Bib sou entènèt

Paj dakèy
Bib sou entènèt
Ɔ̀rɔ̀mùnka reè 4:11

Ɔ̀rɔ̀mùnka reè 4:11 - Bible Dzùùngoo Unicode

¹¹ Tɔ̀ rii shɔ̀ùn, à shimaangoo tàànmàshɛn tarau, nìi fyɛ̀, è kpàdè ci à terenbe tarau ɲɛynaà baraka rɔ̀n, tɔ̀ y'a tàrà à na shɛn ŋe waa. Tɔ̀ fau, gè riì ni à to, shɛnbɛy reè gè o ge ɲɛynaà faa, è bà ni ba twɛy sapɛ fa, tɔ̀ ɲɛynaà to yè bà ni dan twɛy sa re terenbe.

Gade chapit la Kopi

tounen moute ⬆

Ɔ̀rɔ̀mùnka reè 4:11
46 Referans Kwoze

Ɔ̀rɔ̀mùnka reè 3:22

Ɲɛynaà nì baraka ɲan Yesù Kirisà rà, Ŋaablà ye e re terenbee kpàdèe mòdzian sapɛ kajaa tsɛ. À tɔ̀ tsuru, è ɲɛn à tsɛ Ŋaablà na mòò boò mòò ɲàn waa.

Lukì 19:9

Yesù yè dzin à ra ci: «Wo ko a re fɔɔn re dzin neè sapɛ tsiu she, kàtsu, wo sa Ibraximà tsua dziàn sɔn ni.

Dzyèèsìbee mòdzin neè 11:7

Nuùn ɲɛunmaà kamà Ŋaablà ra, Ŋaabla goo nìì reè dèu à ra, ci è nà fa, twɛy jàbɛ̀ybeè ko e raà sa, Nuùn e si kuun Ŋaablà re goomaa nà. È konkoron bla gbaan lamɔ̀nɔ̀n, sànko à ko e re mòdzìnbee yè tsi. Tà tsuru, à kitsi mɛrɔun e raa waatsia mòdzian tsɛ. À to ɲɛn niì fau Ŋaablà ra, Ŋaablà y'a kpàdèu mòdzin tereonma tɔ̀ kamà.

Korɛntsika reè fiiraa 1:22

Wò rii sa yeè e re tàànmàshɛɛn tsùuŋ ɲe tsɛ, è re Dzia rè gè jɔun gè rèè ji ɲe ɲan.

Filipika reè 3:9

Tà ko, min jà à ɲan. Tɔ̀ na mun yɛ̀r'la raa terenbee baraka ɲan waa, tɔ̀ niì boo sàrìyaa ɲàn, ŋà, Kirisà rà ɲɛynaà terenbee baraka ɲan, tɔ̀ niì boo Ŋaablà ɲan, è bà gbaɔn ɲɛynaà tsɛ.

Efɛsika reè 4:30

E maà Ŋaablà re Dzi Fɛnɛɛ taama ŋununbe waa, à tɔ̀ riì tsùuŋnà tàànmàshɛn ye tsɛ, ye kùngɔ màbo jisee kamà.

Efɛsika reè 1:13

Àwà Kirisà rìì ɲàn sa, ye sààbeen goomaa myɛ̀un, nìi ye tsià Kùnàgoo Dziɔ̀ goomaa. Wò rii sa ɲan kɔn ye ɲɛyna fau, Ŋaablà to yè tàànmàshɛn tsuù ye tsɛ, à re Dzi Fɛnɛɛ tàànmàshɛɛn, à na tɔ̀ niì làyiri seòn.

Galatsika reè 6:16

Àwà nìì reè sapɛ tɔ̀ goò shi jiɛ, mun ci Ŋaablà re jaanciàn ko à re màtsur'la yè bà ni twɛy sapɛ tsɛ, ko à re Isirayɛlì.

Galatsika reè 5:5

Nìi kpɛ̀yn ɲe, Ŋaablà re Dzia rìì baraka ɲan, ɲe si xɔ à tsɛ, ci Ŋaabla nà ɲe bà mòdzin tereonma ì. Ɲɛynaà baraka ɲan, ɲe tɔ̀ màshua.

Galatsika reè 3:29

Àwà ye ye ba Kirisà raa, tɔ̀ y'a kpàdèe ci ye Ibraximà tsua dzin. À to yè kòrò làyir'là ka, ye y'à shɛnsenbaa ì.

Galatsika reè 3:22

Ŋà nìi sɛbɛɔ̀n Ŋaablà re Goomaa doùn, tɔ̀ rii yɛ ci mòdzian sapɛ bàu gooɲaan kàsòdzin, gè riì ni à to ɲɛynaà baraka rɔ̀n Yesù Kirisà ɲàn, làyir'lìi seòn, tɔ̀ yeè bo e shi tsɛ ɲɛynamoo rèè rè.

Galatsika reè 3:7

Tà doùn y'a fàànmun, ci nìì reè sapɛ ɲɛynaà faɔ̀, twɛy rìì Ibraximà dzin ì.

Ɔ̀rɔ̀mùnka reè 10:11

Àwà Ŋaablà re Goomaa ci: «Mòò o moò nà ɲɛn à ra, tɔ̀ fa seey jà waa.»

