Bib sou entènèt

Paj dakèy
Bib sou entènèt
Ɔ̀rɔ̀mùnka reè 5:1

Ɔ̀rɔ̀mùnka reè 5:1 - Bible Dzùùngoo Unicode

¹ Tà doùn, ɲɛynaà baraka rɔ̀n, à kpàdè niì fau ci mùn tereòn, tɔ jaancin dɔ̀un mùn ko Ŋaablà fi, mùn Tsìfa Yesù Kirisà baraka rɔ̀n.

Gade chapit la Kopi

tounen moute ⬆

Ɔ̀rɔ̀mùnka reè 5:1
53 Referans Kwoze

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Kolosika reè 1:20

À baraka ɲan, è gè sapɛ ko e fia lamɔnɔ̀n. È jaancin dɔ̀n e ko gè sapɛ fi jìrànxɔɔ̀ doùn, ko dzɔ̀nxɔɔ̀ tsɛ, à tsìɛn kounmaà baraka ɲan, gbaàn gɔɔ̀ rà.

Ɔ̀rɔ̀mùnka reè 6:23

Àwà gooɲaan sàr'là, tɔ saàn rìì, ŋà Ŋaablà gè niì sìan maana, tɔ jaamabe dziù dòbɛɛ rìì, mùn Tsìfa Yesù Kirisà ɲàn.

Ɔ̀rɔ̀mùnka reè 14:17

Àwà Ŋaablà re màsàbee na ɲwɛyn goo à to na mììngè goo, ŋà à terenbee rìì, ko jaanciàn, ko taamadzibeè Ŋaablà re Dzi Fɛnɛɛ baraka rɔ̀n.

Tesalonikika reè fiiraa 3:16

Arì she, jaanciàn Tsìfaà yɛ̀r'la yè jaanciàn sìn e ra waatsi sapɛ ko fau'n kur'la sapɛ ra. Arì she Tsìfaà yè to e ka.

Yùxanà 14:27

Mun kpɛ̀yn bèe, ŋà, jaanciàn n tɔ̀ toò e re, à mun naa jaanciàn nì sìnkɔɔn ye ra. Mun na à sìan, a ci dziɲan y'a sìan nìi tsuru waa. Tɔ̀ kamà, e akiri mà gbiiman waa, shiɲaanbe tsu to mà bà ni e vunun tsɛ waa.

Ɔ̀rɔ̀mùnka reè 4:5

Ŋà mòò riì na faagoo faɔ̀ waa, tɔ̀ ye ɲɛn à ra ci Ŋaabla mòò bàa tereunma, mòò riì na shia à jɔun waa, tɔ̀ ɲɛynaà daàn à tsìfa re terenbe.

Kolosika reè 3:15

Arì she Kirisà rè jaanciàn yè kùntsììbee sen e dusùkuan tsɛ, e kiriɔ tɔ̀ niì kamà, ye bà gɔnkungɔ soo. Ye bà goowuutɔbaa ì Ŋaablà kajaa tsɛ !

Ɔ̀rɔ̀mùnka reè 15:33

Arì she, jaanciàn tsìfa Ŋaablà yeè to e sapɛ ka ! Àmiinà !

Kɛɛradzin neè faadziɛ 10:36

Ŋaablà yeè e re goomaa dèu Isirayɛlì mòdzin neè rà, nìi Kùnàgoo Dziɔ̀. À tɔ̀ xɛɛrɛ goòmàà dèu è ra, è bo à Jaara moo Yesù rìì ɲàn, tɔ̀ riì mòdzian sapɛ tsifaà.

Filipika reè 3:9

Tà ko, min jà à ɲan. Tɔ̀ na mun yɛ̀r'la raa terenbee baraka ɲan waa, tɔ̀ niì boo sàrìyaa ɲàn, ŋà, Kirisà rà ɲɛynaà terenbee baraka ɲan, tɔ̀ niì boo Ŋaablà ɲan, è bà gbaɔn ɲɛynaà tsɛ.

Tesalonikika reè jɔ̀naà 5:23

Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

Ɔ̀rɔ̀mùnka reè 5:18

Tà doùn, mòò sɔn ne fìrìgoo bàu nìi tsuru saabu kitsia yè mɛɛy adamàdzin mòdzian sapɛ tsɛ, tɔ̀ soo tsuru, terenbe riì jaamabee sìan, mòò sɔn ne tɔ̀ shi jiiŋmaà bàu saabu adamàdzin mòdzian sapɛ yeè kpàdè tereunma.

Lukì 19:42

È dzin ci: «Yerusalɛmunka reè goo nìi nà dzi ye jaan cin, è ba na ni a ci ye tɔ tɔ̀ she, ùùn ! Ŋà, à to yɛ nèe sa, tɔ̀ goò mɛnɛɔn ye mà, ye fa dzi à jà !

Ɔ̀rɔ̀mùnka reè 1:7

Ye nìì reè sapɛ ni Ɔ̀rɔmùn wɔ̀ rɔ̀n, Ŋaabla yeè bà ye kɛ̀niɔ̀n, è ye kiri e raa, sɛbɛn nee kaɔ ye rìì lè. Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Lukì 19:38

Yè dziàn ci: «Màsa riì nàa mùn Tsìfa Ŋaablà tsoo ra, dzwɛ yè bà ni tɔ̀ kpɛyn ! Jaancin yè bà ni jìran nɔ̀n, tsoo dzi yeè ɲɛn Ŋaa tsɛ fɔ jìrànxɔɔ̀ doùn doùn mɔn !»

