Bib sou entènèt

Tsitè 2:8 - Bible Dzùùngoo Unicode

⁸ Gooma fyɛuma yè bà ni a dzu, mòò fa dzi nìi sɔ̀swɛy waa. Tà tsuru, ɲaàn mà nà goo sɔn pɛn ɲaan ja dè mùn tsɛ, ŋà à kùngɔ rìì yè sùùru.

Gade chapit la Kopi

« Previous

tounen moute ⬆

Piyɛrì jɔ̀naà 2:12

Ye e re jaamabee fa fau'n kuru wuu ra Ŋaabla tɔ bɛy reè fi. Tɔ̀ tsuru è kɛ̀nsɛɛn ye ba doò wɔɔ̀ ye ra ci ye gooɲaanfabaa ì, è nà ye faadzii wuɔ kààwɔ, yè tsoo dzi ɲɛn Ŋaablà tsɛ tɔ̀ bo sii sèè è re.

Gade chapit la

Piyɛrì jɔ̀naà 2:15

È ɲɛn à tsɛ Ŋaablà saɔ rìì yɛ, goowùɔ fakɔɔn, tɔ̀ yeè mòdzin akiribɛy ko goo jaa tɔ bɛy reè dziɛ̀ tsyee.

Gade chapit la

Piyɛrì jɔ̀naà 3:16

Ŋà, y'a goò fa vununmacin ko blàbe doùn, akiri wùù yeè bà ni e ɲan. Tà tsuru, ye re jaamabee fau'n kuru wuɔ doùn Kirisà ɲàn, nìì reè y'à gaa ye yè ye tsoo bara y'à bà ci ye ɲaan faa, twɛy kùngɔ yè sùùru.

Gade chapit la

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Gade chapit la

Tesalonikika reè fiiraa 3:14

Tà doùn, ɲe yɛ gooma niì dèe ye ra sɛbɛn nee doùn, mòò riì ma tɔ̀ latsuù, ye tɔ̀ tsìfa kààwɔ e maà dzyèè à ka goo sɔn pɛn doùn dɛ, è bà ni seey.

Gade chapit la

Tsìmotè jɔ̀naà 5:14

Tà doùn, fùnshɔ̀ùntaan nìì reè na bɔrɔɔ waa, m'a gaa yè furu fa, yè dzin ì kere, yè e magoo wɔ e re tsun'nà ɲàn, gè riì ni à to ɲaàn mà nà dɔ̀n ma jà, è mùn tsoo bara waa.

Gade chapit la

Lukì 13:17

Yesù tɔ̀ goomaa dèu min niì, tɔ̀ y'a ɲan rèè sapɛ kungɔ sùùru. Ŋà, jàmaà dzyeè sapɛ taama na dzibeò, Yesù rè goowùù wuu fakɔɔn reè rà.

Gade chapit la

Marikì 12:34

Àwà, Yesù y'à jàu min niì ci à wò re goomaa latsiu ko akiri ka, è dzin à ra ci: «Wo ko Ŋaablà re màsàbee ɲàn dɔ̀ɔ̀ fi na gbàn waa.» Tà shɔ̀ùn, mòò pɛn kùùn naà xɔ, è Yesù tey goo sɔn pɛn mà dɛ.

Gade chapit la

Marikì 12:32

Sàrìyà Kaamoo yè dzin Yesù rà tɔ̀un ci: «À wùbeu Kàrànfaà ! Wo dzin nìi fau ci à soo pe, ci kpɛrɛkuru na ni à tɛ̀y, wo sààben deu.

Gade chapit la

Marikì 12:28

Àyìwà, Yesù tɔ̀ kaangoo riì jiu ko Sadusiɲɛn rèè ka, Sàrìyà Kaamoo sɔn toro jiumaà tɔ̀ ɲan, à y'à jà è latsiu'n kuru wùbeu. Tɔ̀un, è kpɛrɛ̀ Yesù rà, à y'à tey ci: «Ŋaablà dzugooma xɔù rèè sapɛ ɲan, kɛ̀n ni ni jɔun ?»

Gade chapit la

Marikì 12:17

Yesù ci è ra tɔ̀un ci: «Nìi Sezar'laa, ye tɔ̀ sìn Sezar'là, nìi to Ŋaablà raa, ye tɔ̀ sìn Ŋaablà ra.» Yesù rè goò yè ji è dzii tsɛ fɔ è bè geren.

Gade chapit la

Tsitè 3:14

Mùn ne ɲɛynamoo rèè sa wù yè dɛ̀ɛ̀y goowuu faa rà, è sa yeè bà ni dzi e tsiì swey màgòò wùbè ge ì ka taama. Tà tsuru, è mà bà mòdzin ì, nàfa na ni nìì reè ɲàn waa.

Gade chapit la

Swiv nou:

Lyen patwone

Piblisite

Tsitè 2:8 - Bible Dzùùngoo Unicode

Tsitè 2:815 Referans Kwoze

Tsitè 2:8
15 Referans Kwoze