Bib sou entènèt

Tsitè 3:1 - Bible Dzùùngoo Unicode

¹ È taa to, ci yè e majàà kùntsii rèè ko fàan mòdzin neè rè. Yè è vu kun, yè bà ni tsuù goowùɔ sapɛ faa ɲan tsuù ɲàn.

Gade chapit la Kopi

tounen moute ⬆

Tsitè 3:1
29 Referans Kwoze

Matsiyù 22:21

È ci à ra ci: «À Sezar'lì.» È dzin è ra tɔ̀un ci: «Nìi Sezar'laa ye tɔ̀ sìn Sezar'là, nìi to Ŋaablà raa, ye tɔ̀ sìn Ŋaablà ra.»

Dzyèèsìbee mòdzin neè 13:21

Ŋaa yè fààn sin mùn na, mìn dzi wùɔ fa, fau'n kur'la sapɛ ra, m'à sàɔ bo e shi tsɛ. Arì she, nìi dzi Ŋaablà ra, à yè tɔ̀ fa mùn ɲan e Jaara Moo Yesù baraka rɔ̀n, blàbee tɔ̀ niì raa, waatsi sen ɲɛn waatsi tsɛ. Àmiinà !

Tsìmotè fiiraa 2:21

Tà doùn, mòò riì nà e foò fyɛ bo twɛy goo rèè sapɛ ɲan, tɔ nà bà jisee bla blaa faagoo faa tàànge, nìi fɛnɛɔ̀, è tsifaà màgoo wubee, à mà yè bà byɛ̀n tsùuŋnà faagoo wuu faa sapɛ kamà.

Tsìmotè fiiraa 1:6

È ɲɛn tɔ̀ tsɛ, mun wo taa toò ci wo Ŋaablà ɲanwùɔ kwɛ̀yge rìi tàrau, mun si rèè tsùuŋmaà doùn wo tsɛ, tɔ̀ sàà dzu den kpɛrɛ.

Tsìmotè jɔ̀naà 5:10

À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Tsìmotè jɔ̀naà 4:6

Àwà wo ye neema reè kàràn tɔ̀ ra, wo nà bà Yesù Kirisà rè faagoofadzin wuu, ɲɛynaà gooma reè ko kàràn wùɔ baɔ̀ wo xɔɔn ɲwɛyndzii, wo y'à gbaɔn twɛ̀y nìì ree kpɛyn.

Tsìmotè jɔ̀naà 2:2

Ye Ŋaablà mafyɛ̀n màsa reè ko fàànma reè sapɛ re, gè riì ni à to mìn jaamabee fa jaancin ko akiritsuu doùn, Ŋaablà jɔun shiɲaanbe ko blàbe tsɛ.

Korɛntsika reè jɔ̀naà 15:58

Tà doùn, mun neema kɛniunma rèè, e san gbaunma yè to cɛyn, e maà yuuyuu bo e shɔùn waa. Ye bè jɔun kudɛyn Tsìfaà rè faagoò doùn, ye bà à tɔ̀ ci ye re faagoò na maana Tsìfaà ɲàn waa.

Piyɛrì fiiraa 1:12

Tɔ̀ rii y'à to ye kɛ̀nsɛɛn ye ba twɛy goo rèè jaa tɔ̀, ye sàn yè bà gbaɔn tɔ̀ sààbeen ɲàn, à wù min ye taa toò è re kudɛyn.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Kolosika reè 1:10

Tà tsuru, e jiì saàn yè bà ni byɛn Tsìfaà sàɔ mà, e goo yè dzibe à ra kàjaa sapɛ tsɛ. E faadzii wuɔ yè dzin ì wɔ, ye bɔɔ bè jɔun Ŋaablà tɔɔ̀ ɲàn.

Filipika reè 1:11

E ɲantsyɛunmaà terenbee dziàn nà è bo Yesù Kirisà rè, tɔ̀ yeè blàbe ko tsoo dzi ɲɛn Ŋaablà tsɛ.

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Yudè 1:5

Àwà mun sào ni min ye taa to goo sɔn ne, ye to kɛ̀nsɛɛn ye ba à sapɛ tɔ nòn. Nìi yɛ, ci Tsìfaà rè e re mòò rèè tsi boumaà shɔ̀ùn Misiran jamaan doùn, nìì reè na ɲɛn à ra waa, à twɛy vuu.

Tsitè 3:14

Mùn ne ɲɛynamoo rèè sa wù yè dɛ̀ɛ̀y goowuu faa rà, è sa yeè bà ni dzi e tsiì swey màgòò wùbè ge ì ka taama. Tà tsuru, è mà bà mòdzin ì, nàfa na ni nìì reè ɲàn waa.

Tsìmotè fiiraa 2:14

Mòdzian taa to twɛy goo rèè rè, a dè màxɔbe è ra Ŋaablà jaa ra, ci è mà gooma ì kùùn si sɔswɛy gir'là fa waa. È ɲɛn à tsɛ à yè e lamyɛ̀nbaa rèè màgoo bara boshɔ̀ùn, à na gèsɔn wùbee waa.

Tsitè 1:16

È dziàn ci ye Ŋaablà tɔ, tɔ̀ to y'à tàrà è faadziɛ y'à kpàdèe ci è na à tɔ̀ waa. È mòdzin kinin bouma ì, mòdzin mabaunma ì, è na dzia goowùù soo fa.

Swiv nou:

Lyen patwone

Piblisite

Piblisite