Tsitè 1:10 - Bible Dzùùngoo Unicode

¹⁰ Àwà mòò giri ni, è sapɛ mòdzin mabaunma ì, gooma dɔntsɔ̀bɛy reè ko mòdzìn sànfìrì goòmà rèè rìì ni è dzu. À fàan sapɛ Dzyèèsìbee mòdzin bauma ɲɛynamoo rèè.

Tsitè 1:10 Referans Kwoze

Tsìmotè jɔ̀naà 1:6

Swey tɔ̀ shia bàjiu, yè e yɛrɛ firi bè gooma dɔntsɔ̀bɛy reè ka.

Yùxanà jɔ̀naà 4:1

Àwà mun ne kɛ̀niunma rèè, e maà ɲɛn dzia sapɛ ra waa, ŋà ye è ɲansiin nì, ye bà ni à tɔ̀, yè ba boo Ŋaablà ɲan. È ɲɛn à tsɛ kɛɛra doodebaa giri boo dziɲaan doùn.

Galatsika reè 2:4

fɔ neema doodebaa nìì reè na ɲe kuru waa, yè bà na dɔɔ̀n ɲe sàn dzuun. Ɲe xɔrɔnbe rìi tàràu è bo Yesù Kirisà rè, twɛy na tɔ̀ sɛ̀r'na yè bà ni à kùnànban, yè ɲe bà jon ì.

Efɛsika reè 4:14

Tà tsuru mùn fa bà dziinkòòmɛ̀yn ì dɛ, nìì reè fìfa beè min niì sapɛ, fyɛn kaatsià sapɛ yeè è sen beè, nìì yɛ kàr'nà kaatsià sapɛ, mòdzian twɛy nìì reè ka mòdzian akiri shɔɔ̀n, y'à ka è sàn fìrì sànbe doùn.

Yàkubà 1:26

Mòdzian sɔn ye ba e yɛrɛ siɛ̀n Ŋaabla shi jiibaa, tɔ̀ to y'à tàrà à na dziɔ̀ e nɛɛ̀n dzuun waa, tɔ̀ tsìfa yè e yɛrɛ maniɛ̀n, à re Ŋaabla shi jiɛ to goo nàfa bɛy.

Tsìmotè fiiraa 3:13

Ŋà nìi mòdzìn ɲan reè, ko mòdzìn sànfir'leè, twɛy nà bèe jɔun ɲaan faa rà, yè dzyee rèè sàn fìrì, è sa yeè bà mòdzin san fìriuma ì.

Kɛɛradzin neè faadziɛ 11:2

Tɔ̀ doùn, Piyɛrì nàu e kpɛyn sèè Yerusalɛmùn waatsi riì bwèy, kàràndzin niì reè ni mɔn, yè bà Dzyèèsìbee mòdzin ì, twɛy yè e ɲinìnma dè Piyɛr'là. È ci à ra ci:

Goo kpàdèuma rèè 2:14

Ŋà, mun jàaŋnà wo ra dɛyn. Mun jàaŋnà wo ra dɛyn, kàtsu swey ni ye ɲan, twɛy yè e gbaɔn Bàlaamùn naa kàr'nà kpɛyn. Bàlaamùn nì Bàlakì duùn wɔu è bà ni à to Isirayɛlidzin neè yè ɲɔ̀n kɔɔ shu rèè tàà, yè ɲànmɔ̀ɔ̀bè goo fa.

Goo kpàdèuma rèè 2:6

Tà ko e sa ra, goo soo ni wo re, nìi wù. Tɔ̀ rii yɛ, Nikola moo rèè faadziɛ xɔ wo mà, a ci à xɔ mun sa ma nìi tsuru.

Yùxanà jɔ̀naà 2:18

Àwà dziniin ì, waatsi lataan wɔu. Y'a myɛun ci Kirisà ɲaàn nà nà, ŋà dòònuùn, Kirisà ɲan giri ni nòn. M'à tɔ̀ɔ tɔ̀ ra, ci waatsi lataan wɔu.

Tsìmotè fiiraa 4:4

È nà e toro bo sààbeen goomaa ɲàn, yè toro wɔ sina cee goòmà rèè rè.

Tsìmotè jɔ̀naà 1:4

Ci è mà e shi sina cee goòmà ì ko buruju gbaan goòmà ì nà, twɛ̀y nìì rèe nàa sɔ̀swɛy giri ka sani yè Ŋaablà raa goò kuun'n kuru wuu kpadè mòò rà, tɔ̀ niì gbaɔn ɲɛynaà tsɛ.

Galatsika reè 3:1

Galatsika reè, ye akiribɛy taki ! Tsì rii ye jɔun gaaŋnà ? Yesù Kirisà yè gban gɔɔ̀ rà, tɔ̀ na kpadè fyɛ ye ra ɔ ?

Kɛɛradzin neè faadziɛ 20:29

M'a tɔ̀, ci mun ma ba ni waatsi riì bwèy dɛ, kparan ɲan ì tsuru mòdzin ì nà dɔ̀n ye fi, è to fa màtsuru sàà kur'là rà waa.

Kɛɛradzin neè faadziɛ 15:1

Àyìwà, mòdzin swey yè bo Yude mar'la ɲàn, yè nà Antsiyɔshì, Siiri jamaan nɔn. Twɛy yè nà dzin kàràndzin neè rà, ci kun kpɛrɛ mòdzin neè ma shɛn a ci Musà rè sàrìyaa ci è fa nìi tsuru, ci è fa dzi tsi waa.

Kɛɛradzin neè faadziɛ 15:24

Ɲe y'à myɛ̀un, ci ɲe kòòsi kàràndzin neè swey bou ɲe re mìin nɔn, yè bè gooma ì dè ye ra, nìi ye akir'lèè gbiimaun, è ye bo e taa tsɛ. Tà to y'à tàrà, ɲe naà è kaɔ waa.

Tsìmotè jɔ̀naà 1:9

Mìn nèe fàànmun: sàrìyaa na tsùuŋnà mòdzin tereonmaà kamà waa fɔ terenbɛy reè, ko mòdzin mabaunma rèè, ko nìì reè na shia Ŋaablà jɔun waa, ko gooɲaan fa reè, ko nìì reè màgoo na ni Ŋaablà ɲan waa, ko Ŋaabla tɔ bɛy reè, ko nìì reè yè e fa vua, nìì reè yè na vua, ko mòdzìn vu reè.

Tsitè 1:6

Twɛy bɔɔ rèè wù yè bà mòdzin ì, jààma na ni nìì reè rà waa, è tààn dzìn sòòtsi ì, è dzin nèè ɲɛynamoo ì, jààma na ni è ra kɛ̀kɛ̀ɛ̀y goo kajaa tsɛ, è to na mòdzin mabaunma ì waa.

Yùxanà jɔ̀naà 2:4

Mòò riì ci wò y'a tɔ̀, à to na à dzugooma xɔù rèè màr'la waa, tɔ doodebaa, sààbeen to na ni à ɲan waa.

Matsiyù 23:14

[Ye Sàrìyà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye fùnshɔ̀ùntaan rèè suun gee sapɛ tsià è ra, ye to ye ba Ŋaabla mafyɛɛ̀n faa tɔ̀un, ye tɔ̀ fa toò fur'lu sànko ye yè tɔ̀ ka e yɛrɛ kpadè. Tɔ̀ kamà kitsi riì nà mɛɛy ye tsɛ, tɔ nà xɔbe fɔ è bè geren.]