Tsitè 1:1 - Bible Dzùùngoo Unicode

¹ Mun Polì, Ŋaablà re jòn kpir'là ko Yesù Kirisà rè kɛɛradzian, Ŋaablà mun kaɔ, mun y'à jaara moo rèè wɔ ɲɛynaà tsɛ, tà ko yè sààbeen tɔ̀ è kòrò Ŋaablà jɔun shiɲaanbeè ka.

Tsitè 1:1 Referans Kwoze

Ɔ̀rɔ̀mùnka reè 1:1

Nèe mun Pol'lè sɛbɛn, Yesù Kirisà rè jòn kpir'là. Mun kiriu min bà kɛɛradzin, min bo n si, min Ŋaablà re Kùnàgoo Dziɔ̀ dè.

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Tsìmotè fiiraa 2:25

Sɔ̀swɛ̀y fa reè, è twɛy kàràn ko vununmacin ka. Gè sɔ̀n ge Ŋaabla dzia cinan è mà, yè e re jaamabee lakere, yè sààbeen tɔ̀.

Tsìmotè fiiraa 2:23

Sɔ̀swɛy gɔ̀rɔ̀, akiribɛy goòmà rèè jɔun bo. W'a tɔ̀, ci twɛy nàa kaà rìì ka.

Piyɛrì fiiraa 1:3

Goo nìì reè baraka ɲan mùn jaamabee faa, Ŋaablà jɔun shiɲaanbe yè bà ni mùn ɲan, à re ŋaablabee dzibaabee twɛy sìun mùn na, à y'à to mìn kiribaà tɔ̀, tɔ̀ niì mùn kiriu e yɛr'la nɔɔrɔɔ̀ ko e re wùɔ baraka rɔ̀n.

Tsìmotè jɔ̀naà 3:16

Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

Piyɛrì fiiraa 3:11

Twɛy gè rèè sa to ye ba nà jɛ̀rɛ̀n tà tsuru, ye wù ye yè bà mòdzìn kaatsi kɛ̀n ? À wù ye yè e re jaamabee fa fɛnɛbe tsɛ, Ŋaablà jɔun shiɲaanbe yè bà ni ye ɲan.

Tsìmotè jɔ̀naà 2:4

tɔ̀ niì sào ni mòdzian sapɛ yeè tsi, yè dzi sààbeen tɔ̀.

Kolosika reè 2:2

Mun tɔ̀ faa, gè riì ni à to è vunun yè cin, è shìuma yè to e si ra kɛ̀nbààbee doùn, tà ko yè dzi akiritsifabe brisi dziitsyɛunma tàrà, yè Ŋaablà re gòndoo tɔ̀, nìi Kirisà,

Filipika reè 1:1

Mun Polì ko Tsìmotè, Yesù Kirisà rè faagoofadzin neè, nèe ɲe re sɛbɛn, è ka Ŋaablà re mòò rèè rè, nìì reè ni Yesù Kirisà ɲàn Filipi wɔ̀ rɔ̀n, è ka ɲɛynamoo kur'là kààwɔbaa rèè ko à goojaabo reè rè.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Kɛɛradzin neè faadziɛ 13:48

Àyìwà, nìì reè na Dzyèèsìbee mòdzin ì waa, twɛy dziu twɛy gooma reè myɛ̀n è dzu min niì, è taama yè dzibe fɔ è bè geren. Yè e maa yè tsoo dzi ɲɛɛn Ŋaablà tsɛ e re goomaa kamà. Tà doùn, Ŋaablà na jaamabe dòbɛɛ ɲɛɔ̀n nìì reè sapɛ ra, twɛy sapɛ yeè ɲɛn Tsìfaà rà.

Efɛsika reè 2:8

Àwà ye tsiɔ Ŋaablà ɲanwùɔ rìì baraka ɲan, ɲɛynaà saabu rɔ̀n. Tɔ̀ na boo ye yɛ̀r'leè ɲàn waa, à Ŋaablà re kwɛ̀y rii.

Yùxanà jɔ̀naà 2:23

Mòò riì yè e nɔɔn Dzin Kpirimaa rè, tɔ̀ na Fàmaa tsu taraɔ̀ waa. Mòò riì to yè e tsiɛ Dzin Kpirimaa nà, tɔ Fàmaa sa taraɔ̀.

Lukì 18:7

Àwà, Ŋaabla nìì reè bo baɔ̀ e jaara, yè bà e vu boò à ra, y'à màfyɛ̀ɛn feèn ko bwèè sa, y'a kɛ̀sɛɛ̀ ci Ŋaablà fa sàrìyaa kùnùn è twɛy dzià sìn è ra gbɛ ? Ye yè bà à kɛ̀sɛɛ̀, ci è bà nà cin è kòmànà wɔ è ra gbɛ ?

Tsìmotè fiiraa 2:10

Tɔ̀ rii y'à to mun goò sapɛ ladzyèèmaa tsià n ma, Ŋaablà jaara moo rèè kamà, gè riì ni à to Yesù Kirisà baraka ɲan, twɛy sa yeè tsiuma tàrà, yè nɔɔrɔ dòbɛɛ tàrà.

Yàkubà 1:1

Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Goo kpàdèuma rèè 1:1

Àyìwà, nèe Yesù Kirisà rè goo kpàdèuma, Ŋaabla nìi wɔu à suun, è bà ni à kpàdè e re jòn nèè rà, nìi nà fa sani dɛyn. Tà doùn, Yesù sa yeè e re mɛ̀rɛ̀kɛɛ̀ ka e re jòn kpiri Yùxanà rè, à y'à goò rèè kpàdè tɔ̀ ra.