Bib sou entènèt

Paj dakèy
Bib sou entènèt
Ɔ̀rɔ̀mùnka reè 8:9

Ɔ̀rɔ̀mùnka reè 8:9 - Bible Dzùùngoo Unicode

⁹ Àwà nìi to ye, ye na ni gɔɔ̀n raa fàan dzuun waa, fɔ Ŋaablà re Dzia raà, è ɲɛn à tsɛ, Ŋaablà re Dzia tsùuŋnà ye ɲan. Kirisà rè Dzia na ni mòò riì ɲàn fyeu, tɔ̀ tsìfa na à raa waa.

Gade chapit la Kopi

tounen moute ⬆

Ɔ̀rɔ̀mùnka reè 8:9
35 Referans Kwoze

Galatsika reè 4:6

Ye Ŋaablà dzin ì nìi fa, tɔ̀ kamà è Dzin Kpir'la rè Dzia ka na mùn dùsùkuan tsɛ, tɔ̀ yeè bà dziàn fààn na ci: «Bàa, mùn fàà»

Korɛntsika reè jɔ̀naà 3:16

Àwà ye na à tɔ̀ ci ye Ŋaablà re gbà blàa rìì, à re Dzia yè bà e tsuuŋnà ye ɲan ɔn ?

Tsìmotè fiiraa 1:14

Gè wùù riì kɛ̀ɛ̀yfaunà a ma, tɔ̀ màrà Ŋaablà re Dzi Fɛnɛɛ baraka rɔ̀n, tɔ̀ niì ni mùn ɲan.

Korɛntsika reè jɔ̀naà 6:19

Tàà ye na à tɔ̀ ci ye gɔɔ̀n Ŋaablà re Dzi Fɛnɛɛ rè gbà blàa rìì ɔ̀, Ŋaabla tɔ̀ niì siɔ̀n ye ra, è bà ni ye ɲan ? Tà doùn, ye na e yɛr'laa dɛ !

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Yùxanà 14:17

À Ŋaablà re Dzia rìì, sààbeen ni nìi ɲàn. Dziɲan na dzia tɔ̀ tàrà waa, kàtsu, dziɲan na à jàa waa, à to na à tɔ̀ tsu waa. Ŋà, nìi ye, ye y'à tɔ̀, kàtsu, à ni ye ka, à to nà bà ni ye ɲan.

Efɛsika reè 1:13

Àwà Kirisà rìì ɲàn sa, ye sààbeen goomaa myɛ̀un, nìi ye tsià Kùnàgoo Dziɔ̀ goomaa. Wò rii sa ɲan kɔn ye ɲɛyna fau, Ŋaablà to yè tàànmàshɛn tsuù ye tsɛ, à re Dzi Fɛnɛɛ tàànmàshɛɛn, à na tɔ̀ niì làyiri seòn.

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Efɛsika reè 2:22

Wò rii ɲàn sa, ye bàu ni gbà ree jiumaà ɲàn ko dzyee rèè ka, gbà nìi bàu Ŋaablà tsuùma, à re Dzia baraka rɔ̀n.

Ɔ̀rɔ̀mùnka reè 8:2

È ɲɛn à tsɛ, Ŋaablà re Dzia raa sàrìya riì jaamabee sìan Yesù Kirisà baraka rɔ̀n, tɔ̀ y'a tsi bou gooɲaan ko saàn raa sàrìyaa suun.

Yùxanà 3:6

Mòò riì kereu, è bo kpiri ko tàan ɲan, tɔ mòdzin neè kuru, mòò riì to kereu Ŋaablà re Dzi rɔn, tɔ Ŋaablà re Dzia kuru.

Filipika reè 1:19

È ɲɛn à tsɛ, mun y'à tɔ̀ ci tɔ̀ goò lataan nà bà mun tsià saabu è ɲɛn ye re màfyɛyn nèè tsɛ, ko Yesù Kirisà rè Dzia rè dzwɛ̀maa baraka rɔ̀n.

Yùxanà jɔ̀naà 4:13

M'à tɔ̀ nìi rà ci à ni mùn ɲan, mùn sa yeè bà ni à ɲan, tɔ̀ rii yɛ, è re Dzia sɔn siun mùn na.

Lukì 11:13

Àwà, ye ko e re ɲanbee sa, ye wù ye yè gè niì sìn e dzin nèè rà, è bà wù, ye tɔ̀ tɔ̀. Ye ye ba tɔ̀ tɔ̀, mùn Fà Ŋaablà riì ni jìrànxɔ rɔ̀n, nìì reè tɔ̀ re Dzi Fɛnɛɛ gaa, ye na ɲɛn à ra fyeu, ci à sa y'a sìan twɛy rìì là ɔ̀ ?»

Yùxanà jɔ̀naà 4:4

Nìi ye, dziniin ì, ye bàu Ŋaablà raa, ye to dzi tarau è tsɛ nòn, è ɲɛn à tsɛ nìi ni ye ɲan, tɔ vùn dziɲaan raà mà.

