1 ImiLando 4:9 - iBhayibhili Elingcwele 1978

⁹ UJabezi wayelodumo kulabafowabo; unina wamutha wathi nguJabezi, ngoba wathi: Kungoba ngamzala ngibuhlungu.

IBhayibhili Elingcwele LesiNdebele

⁹ UJabhezi wayelodumo kulabafowabo. Unina wayemuphe lelibizo lokuthi Jabhezi, ngoba esithi “Ngamzala kabuhlungu.”

1 ImiLando 4:9 Referans Kwoze

Imisebenzi 17:11

LababaJuda babelungile kulalabo abaseTesalonika, ngoba balamukela ilizwi ngenhliziyo yonke, behlolisisa imibhalo insuku ngensuku ukubona ukuba zinjalo yini lezizinto.

1 USamuyeli 4:21

Wamutha ibizo umntwana wathi ngulkabodi, okuyikuthi udumo lusukile koIsrayeli; ngoba umtshokotsho kaNkulunkulu uthunjiwe, langenxa yokufa kukayisezala lomkakhe.

UGenesisi 34:19

Insizwa kayiphuzanga ukwenza lokhu ngoba yayiyithanda indodakazi kaJakobe; yayilodumo kulabo bonke abendlu kayise.

1 ImiLando 7:23

UEfrayimi wangena engutsheni lomkakhe; wathatha isisu, wazala indodana, wayitha ibizo wathi nguBeriya, ngoba indlu yakhe yayehlelwe yibubi.

UGenesisi 35:18

Kwathi umphefumulo wakhe usuzakuphuma kuye, ngoba esesifa, wayitha ibizo wathi nguBenoni; kodwa uyise wayibiza ngokuthi nguBenjamini.

UGenesisi 3:16

Yathi kowesifazana: Uzakuba lobuhlungu obukhulu ekukhululekeni kwakho; uzabeletha abantwana ngobuhlungu. Kodwa ukukhanuka kwakho kuzakuba sendodeni yakho, yona izakukubusa.

U-Isaya 43:4

Ngoba wena uligugu emehlweni ami, udumile, ngiyakuthanda. Ngiyanika abantu esikhundleni sakho, lezizwe endaweni yokuphila kwakhe.

1 ImiLando 4:8

UKozi wazala uAnubi loZobeba, labantwana bakaAhariheli indodana kaHarumi.

1 ImiLando 4:10

UJabezi wakhuleka kuNkulunkulu kaIsrayeli esithi: Kungathi ungangibusisa, ungiphe amazwe amakhulu; isandla sakho kasibe lami, ungivikele ebubini, ngingehlelwa yibuhlungu! UNkulunkulu wamnika lokho akucelayo.

Izaga 23:25

Uyihlo lonyoko kabathokoze ngawe, yebo, unyoko kathabe sibili.