Ɔ̀rɔ̀mùnka reè 8:16 - Bible Dzùùngoo Unicode

¹⁶ Tɔ̀ Dzi niì Ŋaablà re Dzia, tɔ̀ yɛ̀r'la y'à shɛɛrɛbee faa ɲe akir'là rè, ci ɲe Ŋaablà dzin ì.

Ɔ̀rɔ̀mùnka reè 8:16 Referans Kwoze

Yùxanà jɔ̀naà 4:13

M'à tɔ̀ nìi rà ci à ni mùn ɲan, mùn sa yeè bà ni à ɲan, tɔ̀ rii yɛ, è re Dzia sɔn siun mùn na.

Korɛntsika reè fiiraa 1:22

Wò rii sa yeè e re tàànmàshɛɛn tsùuŋ ɲe tsɛ, è re Dzia rè gè jɔun gè rèè ji ɲe ɲan.

Korɛntsika reè fiiraa 5:5

Mòò riì mùn màbyɛ̀n tsùuŋnà tɔ̀ goò kamà, tɔ Ŋaablà rii, wò riì e re Dzia sìun mùn na gè jɔun gè.

Efɛsika reè 1:13

Àwà Kirisà rìì ɲàn sa, ye sààbeen goomaa myɛ̀un, nìi ye tsià Kùnàgoo Dziɔ̀ goomaa. Wò rii sa ɲan kɔn ye ɲɛyna fau, Ŋaablà to yè tàànmàshɛn tsuù ye tsɛ, à re Dzi Fɛnɛɛ tàànmàshɛɛn, à na tɔ̀ niì làyiri seòn.

Ɔ̀rɔ̀mùnka reè 8:26

Tɔ̀ soo tsuru, Ŋaablà re Dzia sa wɔɔ̀ ɲe ra e re ŋɔ̀nfyɛ̀nbeè doùn. È ɲɛn à tsɛ, ɲe nà Ŋaablà mafyɛ̀n nìi tsuru, ɲe na tɔ waa. Ŋà Ŋaablà re Dzia yɛ̀r'la tɔ̀ faa ɲe kɔ̀, nìi yɛ è Ŋaablà mafyɛ̀n ŋmunan vu ka ɲe kɔ̀, nìi na dzia dè waa.

Efɛsika reè 4:30

E maà Ŋaablà re Dzi Fɛnɛɛ taama ŋununbe waa, à tɔ̀ riì tsùuŋnà tàànmàshɛn ye tsɛ, ye kùngɔ màbo jisee kamà.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Ɔ̀rɔ̀mùnka reè 8:23

À na gè ɲɛunma rèè bàsɔùn ŋmunankɔɔn waa, arì mùn nìì reè Ŋaablà re Dzia kwɛ̀ygè jɔnaa tàrau, mùn sa byɛɔ̀n e yɛrɛ duùn, mìn bà e re Ŋaabla dzinbee dzii tsyɛɛn màshua, mùn gɔɔ̀n yè tsi.

Yùxanà jɔ̀naà 5:10

Mòò riì ye ɲɛn Ŋaablà Dzin Kpir'la rà, tɔ̀ shɛɛrɛbee ni tɔ̀ tsìfa ɲan. Ŋà mòò riì ma ɲɛn Ŋaablà ra, tɔ Ŋaablà baà doodebaa, kàtsu è Dzin Kpir'la shɛɛrɛbe riì bou, à na ɲɛɔ̀n tɔ̀ ra waa.

Matsiyù 5:9

Nìì reè y'à gaa jaancin yè bà ni, twɛy raa wùbeu, kàtsu, è nà kiri Ŋaablà dzin ì.

Lukì 20:36

È fa san dɛ, è nà bà a ci mɛ̀rɛ̀kɛ rèè. È nà bà Ŋaablà dzin ì, kàtsu è saun, yè sèè kpunan.

Yùxanà 1:12

Ŋà, swey yè e tsiiŋ à rà, yè ɲɛn à ra. Tà doùn, à y'à tou twɛy sapɛ yeè bà Ŋaablà dzin ì.

Kɛɛradzin neè faadziɛ 5:32

Nìì reè to Ŋaablà vu kuàn, à tɔ̀ Dzi Fɛnɛɛ rìì sìan twɛy rà.»

Ɔ̀rɔ̀mùnka reè 8:14

Àwà, Ŋaablà re Dzia nìì reè sapɛ kuru kuɔn e re jaamabee doùn, twɛy sapɛ Ŋaablà dzin ì.

Ɔ̀rɔ̀mùnka reè 8:19

Àwà Ŋaablà re gè ɲɛunma rèè sapɛ kɔɔtɔɔ nìi rà, yè bà à màshua, tɔ̀ rii yɛ, Ŋaablà dzin nèè yè kpàdè.

Ɔ̀rɔ̀mùnka reè 9:8

Tɔ̀ dzuɔn nì yɛ, ci nìì reè dzin adamadzinbee kàjaa tsɛ, à na ni a ci twɛy rìì Ŋaablà dzin ì waa, ŋà nìì reè dzin è ɲɛn làyir'là tsɛ, twɛy rìì daɔn Ibraximà tsua dzin taki reè.

Ɔ̀rɔ̀mùnka reè 9:26

À to na deò è ra min niì ci: «Ye na mun ne mòdzin ì waa, tɔ̀ gàne soo ɲàn, è nà kiri ci Ŋaablà jaamaa dzin nèè.»

Korɛntsika reè fiiraa 6:18

Dzitsi Ŋaablà ci kɔn: «Mun nà bà ye fà, ye yè bà mun dzin kpiri ì, ko mun dzin taan ì.»

Galatsika reè 3:26

È ɲɛn à tsɛ, ye sapɛ bàu Ŋaablà dzin ì ɲɛynaà baraka rɔ̀n, Yesù Kirisà ɲàn.

Galatsika reè 4:6

Ye Ŋaablà dzin ì nìi fa, tɔ̀ kamà è Dzin Kpir'la rè Dzia ka na mùn dùsùkuan tsɛ, tɔ̀ yeè bà dziàn fààn na ci: «Bàa, mùn fàà»

Yùxanà jɔ̀naà 3:1

À siin, Fà Ŋaabla ɲe kɛ̀niun kɛ̀nìùn'n kur'liì rà, è bè wɔ fɔ ɲe yè kiri à dzin ì ! Ɲe to tɔ̀ rii. Tɔ̀ rii kamà dziɲaan na ɲe tɔ̀ waa, kàtsu dziɲaan na à tsu tɔ waa.

Yùxanà jɔ̀naà 3:2

Mun ne kɛ̀niunma rèè, ɲe kpɛ̀yn Ŋaablà dzin ì dòònuùn, ŋà ɲe nà nà bà nìi, tɔ̀ na kpadè ŋe waa. M'à tɔ̀ ci Kirisà ye na e kpadè, ɲe nà bà à bosi ì, kàtsu, ɲe nà à jà a ci à ni nìi tsuru.

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.

Goo kpàdèuma rèè 21:7

Mòò riì ye ba dzibaa, tɔ nà tɔ̀ tàrà shɛn. Mun nà bà à re Ŋaablà, è bà mun dzin.