Korɛntsika reè jɔ̀naà 15:23

Ŋà à yè sa ko e tsiìma nì. Kirisà, tɔ bàu kùngɔ̀ jɔnaa. Tà shɔ̀ùn, à raa rèè, à nà sii sèè.

Yùxanà jɔ̀naà 3:24

Mòò riì y'à dzugooma xɔù rèè màr'la, tɔ ni à ɲan, è bà ni tɔ̀ ɲan. M'à tɔ̀ nìi rà ci à ni mùn ɲan, tɔ̀ rii yɛ, è re Dzi riì sìun mùn na.

Korɛntsika reè fiiraa 6:16

Fèe soo dzia bà ni Ŋaablà re gbà blàa ko ɲɔ̀n rèè fi ? È ɲɛn à tsɛ, ɲe rìì Ŋaablà jaamaa rè gbà blàa, a ci Ŋaablà y'a dèu nìi tsuru ci: «Mun nà n tsuù è fi, min jìɛ̀ fa è ka. Mun nà bà è re Ŋaablà, yè bà mun ne mòò rèè.»

Yùxanà 3:34

Ŋaabla mòò riì kaɔ, tɔ Ŋaablà raa goomaa nì dèe, kàtsu, Ŋaablà yeè e re Dzia jàa à tsìfa tsɛ, à na à gɔ̀ngɔɔn waa.

Piyɛrì jɔ̀naà 1:11

Àwà Kirisà nà byɛn byɛun'n kur'liì rà, tà shɔ̀ùn nɔɔrɔ yè ɲɛn à tsɛ, Kirisà rè Dzi riì ni è ɲan, tɔ̀ na tɔ̀ gooma de tsùuŋnà è ra nòn. Twɛy goo rèè nà fa waatsi riì tà ko è nà fa fau'n kur'liì rà, è na tɔ̀ ɲan gaa cɛyn, y'à tɔ̀.

Goo kpàdèuma rèè 20:15

Mòò o moò tsoo sɛbɛunma na ja jaamabee sɛbɛɛn doùn, twɛy sapɛ yeè maa sà blà rɔn.

Goo kpàdèuma rèè 13:8

Dzɔ̀nxɔɔ̀ tsɛ mòdzian sapɛ nà à blàbe. Sààtòmòìrii riì bàu saaka, nìì reè tsoo sɛbɛɔ̀n tɔ̀ re jaamabee sɛbɛɛn doùn fɔ dziɲaan jɔ̀n bwey, twɛy bàsɔùn nì fa à blàbe waa.

Korɛntsika reè fiiraa 10:7

Ye goo rèè siin teren e jaaterema. Àwà sɔn ye ba ɲɛɔ̀n à ra ci wo Kirisà raa, arì she è taa to nèe sa re, ci wo Kirisà raa nìi tsuru, ɲe sa y'a raa tà tsuru.

Yùxanà 14:23

Yesù yè dzin à ra ci: «Mòò riì mun kɛ̀niɔ̀n, tɔ nà mun dzugoomaa to e duùn, à y'à shi jiì. Mun Fà Ŋaablà sa to nà à tsìfa kɛ̀n. Mun ko n Faà, ɲe fiɛ̀ sa nà nà à tsìfa mà, ɲe yè e tsuùma bo à re.

Kɛɛradzin neè faadziɛ 16:7

È bèu tsyɛnbe màrà sɔn na, ci Miisì, à na ni è duùn, ye yè bè gàne sɔn ɲan, ci Bitsinin, tɔ̀ sa màr'là sɔn. Ŋà, Yesù rè Dzia yè e nɔn tɔ̀ sa ma è re kɔn.

Ɔ̀rɔ̀mùnka reè 7:5

Àwà, juu bɔrɔɔ na ni mùn ɲan waatsi riì bwèy, sàrìyaa na kur'la goo ɲaan niì reè ɲan fu jia, twɛy na faagoo faa mùn gɔɔ̀n gàne rèè ɲàn, nìi nàfaà naà kpɛrɛ saàn tɛ̀y waa.

Ɔ̀rɔ̀mùnka reè 8:1

Dòònuùn kpɛ̀yn, nìì reè ni Yesù Kirisà ɲàn, kitsi pɛn na mɛɛ̀ twɛy tsɛ dɛ.

Korɛntsika reè jɔ̀naà 6:17

Ŋà mòò riì yè e shià Tsìfaà rà, à ko tɔ̀ sa bàa gè soo rii xɔɔn kàjaa tsɛ.

Efɛsika reè 3:17

Àwà m'a gaa sa, Kirisà yè e tsuùma bo ye dùsùkuan doùn, ɲɛynaà baraka rɔ̀n. Ye jiɛ̀ ye gban kɛ̀nbààbee ɲàn, ye dzuun bau'n kuru yeè bà wù à tsɛ.

Swiv nou:

Lyen patwone

Piblisite

Piblisite