1 ImiLando 2:3 - iBhayibhili Elingcwele 1978

³ Amadodana kaJuda ayengoEri loOnani loShela; la amathathu azalwa nguBathishuwa umKanani. UEri izibulo likaJuda wayithukuthelisa iNkosi uNkulunkulu, yambulala.

IBhayibhili Elingcwele LesiNdebele

³ Amadodana kaJuda yila: ngu-Eri, lo-Onani kanye loShela. Laba bobathathu wabazala lowesifazane ongumKhenani, indodakazi kaShuwa. U-Eri, izibulo likaJuda, wayeyisigangi phambi kukaThixo, ngalokho uThixo wambulala.

1 ImiLando 2:3 Referans Kwoze

AmaNani 26:19

Amadodana kaJuda ayenguEri loOnani; uEri loOnani bafela elizweni laseKanani.

UGenesisi 46:12

Amadodana kaJuda ayengoEri loOnani loShela loPerezi loZera; kodwa uEri loOnani bafela elizweni laseKanani. Amadodana kaPerezi ayengoHezironi loHamuli.

1 ImiLando 9:5

lakumaShiloni kungoAsaya izibulo, lamadodana akhe;

AmaNani 26:20

Amadodana kaJuda ngensendo zawo ayenguShela, okwavela kuye abakoShela; loPerezi, okwavela kuye abakoPerezi; loZera, okwavela kuye abakoZera.

1 ImiLando 2:2

loDani loJosefa loBenjamini loNafitali loGadi loAsheri.

1 ImiLando 4:1

Amadodana kaJuda ayengoPerezi loHezironi loKarmi loHuri loShobali.

1 ImiLando 4:21

Amadodana kaShela indodana kaJuda ayengoEri uyise kaLeka, loLahada uyise kaMaresha, labantwana babenzi belembu elihle eBeti‐Ashibeya,