Yudè 1:12 - Bible Dzùùngoo Unicode

¹² Ye kɛ̀nbààbè ɲwɛyn nìì reè ɲɔɔ̀n esire, ye rìì twɛy bar'la. Twɛy ɲwɛyn nèè koùn, seey soo na ni è jaa ra, è ɲɔn cɛɛ̀n, è na ŋòoŋnà. È ni a ci ŋaa tsi ŋaa bɛy, fyɛɛn nìi sen beè. È ni a ci gɔ̀ɔ̀ku ì, dzin na jaà è ra e dzin bwèy. È san jaa fii fau, è ko e jii rèè yè fù.

Yudè 1:12 Referans Kwoze

Matsiyù 15:13

Yesù ci: «Mun Fà Ŋaablà riì ni jìrànxɔ rɔ̀n, tɔ ma ba gɔ̀ɔ o gɔ̀ɔ tsiɔ̀, tɔ̀ sapɛ nà fù bo mɔn.

Filipika reè 3:19

È lataan rìì yɛ, yè bara. È doòn rìì yè è re ŋaablà, goo rìi yè è seè goo, yè e yɛrɛ blabee tɔ̀ rii ka, è to na e kɛsɛɛ̀ gèsɔn pɛn na dzɔ̀nxɔɔ̀ tsɛ raa goo rèè tɛ̀y waa.

Efɛsika reè 4:14

Tà tsuru mùn fa bà dziinkòòmɛ̀yn ì dɛ, nìì reè fìfa beè min niì sapɛ, fyɛn kaatsià sapɛ yeè è sen beè, nìì yɛ kàr'nà kaatsià sapɛ, mòdzian twɛy nìì reè ka mòdzian akiri shɔɔ̀n, y'à ka è sàn fìrì sànbe doùn.

Lukì 21:34

Ye e yɛrɛ kun ! E maà to ji tsuù ɲwɛyn bla bla ɲɔɔn, ko mìɛn ko dziɲan kpɛyn màànkàn goo reè vyɛ̀ɛ̀ rà, fɔ Adamà dziàn nà jisee yè bè bàràma e ɲan waa.

Lukì 8:6

Shìmàndzin neè swey tɔrɔnmà yè bè kòrò faa gane ka. Twɛy shìmàndzin neè xeu min niì, à na cin waa yè gɔ̀rɔ̀, kàtsu dzɔ̀n cin naà ni mɔn waa.

Yàkubà 5:5

Ye yè e re jaamabee fau dzɔ̀nxɔɔ̀ tsɛ, dziɔ̀ ko tswɛɛ tsɛ. Ye ceyn wɔu e yɛrɛ ɲan a ci dzwɛkà ì, vuɛ jisee kamà.

Tsìmotè jɔ̀naà 5:6

Ŋà fùnshɔ̀ùntaan nìi ni dziɲaan ɲàn raa dzibee goo reè rìì fyɛ̀ùn, tɔ̀ kɛ̀nsɛɛn ye ba jaama, à bàa saɔn rìì.

Lukì 16:19

Tà shɔ̀ùn, Yesù yè neè gooma ree ka tàlen ban mòdzian rè ci: «Kpiri nafòròtsi sɔn na ni, a y'a jà, à vya o vya wɔɔ̀, à sapɛ vya wùù wuu kpa xɔ xɔù. A y'a jà, à ɲwɛyn o ɲwɛyn ɲɔɔ̀n, à sapɛ ɲwɛyn dzi dziù è bà giri, jaaravi to na doò à re.

Lukì 12:45

Ŋà, tɔ̀ jòòn y'a ji e duùn, è dzin ci: "Mun kùntsiɛ̀ fa nà tabe waa." Tà goò y'à to, è ji jòn dzyee reè tsɛ, kpirima ko à tàànma sa, è twɛy baan, è ɲwɛɛ̀n ɲɔɔ̀n, è mìɛn faa, fɔ tɔ̀ y'a kuàn, nìi nà tɔ̀ tàrà, tɔ̀ rii siin:

Dzyèèsìbee mòdzin neè 13:9

E maà à to mòò pɛn yè e san fìrì ko kàràn kpɛrɛ ì ka, e na nìi tɔ̀ waa. Àwà, à wùɔ rìì yɛ, Ŋaablà ɲanwùɔ yè fààn wɔ mùn ɲan, sani ɲwɛyn goo shi yeè tɔ̀ fa. Nìì reè gbaɔn ɲwɛyn goo shià raa goo rèè kpɛyn, tɔ̀ na gèsɔn pɛn wùbee twɛy mà waa.