Ɔ̀rɔ̀mùnka reè 6:4 - Bible Dzùùngoo Unicode

⁴ Tɔ̀ jaara foo saabu rɔ̀n à saàn ɲàn, mùn sa fun wɔu à ka, gè riì n'a to, Kirisà kpunaun nìi tsuru è bo fùn nèè fi Fà Ŋaablà nɔɔrɔɔ̀ baraka rɔ̀n, mùn sa yeè jìì tà tsuru jaamabe yeu ɲan.

Ɔ̀rɔ̀mùnka reè 6:4 Referans Kwoze

Korɛntsika reè fiiraa 5:17

Tà tsuru, mòdzian sɔn ye ba ni Kirisà ɲàn, à bàu gè ɲɛunma yeu. Goo bɔrɔɔ sapɛ dɔ̀n bou, goò sapɛ yeè siin è bà yeu.

Kolosika reè 3:10

ye yè yeo ji e ma. Ye tɔ̀ niì jiu e ma, tɔ bà beè yeu, è twɛ̀y dziitsyɛunma sìn ye ra è kòrò à ɲɛnbaà niu'n kur'la ka.

Ɔ̀rɔ̀mùnka reè 7:6

Ŋà dòònuùn, mùn tsi bou sàrìyaa suun. Tɔ̀ niì na mùn baɔ̀ e re jòn, mùn saun tɔ̀ kàjaa tsɛ. Tà tsuru, mùn ni faagoo yeu rii là sa, nìi Ŋaablà re Dzia raà. À na sàrìyaa sɛbɛndzian raà dɛ, è ɲɛn à tsɛ, tɔ bɔrɔun.

Piyɛrì jɔ̀naà 3:21

Tɔ̀ na jaara foo tàànmàshɛn ni, nìi ye tsià dòònuùn. À na gɔɔ̀n raa noo reè boò jaara foo waa, ŋà a ye a dzii rìì sìn Ŋaablà ra, akiri wùù ka. Jaara foo ye tsià Yesù Kirisà sèè kpunaunmaà nì baraka ɲan, è bo saàn ɲàn.

Ɔ̀rɔ̀mùnka reè 6:9

Àwà m'a tɔ̀ ci Kirisà sèè kpunaunmaà è bo fùn nèè fi, à na naà san dɛ, saàn rè dzi to na ni à tsɛ.

Korɛntsika reè fiiraa 13:4

À sààben, à kpɛ̀yn gbaun gɔɔ̀ rà è ɲɛn à re ŋɔ̀nfyɛ̀nbeè tsɛ. Ŋà à jaama ni dòònuùn, Ŋaablà re dzibaabee baraka rɔ̀n. À ɲan, ɲe sa ŋɔn fyɛn, ŋà Ŋaablà re dzibaabee baraka rɔ̀n, ɲe nà bà jaama ko à ka ye kàjaa tsɛ.

Ɔ̀rɔ̀mùnka reè 6:3

Ye na à tɔ̀ ci mùn nìì reè jaara fòoŋ Ŋaablà re shia goo rèè rà Yesù Kirisà ɲàn, ci mùn jaara fòoŋ à saàn rìì ɲàn ɔ̀n ?

Yùxanà jɔ̀naà 2:6

Mòò riì ci wo ni Kirisà ɲàn, à wù à sa yeè jìì, a ci Kirisà jìiŋ nìi tsuru.

Korɛntsika reè jɔ̀naà 6:14

Tà doùn, Ŋaabla Tsìfaà sèè kpunaun nìi tsuru è bo saàn ɲàn, à nà ɲe sa seè kpunan tɔ̀ tsuru, e re dzibaabee baraka rɔ̀n.

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Efɛsika reè 4:17

Àyìwà, mun nà nìi dè m'a fyɛ ye ra Tsìfaà ɲàn, tɔ̀ rii yɛ ci e maà e raa jaamabee fa a ci Ŋaabla tɔ bɛy reè dɛ, twɛy nìì reè yè e raa jaamabee faa e kɛsɛmà fuɔ tsɛ.

Ɔ̀rɔ̀mùnka reè 6:19

Mun goomaa adamàdzin mòdzin goomau'n kur'la, è ɲɛn ye re fààn dzyɛ̀nbeè tsɛ. Àwà, ye yè e gɔɔ̀n gàne rèè bàu goo nooŋmaà ko terenbɛybee rè faagoo faa ge ì nìi tsuru è ɲɛn terenbɛybee tsɛ, tɔ̀ soo tsuru, ye è bà terenbee rè jon ì dòònuùn, nìi ye bàa Ŋaablà raa.

Yùxanà 11:40

Yesù yè dzin à ra ci: «Mun na dzin wo ra ci wo ye ba ɲɛɔ̀n Ŋaablà ra, wo nà à nɔɔrɔɔ̀ jà ɔ̀ ?»

Kɛɛradzin neè faadziɛ 2:24

Ŋà, Ŋaablà y'a fau è sèè kpunan, è bo saàn byɛnbee ɲàn. Tɔ fau, kàtsu saàn fa ni dzi à mà ɲinan to e raa dzia doùn waa.

Kolosika reè 4:1

Kùntsii rèè, ye e re jòn nèè kun ko terenbe ka, e maà mɛɛy è tsɛ waa, ye b'a tɔ̀ ci kùntsii ni ye sa re jìrànxɔɔ̀ doùn.

Efɛsika reè 5:8

Dan, ye na ni tsitsiɛ̀ ɲàn, ŋà dòònuùn, Tsìfaà ɲàn, ye bàu ni vyevyeè ɲàn. Tà doùn, ye e re jaamabee fa a ci vyevyee dzin ì.

Yùxanà 2:11

Tɔ̀ rii bàu Yesù rè kabagoo goo fauma jɔ̀naà. À fau Kanà wɔ̀ rɔ̀n nì, Galile mar'la ɲàn. Tà tsuru, è nɔɔrɔɔ̀ kpàdè, à re kàràndzin neè yè ɲɛn à ra.

Kɛɛradzin neè faadziɛ 2:32

Nìi Yesù, Ŋaablà y'a sèè kpunan bou saàn ɲàn, mùn sapɛ tɔ̀ goò jàu e jaadzin fiɛ̀ ka.

Ɔ̀rɔ̀mùnka reè 6:8

Ŋà mìn ba saun Kirisà ka, min ɲɛn à ra ci mùn nà jaamabee sa fa ko à ka.