Bib sou entènèt

Tsitè 2:12 - Bible Dzùùngoo Unicode

¹² Tɔ̀ rii mùn kàr'na mìn sèè bo Ŋaablà jɔun shiɲaanbɛybeè kpɛyn, mìn nɔn nèe dziɲan ree kur'la goo ɲaan neè mà, mìn e re jaamabee fa nèe waatsi ree ɲan akiri ka, terenbe ka, ko Ŋaablà jɔun shiɲaanbe tsɛ.

Gade chapit la Kopi

tounen moute ⬆

Tsitè 2:12
59 Referans Kwoze

Matsiyù 16:24

Tɔ̀un, Yesù yè dzin e re kàràndzin neè rà ci: «Mòò riì ye ba ni à re è gban mun kpɛyn, fɔ è ɲɛyn bo e yɛrɛ tsɛ, è gbaàn gɔɔ̀ sen, è kòmànà e gban mun kpɛyn.

Ɔ̀rɔ̀mùnka reè 6:19

Mun goomaa adamàdzin mòdzin goomau'n kur'la, è ɲɛn ye re fààn dzyɛ̀nbeè tsɛ. Àwà, ye yè e gɔɔ̀n gàne rèè bàu goo nooŋmaà ko terenbɛybee rè faagoo faa ge ì nìi tsuru è ɲɛn terenbɛybee tsɛ, tɔ̀ soo tsuru, ye è bà terenbee rè jon ì dòònuùn, nìi ye bàa Ŋaablà raa.

Piyɛrì fiiraa 2:9

Tɔ̀ y'a kpàdèe ci nìì reè shia Ŋaablà jɔun, Tsìfaà twɛy tsiu'n kuru tɔ e byɛɛn goo rèè rà, è bà terenbɛy reè to tsùuŋnà, è bà ni è byɛn kitsia jisee sii sèè.

Yùxanà jɔ̀naà 2:6

Mòò riì ci wo ni Kirisà ɲàn, à wù à sa yeè jìì, a ci Kirisà jìiŋ nìi tsuru.

Tsìmotè fiiraa 3:12

Àwà, nìì reè sapɛ sao ni yè e re jaamabee fa Ŋaablà jɔun shiɲaanbe tsɛ Yesù Kirisà ɲàn, byɛnbe nà ɲɛn twɛy sapɛ tsɛ.

Goo kpàdèuma rèè 14:12

Nèe nìi kpàdèe mìin, tɔ̀ rii yɛ Ŋaa re mòdzin neè yè e mɔnɲɔn. Ɔ̀ɔn, twɛy nìì reè Ŋaablà dzugooma xɔù rèè shi jiɛ, yè bà ɲɛɔ̀n Yesù rà.

Lukì 1:75

Tà doùn, ɲe re sii sa see jaamabee doùn, ɲe nà bà fɛnɛunà, ɲe yè bà tereonà à jaa ra.»

Tesalonikika reè jɔ̀naà 4:7

Àwà Ŋaablà na mùn kiri ci mìn re jaamabee fa noo ɲàn waa, ŋà, ci mùn y'a fa fɛnɛbee doùn.

Tsitè 3:3

È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.

Tesalonikika reè jɔ̀naà 4:9

Àwà nìi neemasia kɛ̀nbààbee, à na wɔɔ̀ mòò yè sɛbɛn ka ye re tɔ̀ ra dɛ, kàtsu ye yè e si kɛ̀n, ye yɛ̀r'leè tɔ̀ kàraun Ŋaabla re.

Efɛsika reè 2:2

Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

Ɔ̀rɔ̀mùnka reè 12:2

E maà e raa goo fau'n kur'la ko nèe dziɲan ree raà bà soo waa, ŋà y'a to làkere ye dɔ̀n e re jaamabee doùn akiri ye ka, ye bà ni Ŋaablà saɔ tɔ̀: nìi wù, à dzi à ra, à dzii yè bà tsyɛɔ̀n.

Ɔ̀rɔ̀mùnka reè 6:12

Tà doùn, e gɔn nìi sanàma, e maà à to gooɲaan yè dzi tara tɔ̀ tsɛ fɔ è bè wɔ y'a kur'la goo ɲaan neè shi jiì dɛ.

Matsiyù 28:20

N goo o goo dèu e ra, ye tɔ̀ sapɛ karàn è ra, y'à màrà. Àwà fɔ dziɲan yeè bè dò, màan ji o ji seroun, mun ni ye ka.»

Yùxanà jɔ̀naà 2:27

Àwà nìi ye, ye Dzi niì tàrau è bo Kirisà rè, tɔ ni tsuù ye ɲan, à na wɔɔ̀ mòò yè ye kàràn dɛ. À na wɔɔ̀ mòò yè ye kàràn dɛ, è ɲɛn à tsɛ ye tɔ̀ Dzi riì tàrau, tɔ̀ ye kàr'na goò sapɛ ra. À re kàr'nà sààben, à na doò waa. Tà doùn ye to tsùù à ɲan, a ci à y'à kàraun ye ra nìi tsuru.

Piyɛrì fiiraa 3:11

Twɛy gè rèè sa to ye ba nà jɛ̀rɛ̀n tà tsuru, ye wù ye yè bà mòdzìn kaatsi kɛ̀n ? À wù ye yè e re jaamabee fa fɛnɛbe tsɛ, Ŋaablà jɔun shiɲaanbe yè bà ni ye ɲan.

Dzyèèsìbee mòdzin neè 8:11

Sɔn yeè bà ni e fadzìnsi tàmafa e neema karàn è ɲan kɔn, ci è mun tɔ̀, tɔ gooma fa bà ni à ɲan dɛ, kàtsu mòdzin kiɲaanin sen ɲɛn modzin bla tsɛ, è sapɛ nà mun tɔ̀.

