1 ImiLando 11:9 - iBhayibhili Elingcwele 1978

⁹ UDavida waqhubeka njalo esiba lamandla, ngoba iNkosi yamabandla yayilaye.

IBhayibhili Elingcwele LesiNdebele

⁹ UDavida waqhubeka njalo esiba lamandla, ngoba uThixo uSomandla wayelaye.

1 ImiLando 11:9 Referans Kwoze

2 USamuyeli 3:1

Kwakukhona ukulwa isikhathi eside phakathi kwendlu kaSawuli lendlu kaDavida; uDavida waya eqina, kodwa indlu kaSawuli yaya isiba buthakathaka.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

U-Isaya 41:14

Ungesabi wena mpethu enguJakobe, lawe sibungu esinguIsrayeli. Mina ngizakukusiza, kutsho iNkosi; umhlengi wakho ungoNgcwele kaIsrayeli.

U-Esta 9:4

UMoridekayi wayesengumuntu omkhulu esigodlweni, lodumo lwakhe lwaselugcwele wonke amazwe ngokukhula kwamandla akhe.

1 ImiLando 9:20

UFiniyasi indodana kaEleyazare wayengumphathi wabo ngaphambili; iNkosi kayibe laye!

2 USamuyeli 5:10

UDavida waqhubeka njalo esiba lamandla, ngoba iNkosi, uNkulunkulu wamabandla, yayilaye.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

UJobe 17:9

Kanti olungileyo ubambelela endleleni yakhe, lolezandla ezimhlophe uyaqina njalo.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

1 ImiLando 11:8

Wawakha umuzi inxa zonke kusukela edundulwini elithiwa yiMilo waze wawuhlanganisa. UJowabi walungisa umuzi oseleyo.