Ɔ̀rɔ̀mùnka reè 3:9 - Bible Dzùùngoo Unicode

⁹ Àwà, à ni dzùrù ? Ɲe Dzyèèsìbee mòdzin neè fyan dzyee rèè mà gbɛ ? Ayi dɛrɛ ! M'a dè kpàdèu nòn, ci Dzyèèsìbee mòdzin o, kun kpɛrɛ mòdzin o, gooɲaan fààn ɲinaɔn è sapɛ ma.

Ɔ̀rɔ̀mùnka reè 3:9 Referans Kwoze

Galatsika reè 3:22

Ŋà nìi sɛbɛɔ̀n Ŋaablà re Goomaa doùn, tɔ̀ rii yɛ ci mòdzian sapɛ bàu gooɲaan kàsòdzin, gè riì ni à to ɲɛynaà baraka rɔ̀n Yesù Kirisà ɲàn, làyir'lìi seòn, tɔ̀ yeè bo e shi tsɛ ɲɛynamoo rèè rè.

Ɔ̀rɔ̀mùnka reè 6:15

À ni dzùrù ? Mìn gooɲaan nì fa kàtsu mùn na ni sàrìyaa dzuun dɛ fɔ Ŋaablà ɲanwùù ra ɔ̀ ? Ayi dɛrɛ !

Ɔ̀rɔ̀mùnka reè 11:32

È ɲɛn à tsɛ, Ŋaabla mòdzian sapɛ dzii tsyeeŋ e dzugoomaa shi jiìbɛ̀ybeè gè doùn, gè riì ni à to è bà ni matsuru è sapɛ ra.

Ɔ̀rɔ̀mùnka reè 3:19

Àwà, m'à tɔ̀ ci sàrìyaa nìi sapɛ deè, nìì reè ni sàrìyaa dzuun, à y'à dè siàn twɛy rìì là. À y'à dè siàn twɛy rìì là, gè riì ni à to dzii pɛn mà goomama jà waa, mòdzian sapɛ to yè jà fìrìgòòtsi Ŋaablà biìn.

Filipika reè 1:18

À dèu ŋɛ̀nɛ̀ɲàn ɲaan ka ò, à to dèu sààben ka ò, tɔ̀ kùn na ni waa ! À dààn rìì Kirisà goomaa yè bà dèe. Tɔ mun taama dzibee, mun to nà n taama dzibe arì she.

Galatsika reè 3:10

Àwà, nìì reè sapɛ ci ye sàrìyaa goo rèè rìì shi jiɛ, danga ni twɛy sapɛ tsɛ. È ɲɛn à tsɛ, à sɛbɛɔ̀n Ŋaablà re Goomaa doùn ci: «Wo mòò o moò na sàrìyaa goo rèè sapɛ shi jiɛ kudɛyn, wo y'à dzii tsyɛn, danga wo nìn.»

Korɛntsika reè jɔ̀naà 14:15

Mun nà fee fa sa ? Mun nà Ŋaablà mafyɛ̀n n xɔɔn kàjaa tsɛ, mun y'à màfyɛ̀n n akir'là sa ka. Mun nà ye ceè mun yè tsoo dzi ɲɛn à tsɛ n xɔɔn kàjaa tsɛ, mun yè ye ceè m'a ka tsoo dzi ɲɛn à tsɛ n akir'là sa ka.

Korɛntsika reè jɔ̀naà 10:19

Mun n'a re min fee dè tɔ̀un ? Ci saaka rìi boo ɲɔ̀ɔ̀n rè, tɔ̀ shuà, tàmafa ɲɔ̀ɔ̀n yɛ̀r'la, ci nàfa ni twɛy ɲàn gbɛ ?

Korɛntsika reè jɔ̀naà 4:7

Àwà tsì rii wo boo dzyee rèè ɲàn ? Fee rìì ni wo re, wo na nìi tàrà è bo Ŋaablà re ? Wo to ye ba à tàrau, feera wo y'à yɛrɛ blabee a ci wo na à tàrà waa ?

Ɔ̀rɔ̀mùnka reè 11:7

Àwà, à ni dzùrù ? Isirayɛlì na nìi gaa, à na tɔ̀ tàrà waa, ŋà nìì reè ɲankɛrɛɔ̀n, twɛy y'à tàrau. Dzyee rèè, twɛy dùsùkuan xɔbeu,

Ɔ̀rɔ̀mùnka reè 3:5

Ɲe raa terenbɛybeè to ye ba Ŋaablà raa terenbee rìì kpàdèe, mùn dzia fee rìì dè ? È kpàdè ci Ŋaablà na tereòn à re vununta jikɔɔn doùn ɲe tsɛ gbɛ ? Mun goomaa adamàdzin mòdzin goomau'n kur'la.

Ɔ̀rɔ̀mùnka reè 1:18

Àwà, mòdzian shibɛybeè Ŋaablà jɔun ko è re terenbɛybeè kamà, Ŋaablà re vununtaà yè e kpadeò è bo jìran nɔ̀n. È re terenbɛy goo reè saabu rɔ̀n, è sààbeen màmɛnɛɔn.

Lukì 7:39

Faridziɲɛn kpiri nìi na Yesù kiri naɔ e re tsii rɔ̀n, tɔ tɔ̀ jàu min niì, è dzin e duùn ci: «Nèe kpir'lee na Ŋaablà re kɛɛraa sɔn dɛ ! È ba na Ŋaablà re kɛɛra taki, tàan nìi yɛ e dzyɛɛn à sàn nà, à na nà à tɔ̀, à mòò riì kuru. À na nà à tɔ̀, ci à tàan faadzii nooŋma.»

Ɔ̀rɔ̀mùnka reè 2:1

Tà doùn, wo bàu mòò o moò, wo nìi dzyee rèè jààkia, dzi tarama pɛn na ni wo re waa. Dzyee rèè jààkikɔɔn, wo kitsi mɛɛ̀ a yɛrɛ tsɛ. È ɲɛn à tsɛ, wo yè è jààkia nìi rà, wo sa tɔ̀ soo rìì faa.

Ɔ̀rɔ̀mùnka reè 3:1

Àwà, Dzyèèsìbee mòdzian fyanbemaà nì kɛ̀n, shimaangoo nàfaà yè bà kɛ̀n ?

Ɔ̀rɔ̀mùnka reè 7:14

Àwà, m'à tɔ̀ ci sàrìyaa kpɛ̀yn, tɔ beò Ŋaablà raa goò tsɛ, ŋà nìi mun, mun naa goò beò gɔɔ̀n raà tsɛ, mun to yè bà gɔrɔɔ gooɲaan rè a ci jòn.