Galatsika reè 2:16

Àwà, à na dzia kpàdè ci mòdzin tereòn è ɲɛn sàrìyaa raa goo farama rèè tsɛ waa, fɔ e ɲɛn Yesù Kirisà bàsɔùn nì nà. Tà doùn, ɲe sa ɲɛun Yesù Kirisà rà gè riì ni à to è kpàdè ci ɲe tereòn ɲɛynaà baraka rɔ̀n Kirisà rà, ŋà à na sàrìyaa raa goo rèè waa. È ɲɛn à tsɛ, è ba sàrìyaa raa goo rèè rìì, mòò pɛn fa kpàdè ci à tereòn waa.

Yùxanà 20:31

Ŋà, nìì reè gooma deò, twɛy sɛbɛɔ̀n rìì, sànko ye ɲɛn à ra, ci Yesù rìì Ŋaablà Jaara Modzìàn, Ŋaablà Dzin Kpir'la. A to ye ɲɛn à ra, wo jaamabe dziɔ̀ tàrau à tsoò baraka rɔ̀n.

Ɔ̀rɔ̀mùnka reè 10:10

È ɲɛn à tsɛ, e ɲɛn à ra a duùn, tɔ nàa terenbee ka, a to y'à dè a dzii ra, tɔ nàa nìi ka, tɔ̀ rii yɛ e tsi.

Ɔ̀rɔ̀mùnka reè 3:30

À tɔ̀ tsuru, è ɲɛn à tsɛ, Ŋaabla soo rii, è bà à kpàdèe ci mòdzin shɛunma ko shɛnbɛy sa tereòn ɲɛynaà baraka rɔ̀n.

Ɔ̀rɔ̀mùnka reè 1:17

Ŋaablà re terenbee kpàdeò è bo Kùnàgoo Dziɔ̀ rìì ɲàn. Tɔ̀ terenbee tàr'la ɲɛynaà soo ko e soo rii baraka ɲan a ci à yɛ sɛbɛɔ̀n Ŋaablà re Goomaa doùn nìi tsuru ci: «Mòò riì tereòn, tɔ nà jaamabee fa ɲɛynaà nì baraka ɲan.»

Dzyèèsìbee mòdzin neè 13:20

Ŋaablà, tɔ̀ niì jaanciàn sìnbaà, tɔ mùn Tsìfa Yesù kpunan bou saàn ɲàn, è bo fùn nèè fi. À y'à bàu e re sàà rèè kplatsuubaa blà, à tsìɛn kounmaà baraka rɔ̀n, è bà saaka tɔ̀ niì dzyèèsìbe dobɛy dɔun Ŋaablà ko mòdzin neè fi.

Efɛsika reè 2:7

À tɔ̀ fau, è bà ni e ɲanwùù brisi dàn tɔ̀ bɛɛ kpàdè waatsi nakɔɔn doùn è kòrò à re wùɔ ka mùn kàjaa tsɛ, Yesù Kirisà ɲàn.

Galatsika reè 3:25

Àwà fɔ ɲɛynaà dziu nà nòn, mùn na ni tɔ̀ kààwɔbaà suun dɛ.

Ɔ̀rɔ̀mùnka reè 10:15

À waajibi to nà dzi fa è ra dzùrù, ni mòò na kaɔ ? Àwà à sɛbɛɔ̀n Ŋaablà re Goomaa doùn nèe tsuru ci: «Nìì reè nàa kùnàgoo dziù dè, twɛy sàn nèè na gè wùbè san !»

Ɔ̀rɔ̀mùnka reè 9:30

Mùn nà fèe rìì dè sa ? Mìn dzin nì ci nìì reè kun kpɛrɛ mòdzin neè, twɛy nìì reè naà terenbe gaa, twɛy terenbee tàrau kɛ̀ ? Terenbe riì tàr'la ɲɛynaà baraka rɔ̀n.

Lukì 2:14

«Blàbee Ŋaablà rii laa, fɔ Ŋaablaxɔɔ̀ jiraàn doùn mɔn. Nìì reè to ni dzɔ̀nxɔɔmaà tsɛ, twɛy yè bà à sàò rà modzìn ì, à re jaancin yè bà ni twɛy tsɛ.»

Ɔ̀rɔ̀mùnka reè 3:22

Ɲɛynaà nì baraka ɲan Yesù Kirisà rà, Ŋaablà ye e re terenbee kpàdèe mòdzian sapɛ kajaa tsɛ. À tɔ̀ tsuru, è ɲɛn à tsɛ Ŋaablà na mòò boò mòò ɲàn waa.

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Ɔ̀rɔ̀mùnka reè 5:11

À na tɔ̀ bàsɔùn waa, Ŋaabla ɲe wàsau mùn Tsìfa Yesù Kirisà yè bà saabu, tɔ̀ niì baraka ɲan dòònuùn, ɲe ko Ŋaablà fia lamɔ̀nɔun.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Swiv nou:

Lyen patwone

Piblisite

Piblisite