Bib sou entènèt

Yudè 1:1 - Bible Dzùùngoo Unicode

¹ Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Gade chapit la Kopi

tounen moute ⬆

Yudè 1:1
40 Referans Kwoze

Piyɛrì jɔ̀naà 1:5

Ɔ̀ɔn ye nìì reè màraɔ̀ Ŋaablà re dzibaabee baraka ɲan è ɲɛn ɲɛynaà tsɛ ye tsià kamà, tɔ̀ niì nà e kpadè waatsi lataan ɲàn.

Tesalonikika reè jɔ̀naà 5:23

Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Yùxanà 14:22

Yesù rè kàràndzin neè ɲàn, nìi tsoo Yudè, è bà e si Sikariyɔtsì rà, tɔ̀ yeè dzin Yesù rà ci: «Tsìfaà, fee y'à to, wo nà a yɛrɛ kpadè ɲe bàsɔùn nì nà, wo fa a yɛrɛ kpadè dziɲan na waa ?»

Piyɛrì jɔ̀naà 2:9

Ŋà ye, ye bàu kun ɲankɛrɛunma, màsà kpir'là rè saakagoojaabobaa ì, jàmààndzin fɛnɛ ì, Ŋaabla nìì reè bàu e raa yè bà ni à re goo blà bla fauma rèè dè, à nìì reè kiri bou tsitsiɛ̀ ɲàn, yè nà à re vyevyee kabagoomaa nà.

Ɔ̀rɔ̀mùnka reè 1:1

Nèe mun Pol'lè sɛbɛn, Yesù Kirisà rè jòn kpir'là. Mun kiriu min bà kɛɛradzin, min bo n si, min Ŋaablà re Kùnàgoo Dziɔ̀ dè.

Yùxanà 17:15

Mun na wo màfyɛ̀ɛn, ci wo yè è bo dziɲan ɲan dɛ, ŋà, mun wo màfyɛ̀ɛn nì, wo yè è tààn Sùtana mà.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Ɔ̀rɔ̀mùnka reè 8:30

À nìì reè jɔ̀na ŋɛnɛ̀ɲan tsuuŋ, à twɛy kiriu sa. À to nìì reè kiriu, è kpàdèu tereunma ì sa. À nìì reè sa kpadèu tereunma ì, à nɔɔrɔ sa ɲɛun twɛy tsɛ.

Ɔ̀rɔ̀mùnka reè 6:22

Ŋà dòònuùn, ye xɔrɔnbeumaà ye bo gooɲaan ɲàn, ye bàu Ŋaablà re jon ì. Tɔ̀ nàfaà rìì yɛ goo nìì reè dzi Ŋaablà ra, à lataan yè bà jaamabe dziù dòbɛɛ.

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !

Yàkubà 1:1

Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Tsìmotè fiiraa 4:18

Tsìfaà nà mun tsi bo gooɲaan sapɛ ɲan, è mun dɔ̀n e re jìrànxɔɔ̀ màsàbee doùn. Arì she, nɔɔrɔɔ̀ sapɛ dzyeèma yeè ɲɛn à tsɛ, waatsi sen ɲɛn waatsi tsɛ. Àmiinà !

Tesalonikika reè jɔ̀naà 2:12

Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

Efɛsika reè 5:26

À tɔ̀ fau, è bà ni à fɛnɛbe, à fòoŋmaà shɔ̀ùn è fyɛ, yuà ko Ŋaablà re goomaa baraka rɔ̀n.

Korɛntsika reè jɔ̀naà 6:11

Àwà ye swey na ni tɔ̀ rii tsuru. Ŋà ye fòoŋ, ye yè fɛnɛbe ye bà Ŋaablà raa, è kpàdè ci ye tereòn Tsìfa Yesù Kirisà tsoò baraka rɔ̀n, ko mùn ne Ŋaablà re Dzia baraka rɔ̀n.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Ɔ̀rɔ̀mùnka reè 16:18

È ɲɛn a tsɛ, twɛy mòdzìn tsu rèè na faagoò faa Kirisà, mùn Tsìfaà rè waa, ŋà y'à faa e yɛr'la doòn rìì lè. È dzugoomaa tsiinbee ko e re nanmara goòmà rèè saabu rɔ̀n, è mòdzin kunsɔ̀ɔ̀ma reè sàn fìr'la.

Ɔ̀rɔ̀mùnka reè 9:24

À ɲan màtsur'la mòdzin neè, à ɲe rìì gooma dekɔɔn, ɲe nìì reè kiri bou Dzyèèsìbee mòdzin neè fi, kun kpɛrɛ mòdzin neè.

Kɛɛradzin neè faadziɛ 27:23

Àwà, mun Ŋaablà riì raa, min bà faagoò faa à re, tɔ̀ re mɛ̀rɛ̀kɛ sɔn nàu e yɛrɛ kpadè mun na fen nɔ̀n.

Lukì 6:16

Yàkubà dzin kpiri Yudè yè gban tɔ̀ ra. Yudasì, Sikariyɔtsika kpir'là yè kòmànà gban twɛy sapɛ dzyeèmaa nà, nìi nàu bà Yesù jàànfabaà.

