Bib sou entènèt

Paj dakèy
Bib sou entènèt
Ɔ̀rɔ̀mùnka reè 3:21

Ɔ̀rɔ̀mùnka reè 3:21 - Bible Dzùùngoo Unicode

²¹ Ŋà dòònuùn, Ŋaablà re terenbee kpàdeò, nìi na sàrìyaa fyɛ̀ waa. Sàrìyaa ko kɛɛra reè dèvuà sa tɔ̀ shɛɛrɛbe faa.

Gade chapit la Kopi

tounen moute ⬆

Ɔ̀rɔ̀mùnka reè 3:21
37 Referans Kwoze

Kɛɛradzin neè faadziɛ 10:43

Ŋaablà re kɛɛra reè sapɛ Yesù raa goò rìì dèu, ci mòo o moò ye ɲɛn à ra, Ŋaabla tɔ̀ tsìfa raa gooɲaantsiɛ mɛɛy boò tɔ̀ vu ra, à tsoò baraka rɔ̀n.»

Filipika reè 3:9

Tà ko, min jà à ɲan. Tɔ̀ na mun yɛ̀r'la raa terenbee baraka ɲan waa, tɔ̀ niì boo sàrìyaa ɲàn, ŋà, Kirisà rà ɲɛynaà terenbee baraka ɲan, tɔ̀ niì boo Ŋaablà ɲan, è bà gbaɔn ɲɛynaà tsɛ.

Galatsika reè 3:8

Àwà Ŋaablà re Goomaa na à kpàdè tsùuŋnà, ci ɲɛynaà baraka ɲan, Ŋaablà nà kun kpɛrɛ mòdzin neè bà mòdzin tereonma ì. Tà doùn, à nèe Kùnàgoo Dziù rèe dè tsùuŋ Ibraximà nà ci: «Wo rìì ɲàn, kun neè sapɛ nà dzwɛ tàrà.»

Ɔ̀rɔ̀mùnka reè 5:19

Mòò sɔn ne Ŋaablà dzugoomaa shi jiìbɛ̀ybeè to bàu nìi tsuru saabu mòò giri yè bà gooɲaantsiitsi, tɔ̀ soo tsuru, mòò sɔn ne Ŋaablà dzugoomaa shi jiiŋmaà bàu saabu, mòò giri sa yeè kpàdè tereunma.

Ɔ̀rɔ̀mùnka reè 1:17

Ŋaablà re terenbee kpàdeò è bo Kùnàgoo Dziɔ̀ rìì ɲàn. Tɔ̀ terenbee tàr'la ɲɛynaà soo ko e soo rii baraka ɲan a ci à yɛ sɛbɛɔ̀n Ŋaablà re Goomaa doùn nìi tsuru ci: «Mòò riì tereòn, tɔ nà jaamabee fa ɲɛynaà nì baraka ɲan.»

Ɔ̀rɔ̀mùnka reè 1:2

Ŋaabla na tɔ̀ Kùnàgoo Dziɔ̀ rìì làyiri seòn fɔ waatsi gbaan è bo à re kɛɛra reè dzu, à re Goomaa doùn.

Kɛɛradzin neè faadziɛ 15:11

Àwà, ɲe Dzyèèsìbee mòdzin neè y'à jàa ci ɲe tsià Tsìfa Yesù baraka rɔ̀n nìi tsuru, kun kpɛrɛ mòdzin neè sa tsià tɔ̀ tsiu'n kuru soo rìì là.»

Lukì 24:44

Tà shɔ̀ùn, è dzin è ra ci: «Mun na ni ye ka waatsi riì bwèy, mun nìi dèu ye ra, tɔ̀ rii siin: Mun dziun ye ra ci goo o goo sɛbɛɔ̀n mun ne goò ɲàn kɛɛra Musà rè sàrìyaa kìtaabuà doùn, ko kɛɛra dzyee reè rè kitaabu rèè doùn, ko Zàbùrù ye rèè kìtaabuà doùn, tɔ̀ sapɛ na wù è bo e shi tsɛ.»

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Piyɛrì jɔ̀naà 1:10

Ŋaablà ɲanwùù riì na ye nìn, kɛɛra niì reè tɔ̀ gooma deu, twɛy tɔ̀ tsiɛ̀ goo rèè ɲan gaaŋ cɛyn, y'à ɲansiin.

