1 ImiLando 10:12 - iBhayibhili Elingcwele 1978

¹² kwasuka wonke amaqhawe, athatha isidumbu sikaSawuli lezidumbu zamadodana akhe, aziletha eJabeshi, angcwaba amathambo abo ngaphansi kwesihlahla esikhulu eJabeshi, azila ukudla insuku eziyisikhombisa.

IBhayibhili Elingcwele LesiNdebele

¹² wonke amaqhawe alezibindi ahamba ayathatha isidumbu sikaSawuli lezamadodana akhe aya lazo eJabheshi. Basebengcwaba amathambo abo ngaphansi kwesihlahla esikhulu eJabheshi, bazila insuku eziyisikhombisa.

1 ImiLando 10:12 Referans Kwoze

2 USamuyeli 3:35

Bonke abantu basebesiza ukumncenga uDavida ukuba adle kusesemini; kodwa uDavida wafunga wathi: UNkulunkulu angihlanekele ngokwengezelelweyo uba ngithinta ukudla loba okunye nje lingakatshoni ilanga.

UGenesisi 50:10

Baye bafika esizeni seAtadi eliphetsheya kweJordani; basebekhala kakhulukazi belosizi olukhulu, bamlilela uyise insuku eziyisikhombisa.

UGenesisi 35:8

UDebora umlizane kaRebeka wafa, wambelwa eduze leBetheli ngaphansi kwesihlahla esikhulu, ngakho sabizwa ngokuthi yiAloni‐Bakuthi.

UJohane 11:19

Abanengi kubaJuda babefikile kuMatha loMariya ukuba babakhalele ngomnewabo.

UGenesisi 12:6

UAbrama wadabula ilizwe waze wafika endaweni yaseShekema, esihlahleni esikhulu saseMore. AmaKanani ayesekhona elizweni.

1 USamuyeli 31:12

kwasuka wonke amaqhawe, ahamba ubusuku bonke, asethula isidumbu sikaSawuli lezidumbu zamadodana akhe emdulini waseBeti‐Shani, aziletha eJabeshi, azitshisa khona.

1 ImiLando 10:11

Kwathi lapho sebekuzwile abaseJabeshi‐Gileyadi lokho amaFilistiya akwenze kuSawuli,

1 USamuyeli 11:1

Ngemva kwenyanga eyodwa kwasuka uNahashi waseAmoni wavimbezela iJabeshi‐Gileyadi; bonke abantu baseJabeshi bathi kuNahashi: Yenza isivumelwano lathi, sizakukusebenzela.

1 USamuyeli 11:9

Bathi kuzo izithunywa ezazifikile: Lizabatshela abaseJabeshi‐Gileyadi lithi: Kusasa nxa ilanga selitshisa, lizakhululwa. Lapho izithunywa zifika zabatshela abaseJabeshi; bona bathokoza;