengani. Ngemva kwalokho ngizakuya enkosini loba lokhu kuphambene lomthetho; uba ngibhubha, ngizabe ngibhubhile njalo.

2 USamuyeli 15:32

Kwathi ukuba uDavida adundubale engqongeni yentaba lapho uNkulunkulu wayekhulekwa khona, wahlangabezwa nguHushayi waseArki umngane wakhe, ibhatshi lakhe lidatshuliwe, lekhanda lakhe ligcwele inhlabathi.

2 USamuyeli 14:4

Lapho owesifazana efika enkosini, wathi mbo ngobuso phansi, wakhuleka, wasesithi: Siza, nkosi!

1 USamuyeli 20:41

Esehambile umfana, uDavida wasukuma ngemva kwenqumbi yamatshe, wakhothama kathathu. Basebesangana, bakhala bonke, waze waba losizi kakhulu uDavida ukwedlula uJonathani.

1 USamuyeli 4:16

Lowomuntu wathi kuEli: Nginguye ovela empini; ngibaleke empini lamhlanje. Yena wathi: Kuqhubeke njani, mntanami na?

UGenesisi 43:28

Athi: Inceku yakho ubaba uyaphila, usekhona. Asekhothamela phansi kuye.

UGenesisi 37:34

UJakobe wadabula ingubo zakhe, wagqoka izambatho zokulila, wayililela indodana yakhe insuku ezinengi.

UGenesisi 37:29

URubeni wabuyela emgodini, wabona ukuthi uJosefa kasekho emgodini, wadabula ingubo zakhe.

UGenesisi 22:4

Ngosuku lwesithathu uAbrahama waphakamisa amehlo akhe wayibona indawo isekhatshana.

2 USamuyeli 1:3

UDavida wathi kuye: Uvela ngaphi na? Yena wathi kuye: Ngibalekile ezihonqweni zakoIsrayeli.

UHezekhiyeli 27:30

bayahlaba umkhosi, bekukhalela kakhulu; bathela uthuli emakhanda abo, bazibhuqe emlotheni,

2 USamuyeli 13:19

UTamari wasezithela ngomlotha ekhanda, wadabula isigqoko sakhe esilemikhono emide ayesigqokile, wathwala imikhono ekhanda, wahamba ekhala kakhulu.

2 USamuyeli 24:20

Kwathi lapho uAruwana elunguza, wabona inkosi uDavida lenceku zayo besiza kuye; waphuma, wakhuleka kuyo ethe mbo ngobuso phansi.