Galatsika reè 5:5

Nìi kpɛ̀yn ɲe, Ŋaablà re Dzia rìì baraka ɲan, ɲe si xɔ à tsɛ, ci Ŋaabla nà ɲe bà mòdzin tereonma ì. Ɲɛynaà baraka ɲan, ɲe tɔ̀ màshua.

Ɔ̀rɔ̀mùnka reè 16:26

Àwà dòònuùn, kɛɛra reè rè sɛbɛn neè baraka rɔ̀n, à kpàdèu è fyɛ. Tɔ fau a ci Ŋaablà dobɛɛ y'à dèu nìi tsuru, nìi yɛ, kun kpɛrɛ mòdzin neè sapɛ y'a tɔ̀, yè ɲɛynaà shi jiì.

Kɛɛradzin neè faadziɛ 26:22

Ŋà, Ŋaabla mun màrau, è bè suu fɔ she dzu. Tɔ̀ kamà, arì she min bà ni, m'a shɛɛrɛbe faa mòdzian sapɛ re, mòdzin kiɲaanin sen ɲɛn mòdzin bla tsɛ. Kɛɛra dzyee reè ko Ŋaablà re kɛɛra Musà goo nìì reè dèu ci è nà fa, mun yɛ tɔ̀ rii dèe.

Yùxanà 1:45

Tà shɔ̀ùn, Fìlipù sa yeè nà bè kpiri sɔn kpɛyn, tɔ̀ tsoo ci Natanayɛlì, è bè dzin à ra ci: «Ŋaablà re kɛɛra Musà mòò riì gooma deu sàrìyaa kìtaabuà doùn, kɛɛra dzyee reè sa yeè bà à gooma deu, ɲe y'à jàu. À Yesù rìì, Yusufù dzin kpir'la, è bo Nazarɛtsì wɔ̀ rɔ̀n.»

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Ɔ̀rɔ̀mùnka reè 9:30

Mùn nà fèe rìì dè sa ? Mìn dzin nì ci nìì reè kun kpɛrɛ mòdzin neè, twɛy nìì reè naà terenbe gaa, twɛy terenbee tàrau kɛ̀ ? Terenbe riì tàr'la ɲɛynaà baraka rɔ̀n.

Ɔ̀rɔ̀mùnka reè 5:21

Tɔ fau nì, gè riì ni à to gooɲaan bàu nìi tsuru saabu saàn yè dzi tarà, tɔ̀ soo tsuru, terenbee baraka rɔn, Ŋaablà ɲanwùɔ sa yeè dzi tarà è ɲɛn jaamabe dziù dòbɛɛ tsɛ, mùn Tsìfa Yesù Kirisà baraka rɔ̀n.

Kɛɛradzin neè faadziɛ 28:23

Àwà, tɔ̀ goomaa shɔ̀ùn, yè jisee kpɛrɛ kpàdè Pol'là, ci ye nà nà tɔ̀ sii sèè. È byɛ̀un jisee riì mà, tɔ̀ sii sèè wɔu, yè nà giri à re gàne rɔ̀n, è geren jɔ̀naà tsɛ. Polì yè goomaa dzii kun è ka tɔ̀un, è sen gbishɛɛ̀mà nɔ̀n, è bè fɔ ɲɛ̀rɛɛ̀ rɔ̀n. À na è toro kɔ̀ɔ Ŋaablà re Màsàbee goomaa nà, è bà na à gaa gaaŋ'n kur'la sapɛ ra, wò yeè dzi è dzuun Yesù rè goò goomaa ka. À na twɛy goo rèè kpàdèe kɛɛra Musà rè sàrìyaa goomaa ko kɛɛra dzyee reè rè kìtaabu rèè doùn goomaa nì ka.

Ɔ̀rɔ̀mùnka reè 3:28

Àwà ɲe raa jàma nɔ̀n, à kpàdèe ci mòo tereòn ɲɛynaà nì baraka ɲan, à na faadziɛ raa sàrìyaa fyɛ̀ waa.

Korɛntsika reè fiiraa 3:9

Faagoo rìi kitsi mɛɛ̀ mòò tsɛ, nɔɔrɔ ye ba bàu ni tɔ̀ tsɛ, nìi terenbee faagoò raa nɔɔrɔɔ̀, tɔ̀ fa blàbe è geren o ?

Swiv nou:

Lyen patwone

Piblisite

Piblisite