Ɔ̀rɔ̀mùnka reè 4:21 - Bible Dzùùngoo Unicode

²¹ À si na xɔ à tsɛ taki, ci Ŋaabla nìi làyiri seòn, à dzi ni à rà, à y'à bo e shi tsɛ.

Ɔ̀rɔ̀mùnka reè 4:21 Referans Kwoze

Lukì 1:37

Ŋaablà na gbaa goo sɔn pɛn na waa.»

Dzyèèsìbee mòdzin neè 11:19

Ibraximà na à tɔ̀, ci à dzi ni Ŋaablà ra, è fùn sèè bà jaama. Tà doùn, Ŋaablà y'a dziàn jaama seeŋ à mà, nìi bàu tàànmàshɛn bla.

Tsìmotè fiiraa 1:12

Twɛy goo rèè rìì kamà min bà byɛɛn. Ŋà tɔ̀ seey na ni mun na waa, è ɲɛn à tsɛ, m'a tɔ̀, mun ɲɛɔ̀n nìi rà. Mun si to xɔ à tsɛ, ci à nìi kɛ̀ɛ̀yfaɔ̀ mun mà, à dzi ni à ra è tɔ̀ màrà fɔ è bè suu jisee lataan dzu.

Lukì 1:45

Mariyamùn, dzwɛ ni wo kpɛyn. Dzwɛ ni wo kpɛyn, kàtsu Tsìfa Ŋaablà re gooma niì nàu dè wo ra, wo ɲɛun à ra, ci tɔ nà bo e shi tsɛ !»

Matsiyù 19:26

Yesù yè è siin to tɔ̀un, è dzin è ra ci: «Adamàdzin nèè rè, à na dzia fa waa, ŋà Ŋaablà, goo sɔn pɛn na tɔ̀ jaan waa.»

Korɛntsika reè fiiraa 9:8

À dzi ni Ŋaablà ra, è ɲanwùɔ kaatsià sapɛ ka ye suun tsyɛn, è bè wɔ gèsɔn pɛn fa ye fɔn waatsi pɛn waa, fɔ nìi ni à tsɛ tɔ̀ yeè dzi goowùù giri kpɛrɛ fa kɔn.

Ɔ̀rɔ̀mùnka reè 14:4

Wo tsì tɔ̀ tsuru, wo yè bà mòò kpɛr'laa faagoofadzin jaàkia ? À sàn gbaunma tou o, à to mɛrɔun o, tɔ ni à tsìfaà rìì mà. À sàn gbaunma to nà to, kàtsu à dzi ni Tsìfaà rà à y'à sàn gban.

Ɔ̀rɔ̀mùnka reè 8:38

Àwà mun ɲɛɔ̀n à ra, ci goo sɔn pɛn fa dzi ɲe vyɛ̀ bo Ŋaablà re kɛ̀nbààbee rà waa, à tɔ̀ niì kpàdèu Yesù Kirisà ɲàn, mùn Tsìfaà. Ɔ̀ɔn, a ci à saàn ò, jaamabee ò, mɛ̀rɛ̀kɛ rèè ò, kùntsii rèè ò, dòònuùn naa waatsia goo rèè ò, waatsi nakɔɔn raa rèè ò, dzitsi rèè ò, jìran nɔ̀n gè rèè ò, dzɔ̀nxɔɔ̀ dzuun naa rèè ò, gè ɲɛunma kpɛrɛ gè o ge, è pɛn fa dzi ɲe vyɛ̀ bo Ŋaablà re kɛ̀nbààbee rà waa.

Dzyèèsìbee mòdzin neè 11:13

Àwà, Ŋaablà na nìi làyiri seòn twɛy mòdzin neè sapɛ re, è ɲɛunma tou Ŋaablà ra è bè suu fɔ è saàn dzu, è na tɔ̀ tàrà waa. È kpɛ̀ynto y'à goò jàu jeenà, y'à taamadzibe fa. Yè e tsiiŋ à ra, ci ye tɔnɔn nauma ì nì dzɔ̀nxɔɔ̀ tsɛ, ye to bèbaa ì rìì.

Lukì 1:1

Mòdzìn sɔbɛn Tèwofilì, Ŋaabla goo niì reè fau ɲe re mìin, à goo rèè fau mòò giri jaa ra, è sen fɔ à dzunjɔn bwey rɔ̀n. Nìì reè bàu à goo rèè shɛɛrɛ, Ŋaablà re goomaa jaa dèè yè bà ni twɛy suun, twɛy y'à lakɛrɔun mùn na. Y'à lakɛrɔun mùn na nìi tsuru, mòò giri sɛbɛn faunà à tsɛ tà tsuru nòn. Tɔ̀ rii y'à to, twɛy goo nìì reè fau, è sen fɔ à dzunjɔn bwey rɔ̀n, mun sa twɛy jaa taki takì gaaŋnà. Mun to y'à jaɔ̀, ci à wù, mun y'à jaa dè wo ra mòdzìn sɔbɛn Tèwofilì, è bà sɛbɛn gbaɔn e si ra.

Ɔ̀rɔ̀mùnka reè 14:5

Sɔn ne, jisee sɔn blà sɔn ma, ŋà sɔn ne, è sapɛ soo. Tà doùn, nìi ye ba nìi kɛ̀sɛɛ̀, à wù è tsiì tɔ̀ ra.