Bib sou entènèt

Paj dakèy
Bib sou entènèt
Ɔ̀rɔ̀mùnka reè 3:4

Ɔ̀rɔ̀mùnka reè 3:4 - Bible Dzùùngoo Unicode

⁴ Ayi dɛrɛ ! À wù è tɔ̀ ci Ŋaablà rii sààbèntsi, mòdzin sapɛ yeè bà doodebaa, a ci à yɛ sɛbɛɔ̀n nìi tsuru Ŋaablà re Goomaa doùn ci: «À wù è tɔ̀ ci wo tereòn a re gooma reè doùn, kitsia doùn w'e bà dzi tarabaa.»

Gade chapit la Kopi

tounen moute ⬆

Ɔ̀rɔ̀mùnka reè 3:4
33 Referans Kwoze

Galatsika reè 2:17

Ŋà terenbee gaakɔɔn Kirisà ɲàn, tɔ̀ y'a to è jà ci ɲe yɛ̀r'leè sa gooɲaantsiitsi ì, tɔ̀ y'a kpàdèe ci Kirisà faagoo faa gooɲaan rè ò ? Ayi dɛrɛ !

Dzyèèsìbee mòdzin neè 6:18

Àwà, làyir'là ko kɛ̀ɛ̀, twɛy goo blà bla fiɛ̀ na dzia lakere waa. Ŋaablà to yè bà ni doò dè è doùn, tɔ̀ na dzia fa waa. Ɲe nìì reè vwɛ̀rɔɔ̀n ɲe yè e kungɔ mɛnɛn Ŋaablà re, tɔ̀ goò ɲe màxɔ̀ɔn cèreoma, à y'à to ɲe ye e si xɔbe arì she Ŋaablà re làyiri seunmaà tsɛ ɲe re.

Tsitè 1:2

Tà tsuru Ŋaablà riì na doò dèe waa, tɔ jaamabe dziù dòbɛy riì làyiri seòn fɔ dziɲan na ɲɛn ŋe, yè bà ni e si xɔbe tɔ̀ tsɛ.

Yùxanà 3:33

Mòò riì yè e tsiɛ à re shɛɛrɛbee rà, tɔ̀ tsìfa y'à kpàdèe à y'à fyɛ, ci Ŋaabla sààben ni dèe.

Goo kpàdèuma rèè 3:7

Àwà, ɲɛynamoo kur'lìi ni Filadɛlifì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: «Nìi fɛnɛɔ̀, è bà taki takià, màsà kpiri Dawudà rè nèèdzian ni nìi suun, à ye dziɛ̀ san mòò pɛn na dzia à tsyee, à to y'a tsyee, mòò pɛn na dzia à san, tɔ nìi dèe, tɔ̀ rii siin:

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Ɔ̀rɔ̀mùnka reè 9:14

Mùn dzia fèe dè tɔ̀un ? Ci terenbɛybe ni Ŋaablà ɲan gbɛ ? Ayi dɛrɛ !

Yùxanà jɔ̀naà 5:10

Mòò riì ye ɲɛn Ŋaablà Dzin Kpir'la rà, tɔ̀ shɛɛrɛbee ni tɔ̀ tsìfa ɲan. Ŋà mòò riì ma ɲɛn Ŋaablà ra, tɔ Ŋaablà baà doodebaa, kàtsu è Dzin Kpir'la shɛɛrɛbe riì bou, à na ɲɛɔ̀n tɔ̀ ra waa.

Galatsika reè 2:21

Mun na Ŋaablà ɲanwùɔ bàa goo maana waa. È ɲɛn à tsɛ, terenbee ye ba tàr'la sàrìyaa rìì baraka ɲan, tà doùn Kirisà saun maana.

Ɔ̀rɔ̀mùnka reè 6:15

À ni dzùrù ? Mìn gooɲaan nì fa kàtsu mùn na ni sàrìyaa dzuun dɛ fɔ Ŋaablà ɲanwùù ra ɔ̀ ? Ayi dɛrɛ !

Ɔ̀rɔ̀mùnka reè 3:31

Tɔ̀ y'a kpàdèe ci ɲɛynaà kamà, ɲe sào ni ɲe yè sàrìyaa bà gè nàfà bɛy gbɛ ? Ayi dɛrɛ, à na tɔ̀ tsuru waa. Ɲe yɛ̀rɛ̀ to nìi kpàdèe, tɔ̀ rii yɛ ci sàrìyaa gè nàfàma.