Ɔ̀rɔ̀mùnka reè 10:6

Ŋà terenbe riì daàn è bo ɲɛynaà kàjaa tsɛ, tɔ dziàn nèe tsuru ci: «M'a dzin a duùn ci: tsì rii nà tèyn jìrànxɔ rɔ̀n, tɔ̀ dzuɔn è bà ni Kirisà sen jaà na ?

Ɔ̀rɔ̀mùnka reè 10:4

Àwà Kirisà rìì bàu sàrìyaa goo rèè dàntsiima, gè riì n'a to mòò o moò nà ɲɛn à ra, è kpàdè ci tɔ tereòn.

Yùxanà 6:35

Yesù yè dzin è ra ci: «Ɲwɛyn ge rìi jaamabee sìan, tɔ mun nì. Mòò riì ye na mun na, dzu na tɔ̀ tsìfa kuàn dɛ fyeu, mòò riì to ye ɲɛn mun na, mìnoo na tɔ̀ tsìfa kuàn dɛ fyeu.

Goo kpàdèuma rèè 9:4

È dè è ra ci è mà e dzyɛn vuàn nà, è mà e dzyɛn gèku ra, è mà e dzyɛn gɔ̀ɔ ra, fɔ mòdzin niì reè ni, Ŋaablà re tàànmàshɛɛn na jiɔ̀ è ten na waa.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Ɔ̀rɔ̀mùnka reè 9:30

Mùn nà fèe rìì dè sa ? Mìn dzin nì ci nìì reè kun kpɛrɛ mòdzin neè, twɛy nìì reè naà terenbe gaa, twɛy terenbee tàrau kɛ̀ ? Terenbe riì tàr'la ɲɛynaà baraka rɔ̀n.

Ɔ̀rɔ̀mùnka reè 9:6

À na ni a ci Ŋaablà re goomaa nì bàu gè nàfà bɛy dɛ ! Ɔ̀ɔɔn ! Nìì reè sapɛ Isirayɛlì tsua mòdzin, twɛy sapɛ rii na Isirayɛlì waa !

Ɔ̀rɔ̀mùnka reè 3:26

È mɔɲɔun tɔ̀ tsuru è tɔ̀ fa, è tɔ̀ ka à kpàdè ci arì she wò re terenbee ni e nima nɔ̀n. Wò tereonmaà doùn, mòò riì ɲɛɛn Yesù rà, wò y'a kpàdèe ci tɔ tereòn.

Yùxanà 8:33

Yè dzin Yesù rà ci: «Ɲe Ibraximà tsua dzin ì nì, ɲe na ba jà mòò pɛn ne jòn ŋe waa. Wo dzia dzin dzùrù, ci ɲe nà tsi bo jònbe ɲan ?»

Yùxanà 6:47

Sààben na, mun nì ci e ra, mòò o moò ye ɲɛn mun na, tɔ jaamabe dziù dòbɛɛ tàrau.

Yùxanà 6:40

Ɔ̀ɔn, mun Fà Ŋaablà saɔ rìì yɛ, mòò o moò ye Dzin Kpirimaa jà, è ɲɛn à ra, tɔ̀ yeè jaamabe dziù dòbɛɛ tàrà, mun to y'à sèè kpunan bo saàn ɲàn tsìɛ̀ sii sèè.»

Yùxanà 3:36

Àwà mòò riì ye ɲɛn Ŋaablà Dzin Kpir'la rà, tɔ̀ tsìfa jaamabe dziù dòbɛɛ tàrau. Mòò riì to ma ɲɛn à ra, tɔ̀ fa tɔ̀ jaamabee tàrà waa, Ŋaablà re vununtaà to fa bo à tsìfa tsɛ waa.»

Matsiyù 16:16

Shimɔn Piyɛrì ci: «Wo rìì Ŋaablà Jaara Modzìàn, Ŋaablà jaamaa Dzin Kpir'la.»

Matsiyù 8:11

Mun nì ci e ra, mòò giri nà dan kir'la rà, ko bwèydoo rè, yè nà e tsuù yè ɲwɛɛ̀n ɲɔn Ibraximà, ko Ishakà, ko Yàkubà ka Jìrànxɔɔ̀ màsàbee gàne rɔ̀n.

Ɔ̀rɔ̀mùnka reè 9:33

Tɔ fau, a ci à yɛ sɛbɛɔ̀n nìi tsuru Ŋaablà re Goomaa doùn ci: «À yɛ, mun nà kpàà tsuù Siyɔ̀n jɔun, sàn nà baan kpàà, mòdzìn mɛɛ kpàà. Mòò riì nà ɲɛn à ra, tɔ̀ fa seey fyeu.»

Yùxanà 3:33

Mòò riì yè e tsiɛ à re shɛɛrɛbee rà, tɔ̀ tsìfa y'à kpàdèe à y'à fyɛ, ci Ŋaabla sààben ni dèe.

Ɔ̀rɔ̀mùnka reè 3:30

À tɔ̀ tsuru, è ɲɛn à tsɛ, Ŋaabla soo rii, è bà à kpàdèe ci mòdzin shɛunma ko shɛnbɛy sa tereòn ɲɛynaà baraka rɔ̀n.

Ɔ̀rɔ̀mùnka reè 4:10

Tɔ̀ fau fau'n kuru kɛn na ? Ibraxima shɛunmaà shɔ̀ùn nàà tàà à shɛunmaà bònè ? À na fa à shɛunmaà shɔ̀ùn waa, ŋà à fau nì sani è shɛn.

Swiv nou:

Lyen patwone

Piblisite

Piblisite