Kɛɛradzin neè faadziɛ 20:32

Àwà dòònuùn, à tou min ye kɛ̀ɛ̀yfa Ŋaablà ma, min ye kɛ̀ɛ̀yfa à ɲan wùɔ goomaa mà. Ye ɲɛn niì faɔ̀ à ra, à dzi n'a na, è fààn wɔ ye ɲan tà doùn. À nìì reè bo jiɔ̀ e si, yè bà à raa, à goo wùù wuu niì reè ŋɛ̀nɛ̀ɲaɔ̀n twɛy ka, è tɔ̀ sa sin ye ra.

Kɛɛradzin neè faadziɛ 1:13

È nàu wɔ Yerusalɛmùn, è dɛ̀rɔɔ̀n yè e si ladzyee sangaso nìi doùn, yè bè dɔ̀n mɔn. À na Piyɛrì, ko Yùxanà, ko Yàkubà, ko Andère, ko Fìlipù, ko Tomà, ko Batelemin, ko Matsiyù, ko Àlifù raa dzin kpiri Yàkubà, ko Shimɔ̀n, nìi kir'là ci Zhèlɔtsì fàtsiɛ kùùnkààfabaà, tɔ̀ yeè kòmànà ɲɛn Yàkubà raa dzin kpiri Yudè tsɛ.

Yùxanà 17:19

È kamà, min n bo jia n si wo re, sànko sààbeen baraka rɔ̀n, è sa yeè e bo ji e si wo re.

Yùxanà 17:17

Mun wo màfyɛ̀ɛn, e fɛnɛbe e bo ji e si a re, sààbeen baraka rɔ̀n. Wo re goomaa sààbeen rìì.

Yùxanà 15:16

E maà à ji e duùn, ci ye rìì mun boo e jaa ra dɛ. À na tɔ̀ tsuru waa, ŋà, mun nì ye boo n jaa ra. Mun tɔ̀ fau nì, sànko, min ye ka bè Ŋaablà re faagoò rà, faagoo nìi nàfa na do jàa waa. Tà tsuru, ye nà gè o ge gaa Fà Ŋaablà re mun tsoo ka, à nà tɔ̀ sìn ye ra.

Yùxanà 12:26

Mòò riì ye ba n'a re w'e faagoò fa mun ne, fɔ è gban mun kpɛyn. Tɔ̀ tsuru, mun ye ba ni min niì, mun ne faagoofadzian sa nà bà ni mɔn. Mòò riì ye ba ni faagoò rà mun ne, Fà Ŋaabla nà blà wɔ tɔ̀ ɲan.

Yùxanà 6:39

Mòò riì to mun ka naɔ, tɔ̀ raa sàɔ rìì yɛ, à nìì reè sapɛ siun mun na, twɛy sɔn mà fìrì waa, ŋà, mun yè è sèè kpunan bo saàn ɲàn tsìɛ̀ sii sèè.

Marikì 3:18

Andère yeè ɲɛn è tsɛ, ko Fìlipù, ko Batelemin, ko Matsiyù, ko Tomà, ko Àlifù raa dzin kpiri Yàkubà, ko Tadè, ko Kanaaninka kpiri Shimɔ̀n, fàtsiɛ kùùnkààfabaà,

Matsiyù 10:3

Tà shɔ̀ùn Fìlipù yè gban, ko Batelemin, ko Tomà, ko Matsiyù, tɔ xɔnsɔɔntsibaa, ko Àlifù raa dzin kpiri Yàkubà, ko Tadè,

Matsiyù 13:55

À na gɔ̀ɔ̀kpaabaà dzin kpir'la dɛ ? Wò rii naà tsoo na Mariyamùn ɔ̀n ? À tseyn nèè rìì na Yàkubà, ko Yusufù, ko Shimɔ̀n, ko Yudà ɔ̀ ?

Marikì 6:3

À na gɔ̀ɔ̀kpaabaà dɛ ? Mariyamùn dzin kpir'la kɛ̀ ? À keresi reè rìì na Yàkubà, ko Yosè, ko Yudà ko Shimɔ̀n gbɛ ? À tseyn taan ree rìì na tsùuŋnà ɲe ka mìin dɛ ?» Tɔ̀ kɛ̀sɛmà nìi na ni è ɲan, tɔ bàu saabu, è na ɲɛn Yesù rà waa.

Ɔ̀rɔ̀mùnka reè 1:6

Ye sa twɛy mòdzin neè sɔn ni, Yesù Kirisà nìì reè kiriɔ.

Yudè 1:3

Mun ne kɛ̀niunma rèè, mùn sa dzyèeŋnà tsii rìi mà, mun sàò na ni min goo sapɛ ko e kuru fa, min sɛbɛn ka ye re tɔ̀ kàjaa tsɛ. Ŋà, à bàu mun mà fààn, min nèe sɛbɛn nee ka ye re, m'a ka ye màxɔ̀n ye yè bà ni ɲɛynaà kaà fa, tɔ̀ niì sìun Ŋaablà re mòò rèè rà jaa soo pe.

Yudè 1:21

Ye to Ŋaablà re kɛ̀nbààbee doùn, ye bà ni mùn Tsìfa Yesù Kirisà rè màtsur'la màshua rà, jaamabe dziù dòbɛɛ raa.

Swiv nou:

Lyen patwone

Piblisite

Piblisite