Tsitè 3:6 - Bible Dzùùngoo Unicode

⁶ Mùn Tsibaa Yesù Kirisà baraka rɔ̀n, à tɔ̀ Dzia jàaŋ mùn tsɛ giri.

Tsitè 3:6 Referans Kwoze

Ɔ̀rɔ̀mùnka reè 5:5

Àwà, tɔ̀ sixɔbemaà na mòò màniɛn waa, è ɲɛn à tsɛ, Ŋaablà kɛnbààbee jee jiu mùn dùsùkuan ɲàn à re Dzia baraka rɔ̀n, tɔ̀ niì sìun mùn na.

Kɛɛradzin neè faadziɛ 10:45

Dzyèèsìbee mòdzin niì reè na naɔ̀ Piyɛrì ka, yè bà Yesù rè kàràndzin, à goò yè ji twɛy dzii tsɛ, kàtsu y'à jàu, ci Ŋaablà yeè e re Dzi Fɛnɛɛ jàaŋnà kun kpɛrɛ ì sa tsɛ, nìì reè na Dzyèèsìbee mòdzin ì waa.

Yùxanà 16:7

Tɔ̀ to y'à tàrà, mun to nà sààben ni dè ye ra gbɛ. Min bè, tɔ̀ rii fyan ye mà. Mun ma be fyeu, Dzwɛ̀mabaà fa nà ye re waa. Ŋà, mun ye be tɔ̀un, mun nà à ka na ye re.

Yùxanà 1:16

Mùn sapɛ yeè e ninma jau à ɲanwùɔ ɲàn, dzwɛ sen ɲɛn dzwɛ tsɛ, mùn sapɛ yeè tɔ̀ tàrà.

Tsitè 1:4

Nèe mun ne sɛbɛn è sìn wo Tsitè rà, wo rìi mun dzin kpiri taki takì ɲɛynaà baraka ɲan, mùn dzyèeŋnà tɔ̀ niì mà. Arì she, Ŋaablà ɲanwùɔ, ko jaanciàn, Fà Ŋaablà ko mùn Tsibaa Yesù Kirisà yè twɛy sìn a ra.

Efɛsika reè 4:2

Ye e majàà, ye e vunun mà cin, ye e mɔɲɔn. Ye e si re goo ku kɛ̀nbààbe doùn.

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Ɔ̀rɔ̀mùnka reè 8:2

È ɲɛn à tsɛ, Ŋaablà re Dzia raa sàrìya riì jaamabee sìan Yesù Kirisà baraka rɔ̀n, tɔ̀ y'a tsi bou gooɲaan ko saàn raa sàrìyaa suun.

Kɛɛradzin neè faadziɛ 2:33

È sèè è blà wɔ à ɲan, à y'à tsùù e sirama si jaa rè. Yesù na Dzi Fɛnɛɛ riì làyiri seòn ɲe re, à fà Ŋaabla tɔ̀ sìun à ra. Àwà, à sa tɔ̀ Dzia rìì jàaŋnà ɲe tsɛ. Ye jaa yɛ nìi rà, ye yè bà à myɛ̀ɛn, tɔ tɔ̀ Dzia tàànmàshɛɛn nì.

Yùxanà 7:37

Àyìwà, sɛr'là jisee lataan sii sèè, tɔ̀ riì sɛr'là jisee blaa yɛ̀r'la, Yesù tsìiŋmaà jàmaà fi, è sɛ̀ɛ̀y ci: «Mìnoo ye ba ni mòò riì rà, è nà mun na, è min.

Yùxanà 4:10

Yesù yè dzin taàn na ci: «Ŋaabla mòò kɔ̀ɔ gè niì rà, wo ye ba nà tɔ̀ tɔ̀, tà ko mòò riì yɛ yuà fyɛɔ̀n wo re, wo yè bà na tɔ̀ tɔ̀, wo rìì na nà yu fyɛ̀n à re, à to na nà yu sìn wo ra, yu rìi jaamabee sìan mòdziìn nà.»

Ɔ̀rɔ̀mùnka reè 2:4

Ŋaablà re wùɔ blàbee nìi boò, ko à re goo kua, ko a re mɔ̀nɲɔɔn, wo na tɔ̀ jàa goo dɛ ? Tɔ̀ to y'à tàrà wo na à tɔ̀ ci Ŋaablà ɲanwùɔ wo gaa nìi mà, tɔ̀ rii yɛ w'e nimisa, w'a re jaamabee fau'n kur'la lakere o ?

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.