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Kolosika reè 1:22

Ŋà dòònuùn, è ɲɛn à Dzin kpir'la saàn tsɛ gɔɔ̀n ɲàn, à ye ko e fia lamɔnɔun, ye yè bà ni kpadè à jaa dzuun mòdzin ì, nìì reè fɛnɛɔ̀, fyɛ̀ na ni è ra waa, jààma to na ni è ra waa.

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Korɛntsika reè fiiraa 7:1

Àyìwà mun ne kɛ̀niunma rèè, è twɛy làyir'lèè seunma to mùn ne, noo ge o ge ni mùn gɔɔ̀n ko mùn akir'la rà, mìn tɔ̀ sapɛ foo fyɛ, mìn e re fɛnɛbee dzii tsyɛn, è kòrò ko Ŋaablà jɔun shiɲaanbeè ka.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Ɔ̀rɔ̀mùnka reè 8:13

È ɲɛn à tsɛ, ye ye ba e re jaamabee faa a ci gɔɔ̀n ci è fa nìi tsuru, ye nà san. Ŋà Ŋaablà re Dzia baraka rɔ̀n, ye ye gɔɔ̀n juu ɲaan vu bo e ɲan, ye nà jaamabee fa.

Kɛɛradzin neè faadziɛ 24:25

Ŋà, tɔ̀ goomaa doùn, mòo wù è re jaamabee fa fau'n kur'liì rà, è bà jaamabe wùù Ŋaablà re, mòo wù è dzi e yɛrɛ dzuun nìi tsuru, ko Ŋaabla nà kitsi riì kùnùn mòdzian sapɛ dzyeèma tsɛ sii sɔn see, Polì dzii yè wɔ tɔ̀ sapɛ tsɛ. Àwà, Fèlisì dziu twɛy gooma reè myɛ̀n min niì, è shi, è dzin Pol'là ci: «Ke raà wù nèe tsuru, a dzia a kpɛyn sèè. Min na waatsi kpɛrɛ tàrà, mun nà wo kiri kɔn.»

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Yùxanà jɔ̀naà 5:19

Ɲe y'à tɔ̀ ci ɲe Ŋaablà raa, dziɲan ko e kur'la, tɔ̀ sapɛ ye bà ni Sùtana suun.

Efɛsika reè 1:4

Sani dziɲaan yè ɲɛn, à na ɲe ɲankɛrɛn boo nòn Kirisà ɲàn e jaara, gè riì ni à to ɲe yè bà fɛnɛ ì ko jààkìbɛy ì à jaa dzuun, à re kɛ̀nbààbee doùn.

Yùxanà 14:30

Mun fa dzi gooma giri dè ye ka dɛ, kàtsu, Sùtana, dziɲan ree kùntsiɛ̀ nàa, dzi pɛn to na ni à re mun tsɛ waa.

Yùxanà 6:25

Yè Yesù jà e jɔun mɔn yuà kɛ̀yn nɔn, y'à tey ci: «Kàrànfaà, wo wɔu mìin waatsi kɛn bwey ?»

Lukì 1:6

Jakàrìya, ko e re tààn Elizabɛtsì, è fiɛ̀ sa na tereòn Ŋaablà jaa ra. È na mùn Tsìfaà dzugooma xɔù rèè ko à re shi kpadèunma rèè sapɛ shi jiɛ, arì jààma kiɲaanin naà ni è ra waa.

Yudè 1:18

È na dziàn ye ra ci: «Waatsi latan neè ɲàn, ɲànŋmɛ̀ynfabaa ì nà bà ni, è yɛ̀r'leè kur'la goo ɲaan neè yè bà è kuru kuɔn è ɲɛn è re Ŋaablà jɔun shiɲaanbɛybeè tsɛ.»

Tsìmotè fiiraa 4:10

È ɲɛn à tsɛ Demasì nèe dziɲan ree goo rèè kɛ̀niɔ̀n nìi fa, tɔ̀ ye e nɔun mun ne è geren Tesalonikì. Keresɛnsì, tɔ dɔ̀n bèu Galatsi mar'la ɲan, Tsitè yè bè Dalamasì màr'lɔ̀ùn.

Matsiyù 12:32

Mòò o moò ye de dɔ̀n Adamà dziàn ɲàn, Ŋaablà nà e yɛrɛ to tɔ̀ tsìfa re tɔ̀ ra. Ŋà mòò o moò ye de dɔ̀n Ŋaablà re Dzi Fɛnɛɛ ɲàn Ŋaablà fa e yɛrɛ to tɔ̀ tsìfa re she, à fa e yɛrɛ to à re gbey.

Tsìmotè jɔ̀naà 6:9

Àwà nìì reè sapɛ y'a gaa ye yè bà gètsi, dzuunbweè twɛy sapɛ tar'la. È kur'la goo ɲaan ɲaùn gir'lèè yɔ̀ɔ̀ yè è kuàn, twɛy nìì reè mòdzian bar'la, yè è kùngɔ fìrì peu.

Yàkubà 1:27

Ŋaabla shi nìi fɛnɛɔ̀ Fà Ŋaablà jaa dzuun, noo na ni à kàjaa pɛn tsɛ fyeu, tɔ̀ rii yɛ a taa to dzinsèè rèè ko fùnshɔ̀ùntaan rèè rè e re byɛnbee doùn, tà ko a yɛrɛ taàn dziɲaun goo nooŋmaà sapɛ ma.

Swiv nou:

Lyen patwone

Piblisite

Piblisite