Biblia Todo Logo
Bib sou entènèt

- Piblisite -




Ɔ̀rɔ̀mùnka reè 8:7 - Bible Dzùùngoo Unicode

7 È ɲɛn à tsɛ, gɔɔ̀n raa dzibee goo reè, twɛy dzun wɔɔ Ŋaablà ra. È mà na jàaŋnà Ŋaablà re sàrìyaa rè, è to yɛ̀rɛ̀ na dzia à fa tsu waa.

Gade chapit la Kopi




Ɔ̀rɔ̀mùnka reè 8:7
28 Referans Kwoze  

Adamàdzin mòdzin maanaa na e tsiɛ Ŋaablà re Dzia raa goo rèè rà waa, kàtsu tɔ fàkɔ̀ɔ̀nbe rii à jaa ra. À na dzia è tɔ̀ waa, è ɲɛn à tsɛ, Ŋaablà re Dzia soo pe rii y'à toò, yè tɔ̀ bo e si ɲan.


Mòdzin terenbɛy ì Ŋaablà ka, ye na à tɔ̀ ci e dziɲaan goo rèè kɛ̀n, tɔ̀ rii yɛ e Ŋaablà goo xɔbe a ma ɔ̀n ? Mòò riì sào ni wò yeè bà dziɲaan dzunwɛynsi, tɔ̀ yeè e yɛrɛ baà Ŋaablà ɲan nì.


Àwà, mun duùn nɔ̀n, Ŋaablà re sàrìyaa goò dzi mun na.


Àwà, twɛy jisee reè shɔ̀ùn, mun nà Dzyèèsìbe riì wɔ ko Isirayɛlì mòdzin neè ka, tɔ̀ rii siin: Mun Dzyèèsìbee Ŋaablà, mun nà n ne sàrìya reè ji è akir'là ɲàn, mun y'à ɲììri è vunun tsɛ. Mun nà bà è re Ŋaablà, yè bà mun ne mòdzin ì.


è jàànfà moo ì, è goo fa beè e kun nè, è ɲantsyɛɔ̀n yɛ̀rɛ̀blàbeè rà, dziɲaan dzibee goo reè rìì dzi è ra, è geren Ŋaablà tsɛ.


Àwà dan, è kòrò ye kɛ̀sɛmàà ko ye faadzii ɲaan neè ka, ye na tɔnɔn ì Ŋaablà kajaa tsɛ, ye yè bà na à ɲan ì.


Tɔ fau, gè riì n'a to sàrìyaa ci nìi yè fa è bà tereòn, tɔ̀ dzii yè tsyɛn mùn ɲan, mùn nìì reè na jiɛ gɔɔ̀n kàjaa tsɛ dɛ, fɔ Ŋaablà re Dzia.


Àwà è ɲe to Ŋaablà ɲan ì, ɲe ko à fia ye ba dziu lamɔnɔ̀n à Dzin Kpir'la saàn yè bà saabu, à fyɛɔ ci tɔ̀ làmɔn'na shɔ̀ùn, à re jaamabee baraka rɔ̀n, ɲe nà tsi.


È na e tsiì yè Ŋaabla tɔ cɛyn nìi fa waa, tɔ̀ kamà Ŋaablà sa yeè è ko e akiri ɲaan to e si ra, yè goo dàà bɛɛ faa.


Ye goo fa dzi xɔbe dziɲan modzian mà waa, ŋà mun, mun goò xɔ è mà, kàtsu mun dziɲan modzian faadzii ɲaan kpàdèe.


Tɔ̀ y'a kpàdèe ci ɲɛynaà kamà, ɲe sào ni ɲe yè sàrìyaa bà gè nàfà bɛy gbɛ ? Ayi dɛrɛ, à na tɔ̀ tsuru waa. Ɲe yɛ̀rɛ̀ to nìi kpàdèe, tɔ̀ rii yɛ ci sàrìyaa gè nàfàma.


È mòdzìn tsòò barabaa ì, è Ŋaablà ɲan ì, è dzu gaa faa, è blà e yɛr'le, è yɛ̀rɛ̀dèra, è jaara sàn ɲaan ka, è na ker'làgè blàbee.


È fɔnfwɛyn kur'là jà ! Ye dzia gooma wuu ì dè dzùrù, ye to na gè ɲànbè san ! Goo nìì reè duɔ̀n tsyɛɔ̀n, dziɛ̀ twɛy rìì dèe.


È jaà tsyɛɔ̀n ɲànmɔ̀ɔ̀beè rìì là, è to na cɛn jàa gooɲaan faa rà. Nìì reè sàn na gbaɔn waa, è twɛy màniɛ̀n, gè ɲɛyn goo to na ɲan è mà. È mòdzin dangauma ì.


Tà doùn, mòò o moò ye to Ŋaablà dzugooma xɔù rèè soo latsùù bɛy, arì è ɲan kiɲaaniàn, è mòdzian kàràn ci è sa y'a fa tà tsuru, tà tsìfa sa nà kiri Jìrànxɔɔ̀ Màsàbee doùn mòdzin kiɲaaniàn. Mòò o moò to nà è shi jiì, à yè è kàràn dzyee rèè sa ra, tɔ nà kiri Jìrànxɔɔ̀ Màsàbee doùn mòdzin blaa.


Tɔ̀ soo tsuru, sàrìyàbɛy reè ka, min bau a ci sàrìyàbɛy, min bà ni twɛy tàrà. Tɔ̀ to y'à tàrà mun na Ŋaablà raa sàrìyaa bɛy waa, è ɲɛn à tsɛ mun ni Kirisà raa sàrìyaa dzuun.


E maà à to mòò pɛn yè e bo e re sàrà tàr'làmaà tsɛ, ci wò majàaŋnà, tàmafa ci wo mɛ̀rɛ̀kɛ rèè rìì jàa wò yeè è blàbe waa. Nìì reè ni tɔ̀ tsɛ, yɛ̀rɛ̀blàbe ni è ɲan, è kɛ̀sɛmàà yè bà adamàdzin mòdzin kɛsɛmà.


Swiv nou:

Piblisite


Piblisite