Ɔ̀rɔ̀mùnka reè 4:16 - Bible Dzùùngoo Unicode

¹⁶ Tɔ̀ kamà, e bà ni tɔ̀ shɛɛ̀n tàrà, tɔ faa ɲɛynaà nì baraka ɲan, gè riì ni à to è bà kwɛ̀yge nìi làyir'là dzii tsyɛɛn Ibraximà tsua dzin nèè sapɛ re. À na sàrìyaa dzuun dzin neè bàsɔùn waa, fɔ nìì reè sapɛ ɲɛynaà faa Ibraximà raà tsuru. È ɲɛn à tsɛ, Ibraximà mùn sapɛ fa rìì.

Ɔ̀rɔ̀mùnka reè 4:16 Referans Kwoze

Efɛsika reè 2:8

Àwà ye tsiɔ Ŋaablà ɲanwùɔ rìì baraka ɲan, ɲɛynaà saabu rɔ̀n. Tɔ̀ na boo ye yɛ̀r'leè ɲàn waa, à Ŋaablà re kwɛ̀y rii.

Galatsika reè 3:22

Ŋà nìi sɛbɛɔ̀n Ŋaablà re Goomaa doùn, tɔ̀ rii yɛ ci mòdzian sapɛ bàu gooɲaan kàsòdzin, gè riì ni à to ɲɛynaà baraka rɔ̀n Yesù Kirisà ɲàn, làyir'lìi seòn, tɔ̀ yeè bo e shi tsɛ ɲɛynamoo rèè rè.

Ɔ̀rɔ̀mùnka reè 9:8

Tɔ̀ dzuɔn nì yɛ, ci nìì reè dzin adamadzinbee kàjaa tsɛ, à na ni a ci twɛy rìì Ŋaablà dzin ì waa, ŋà nìì reè dzin è ɲɛn làyir'là tsɛ, twɛy rìì daɔn Ibraximà tsua dzin taki reè.

Tsitè 3:7

Tɔ fau, gè riì ni à to, à kpàdèumaà ci mùn tereòn à ɲanwùɔ baraka rɔ̀n, mìn bà shɛnsenbaa ì, jaamabe dziù dòbɛɛ shɛɛ̀n, mùn si xɔ tɔ̀ niì tsɛ.

Efɛsika reè 2:5

Tɔ̀ kamà, ɲe nìì reè na saɔn è ɲɛn ɲe re fìrìgoo rèè tsɛ, à ɲe bàu jaama ko Kirisà ka. À ɲanwùɔ rìì baraka ɲan, ye tsiɔ.

Ɔ̀rɔ̀mùnka reè 15:8

Àwà, mun nà nìi dè, tɔ̀ rii yɛ, ci Ŋaablà re sààbeen rìì kamà, Kirisà yè e ba Dzyèèsìbee mòdzin neè rè faagoofadzin. À tɔ̀ fau nì, sànko Ŋaabla làyiri nìì reè seun fàbɔɔ rèè rè, twɛy yè bà ni bo e shi tsɛ.

Ɔ̀rɔ̀mùnka reè 5:1

Tà doùn, ɲɛynaà baraka rɔ̀n, à kpàdè niì fau ci mùn tereòn, tɔ jaancin dɔ̀un mùn ko Ŋaablà fi, mùn Tsìfa Yesù Kirisà baraka rɔ̀n.

Piyɛrì fiiraa 1:10

Tɔ̀ kamà n neema ì, Ŋaabla ye kir'lìi fau è ye bo e jaara, ye e maxɔbe, ye tɔ̀ sàn gban. Tɔ̀ ye fa, goo sɔn pɛn fa à to ye yè e san nà ban dɛ.

Ɔ̀rɔ̀mùnka reè 4:11

Tɔ̀ rii shɔ̀ùn, à shimaangoo tàànmàshɛn tarau, nìi fyɛ̀, è kpàdè ci à terenbe tarau ɲɛynaà baraka rɔ̀n, tɔ̀ y'a tàrà à na shɛn ŋe waa. Tɔ̀ fau, gè riì ni à to, shɛnbɛy reè gè o ge ɲɛynaà faa, è bà ni ba twɛy sapɛ fa, tɔ̀ ɲɛynaà to yè bà ni dan twɛy sa re terenbe.

Lukì 19:9

Yesù yè dzin à ra ci: «Wo ko a re fɔɔn re dzin neè sapɛ tsiu she, kàtsu, wo sa Ibraximà tsua dziàn sɔn ni.

Ɔ̀rɔ̀mùnka reè 3:22

Ɲɛynaà nì baraka ɲan Yesù Kirisà rà, Ŋaablà ye e re terenbee kpàdèe mòdzian sapɛ kajaa tsɛ. À tɔ̀ tsuru, è ɲɛn à tsɛ Ŋaablà na mòò boò mòò ɲàn waa.

Ɔ̀rɔ̀mùnka reè 3:30

À tɔ̀ tsuru, è ɲɛn à tsɛ, Ŋaabla soo rii, è bà à kpàdèe ci mòdzin shɛunma ko shɛnbɛy sa tereòn ɲɛynaà baraka rɔ̀n.

Galatsika reè 3:14

Tɔ fau, gè riì ni à to, Ibraximà rè dzwɛɛ̀ yè wɔ kun kpɛrɛ mòdzin neè tsɛ è bo Yesù Kirisà ɲàn. Tɔ̀ tsuru, Ŋaablà yeè e re Dzi riì làyiri seun, mìn dzi tɔ̀ tàrà ɲɛynaà baraka rɔ̀n.

Galatsika reè 3:16

È ɲɛn tɔ̀ tsɛ, Ŋaablà ci e ye làyir'lèè sen, à yè è seun Ibraximà ko e tsua dziàn rìì lè. À na de ci «à tsua dzin nèè» a ci è gir'lì dɛ, ŋà ci «à tsua dziàn», tɔ̀ niì mòò sɔn, nìi Kirisà.