Matsiyù 11:19

Adamà dziàn nàu, tɔ ɲwɛɛ̀n ɲɔɔ̀n, è bà mìɛn faa. È ci: "À nwɛ̀yn ɲan, à mììnfabaa, è bà xɔnsɔɔn tsi reè ko mòdzin faadzii ɲaan neè dzunwɛynsi. Ŋà, à re goo fakɔɔn reè dzi sìan Ŋaablà re akiriblabeè rà."»

Galatsika reè 6:14

Mun ne, yɛ̀rɛ̀blàbè kun kpɛrɛ na ni mun ne mùn Tsìfa Yesù Kirisà gbaàn gɔɔ̀ tɛ̀y waa. È ɲɛn à tsɛ, dziɲaan saun mun ne tɔ̀ gbaàn gɔɔ̀ yè bà saabu, mun sa yeè san dziɲaan rè.

Ɔ̀rɔ̀mùnka reè 11:1

Àwà mun ci ɔ, Ŋaablà yeè e re mòò rèè maaŋnà nì gbɛ ? Ayi dɛrɛ ! È ɲɛn à tsɛ mun sa Isirayɛlidzin ni, Ibraximà tsua mòdzian sɔn, è bo Bɛnyamɛ̀n tsua ɲàn.

Korɛntsika reè fiiraa 1:18

Ŋaabla vusootsi, tà gàneè doùn, ɲe re goomaa fa dzi ba ɔ̀ɔn ko ɔ̀ɔɔn ye ra waa.

Ɔ̀rɔ̀mùnka reè 11:11

Àwà mun ci ɔ, è sàn nà baunmaà bàu è mɛɛy peu rii ɔ̀ ? Ayi dɛrɛ ! Ŋà è re fìr'là kamà, kun kpɛrɛ mòdzin neè dziu tsi, tɔ̀ jaaɲininbe yè bà ni è kun.

Ɔ̀rɔ̀mùnka reè 7:7

Mùn dzia fèe dè tɔ̀un ? Sàrìyaa bàu gooɲaan gbɛ ? Ayi dɛrɛ ! Ŋà a y'a jà min gooɲaan tɔ̀, à sàrìyaa rìì fyɛ̀. Sàrìyaa ma ba na dziun ci: «Maà a jaàn bo mòò rè gè rè», mun fa ni à tɔ̀, ci mòò yè e jaàn boò mòò rè gè rè waa.

Ɔ̀rɔ̀mùnka reè 6:2

Ayi dɛrɛ! Mùn saunmaà shɔ̀ùn gooɲaan kàjaa tsɛ, mùn dzia to tsùù gooɲaan ɲàn dzùrù kɔn ?

Lukì 20:16

Àwà, dzùtsià nà nà è sapɛ vu rii, è re ɛ̀rɛ̀nzhɛ̀ndzuà kɛ̀ɛ̀yfa mòò kpɛrɛkuru ì mà.» Mòdzian tɔ̀ goomaa myɛ̀un min niì, yè dzin ci: «Ee, Ŋaa yè mùn tààn tɔ̀ mà !»

Ɔ̀rɔ̀mùnka reè 7:13

Tà doùn, gè niì gè wùù, tɔ̀ ni dzi ba dzùrù kɔn è bà san mun ne ? Ayi dɛrɛ ! Ŋà gooɲaan yè bà ni kpadè rìì ci à gooɲaan, à goowùɔ rìì sen bau e tɛy, è nà saàn ka mun mà, gè riì ni à to è bà gooɲaan taki taki dzugooma xɔɔ̀ saabu rɔ̀n.

Korɛntsika reè jɔ̀naà 6:15

Ye na à tɔ̀ ci ye gɔɔ̀n Kirisà gɔɔ̀n gàne rèè rìì ɔ̀ ? Mun ni dzi Kirisà gɔɔ̀n gàne rèè sen m'a bà ɲànmɔ̀ɔ̀taan gɔɔ̀n gàne ì ɔ̀ ? Ayi dɛrɛ !

Tsìmotè jɔ̀naà 3:16

Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

Swiv nou:

Lyen patwone

Piblisite

Piblisite