Ɔ̀rɔ̀mùnka reè 2:5 - Bible Dzùùngoo Unicode

⁵ È ɲɛn wo re tantaamaxɔbeè ko wo re dùsùkùnxɔ̀beè tsɛ, wo vununta rìì lamɔnɔ̀n tsùɔ a yɛrɛ tɛyn jisee kamà, nìi Ŋaablà re vununtaà jisee, ko à re kitsi tereunmaà kpàdè jisee.

Ɔ̀rɔ̀mùnka reè 2:5 Referans Kwoze

Ɔ̀rɔ̀mùnka reè 1:18

Àwà, mòdzian shibɛybeè Ŋaablà jɔun ko è re terenbɛybeè kamà, Ŋaablà re vununtaà yè e kpadeò è bo jìran nɔ̀n. È re terenbɛy goo reè saabu rɔ̀n, è sààbeen màmɛnɛɔn.

Yudè 1:6

Mɛ̀rɛ̀kɛ nìì reè na to e re kùntsììbee tsììma nɔn waa, ŋà è bou e yɛr'là gbaa doùn, twɛy shì ji tsuuŋma ni jɔ̀rɔ̀kɔ ì ka kudɛyn tsitsiì brìsià ɲàn, yè kitsia jisee blaa màshu ji tsuù.

Piyɛrì fiiraa 3:7

Àwà tɔ̀ Gooma soo baraka ɲan, dòònuùn dzɔ̀nxɔɔ̀ ko jìrànxɔɔ̀ sa màrà tsùuŋnà sàà rìì lè. Ɔ̀ɔn, è màrà tsùuŋnà kitsia jisee kamà, nìì reè na shia Ŋaablà jɔun waa, twɛy bara sii sèè.

Dzyèèsìbee mòdzin neè 3:15

À deò nèe tsuru Ŋaablà re Goomaa doùn ci: «E ye Ŋaablà gooma vuà myɛ̀n she, e maà e ba à myɛ̀n bɛy waa, a ci ye fàbɔɔ rèè y'à fau nìi tsuru, yè bà na e mabaɔn.»

Piyɛrì fiiraa 2:9

Tɔ̀ y'a kpàdèe ci nìì reè shia Ŋaablà jɔun, Tsìfaà twɛy tsiu'n kuru tɔ e byɛɛn goo rèè rà, è bà terenbɛy reè to tsùuŋnà, è bà ni è byɛn kitsia jisee sii sèè.

Dzyèèsìbee mòdzin neè 4:7

Tɔ̀ rii kamà, Ŋaablà yeè jisee soo tsuù kɔn yeu, è tɔ̀ kiri ci 'she'. Waatsi gbaan dɔn bouma shɔ̀ùn, à nàu tɔ̀ gooma soo rìì dè è bo màsà kpiri Dawudà dzu, nìi yɛ ci: «E ye Ŋaablà gooma vuà myɛ̀n she, e maà e ba à myɛ̀n bɛy waa.»

Dzyèèsìbee mòdzin neè 3:13

Tà doùn, màan ji o ji seroun, mìn bà dziàn ci 'she', ye e si màxɔ̀n, sànko, mòò mà nà jà e ɲan, gooɲaan nà nìi sàn fìrì, à y'à bà mòdzin nìi na e toro wɔɔ̀ Ŋaablà re waa.

Ɔ̀rɔ̀mùnka reè 9:22

Àwà, à na Ŋaablà sao, è re vununtaà ko e re dzibaabee kpàdè mòdzin ì nà, nìì reè kiriɔ vununtaà mòdzin neè. È na wɔɔ bara, ŋà, è mɔɲɔun è tɛyn cɛyn.

Goo kpàdèuma rèè 6:17

Ɔ̀ɔn, è re vununtaà jisee blaa wɔu, tsì rii nà dzi e tsiì à y'à shù ?»

Yàkubà 5:3

Kpɛ̀ɛkpɛɛ̀ ye re sɛn'na ko ɲɛɛn sa kuun. Tɔ̀ kpɛ̀ɛkpɛɛ̀ shɛɛrɛbe ye kamà, nìi y'à kpàdèe ci à nà ye sa ɲɔn tɔ̀ tsuru a ci sà. Ye nàforo ladzyèè tsùuŋ waatsi latan nee ɲan e re.

Ɔ̀rɔ̀mùnka reè 11:25

Àwà neema ì, mun sàò na ni ye to nèe gòndo ree tɔ̀ bɛy tɔ̀ yeè nà bà saabu ye yè e yɛrɛ ja akiritsi ì waa. Tɔ̀ rii yɛ, ci Isirayɛlidzin neè swey dùsùkuan nà xɔbe to, fɔ nìì reè na Dzyèèsìbee mòdzin ì waa, twɛy tsibaa rèè sapɛ dzyeèmaa yè bè tsi dò.

Korɛntsika reè fiiraa 5:10

È ɲɛn à tsɛ, fɔ mùn sapɛ rii yè e tsiì Kirisà rè kitsikununmaà jaaterema mùn dzuun ye bo, mùn soo sookɔɔn sa yeè sàrà è kòrò mùn faadziɛ ka. E ba wùù faɔ̀ à y'a to gɔn nèe ɲan, e sàrà wùù ka. A to ye ba ɲaan ni faɔ̀ à y'à to gɔn nèe ɲan, e sàrà ɲaan ka.

Tesalonikika reè fiiraa 1:5

Tɔ̀ y'a kpàdèe ci Ŋaablà re kitsia tereòn. È bà ni kpadè sa, ci ye wù Ŋaablà re màsàbee ka, ye byɛɛn tɔ̀ niì kamà.

Goo kpàdèuma rèè 2:21

Mun to waatsi siɔ̀n à ra, è bà ni nimisa, è làkere dɔn e re jaamabee doùn. Arì she, à sàò to na ni è nimisa è re ɲànmɔ̀ɔ̀bee dziibà waa.