Bib sou entènèt

Paj dakèy
Bib sou entènèt
Ɔ̀rɔ̀mùnka reè 2:4

Ɔ̀rɔ̀mùnka reè 2:4 - Bible Dzùùngoo Unicode

⁴ Ŋaablà re wùɔ blàbee nìi boò, ko à re goo kua, ko a re mɔ̀nɲɔɔn, wo na tɔ̀ jàa goo dɛ ? Tɔ̀ to y'à tàrà wo na à tɔ̀ ci Ŋaablà ɲanwùɔ wo gaa nìi mà, tɔ̀ rii yɛ w'e nimisa, w'a re jaamabee fau'n kur'la lakere o ?

Gade chapit la Kopi

tounen moute ⬆

Ɔ̀rɔ̀mùnka reè 2:4
51 Referans Kwoze

Piyɛrì fiiraa 3:9

Tsìfaà yè e re làyir'là bo e shi tsɛ, à na ciɔ̀n tɔ̀ faa ka a ci swey y'à kɛ̀sɛɛ̀ nìi tsuru waa. Ŋà è mɔɲɔɔ̀n ye kàjaa tsɛ rìì kàtsu à sàò na ni mòò pɛn yè bara waa, ŋà mòdzian sapɛ yeè nimisa rìì, yè e re jaamabee fau'n kur'la lakere.

Efɛsika reè 1:18

Arì she, è vyevyee bo e dusùkuan jaa rèè rè, ye bà ni à tɔ̀, à ye kiriɔ è ɲɛn siɲɛnma gban gban niì tsɛ. À to nà e nɔɔrɔɔ̀ shɛn blà riì sìn ye ra e re mòò rèè ka, ye yè tɔ̀ sa tɔ.

Efɛsika reè 2:7

À tɔ̀ fau, è bà ni e ɲanwùù brisi dàn tɔ̀ bɛɛ kpàdè waatsi nakɔɔn doùn è kòrò à re wùɔ ka mùn kàjaa tsɛ, Yesù Kirisà ɲàn.

Efɛsika reè 1:7

À ɲan, mùn kùngɔ mabou à tsìɛn baraka rɔ̀n, mùn ne gooɲaantsii reè yè mɛɛy bo mùn vu ra è kòrò à ɲanwùù brisià ka.

Ɔ̀rɔ̀mùnka reè 3:25

Ŋaabla wò rii sìun mòdzian rè gooɲaantsiɛ mɛɛ̀ saaka ɲɛynaà baraka rɔ̀n, à y'à tsìɛn ka à re terenbee kpàdè. È ɲɛn à tsɛ, gooɲaan niì reè fa dɔun bɔrɔɔ, à na twɛy dan waa.

Piyɛrì fiiraa 3:15

Àwà ye bà à tɔ̀ rii, ci mùn Tsìfaà rè mɔ̀ɲɔɔn, tɔ̀ rii yɛ ye yè tsi a ci mùn neema kpiri kɛniunma Polì sa y'a dèu ye ra nìi tsuru e re sɛbɛɛn doùn, è kòrò Ŋaablà re akiritsifabe siunmaà ka à ra.

Ɔ̀rɔ̀mùnka reè 11:33

Aa, Ŋaablà re gètsìbee, à re akiriblabee ko a re twɛ̀ɛ doùn to yè bà tsun sa ! À re kitsi goo reè gɔ̀ngɔn na dzia tɔ̀, à re shi reè doùn to na tɔ !

Ɔ̀rɔ̀mùnka reè 11:22

Tà doùn, a taa to ci Ŋaablà wù è bà ɲan sa. Nìì reè mɛrɔɔn, à re ɲanbee ni twɛy kàjaa tsɛ, wo kàjaa tsɛ, à re wùbee yè bà ni ŋà fɔ wo ye ba too tɔ̀ wùbee tsɛ, tà boshɔ̀ùn, wo sa nà kùnùn bo mɔn nì.

Efɛsika reè 2:4

Ŋà Ŋaablà ɲan màtsur'la blà è bà mùn kɛ̀niɔ̀n kɛ̀nbààbe brisi ka.

Piyɛrì fiiraa 3:3

Soore, ye bà à tɔ̀ ci waatsi latan neè ɲàn, ɲànŋmɛ̀ynfabaa ì nà nà, ɲànŋmɛ̀yn goo reè ni ji nìì reè ɲàn, è yɛ̀r'leè kur'la goo ɲaan neè yè bà è kuru kuɔn.

Piyɛrì jɔ̀naà 3:20

Ɔ̀ɔn nìì reè yè mabaun dan, Ŋaablà yeè bà e mɔɲɔun è tɛyn Nuùn nè konkoron blaa lamɔnɔ̀n bwey, nìì doùn mòkun danman, ŋaalon pe tsi bou yuà fi.

Tsìmotè jɔ̀naà 6:17

Nèe dziɲan ree gètsi rèè, à dè màxɔbe twɛy rà, ci è mà e yɛrɛ blabe waa, è mà e si ɲɛn gè dòràmaà tsɛ waa. Ŋà yè e si ɲɛn Ŋaablà rii tsɛ, tɔ̀ riì gè sapɛ siàn mùn na giri, m'a dzibe bo.

Filipika reè 4:19

Mun ne Ŋaablà nà ye màgòò gee sapɛ sin ye ra, è kòrò à re gètsìfàbe nɔɔrɔmaa ka, Yesù Kirisà ɲàn.

Goo kpàdèuma rèè 3:20

Mun tsìiŋma siin dziɛ̀ rà, mun y'à mà baan, mòò riì ye mun vuà myɛ̀n è dziɛ̀ san mun ne, mun nà dɔ̀n tɔ̀ tsìfa re, à ko min ɲwɛɛ̀n ɲɔn esire.

Tsìmotè jɔ̀naà 1:16

Ŋà Ŋaabla màtsuruu mun na, gè riì ni à to mun nìi gooɲaanfabaa jɔ̀naà, Yesù Kirisà yè bà ni e re mɔ̀ɲɔn brisià kpàdè mun kàjaa tsɛ, tɔ̀ yeè dzi ba jaakpadeyra dzyee rèè rè, nìì reè sapɛ nà ɲɛn à ra, yè bà ni jaamabe dziù dòbɛɛ tàrà.

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

Ɔ̀rɔ̀mùnka reè 6:15

À ni dzùrù ? Mìn gooɲaan nì fa kàtsu mùn na ni sàrìyaa dzuun dɛ fɔ Ŋaablà ɲanwùù ra ɔ̀ ? Ayi dɛrɛ !

Ɔ̀rɔ̀mùnka reè 6:1

Mùn dzia fèe dè tɔ̀un ? Mìn to gooɲaan nì ɲàn Ŋaablà ɲanwùɔ yè bà ni giribe gbɛ ?

Kolosika reè 2:2

Mun tɔ̀ faa, gè riì ni à to è vunun yè cin, è shìuma yè to e si ra kɛ̀nbààbee doùn, tà ko yè dzi akiritsifabe brisi dziitsyɛunma tàrà, yè Ŋaablà re gòndoo tɔ̀, nìi Kirisà,

Efɛsika reè 3:16

È ɲɛn à re nɔɔrɔ brìsià tsɛ, m'a gaa è fààn wɔ ye ɲan duùn nɔn ko dzibaabe ka, à re Dzia baraka rɔ̀n.

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Ɔ̀rɔ̀mùnka reè 10:12

Tà doùn, dànfaran na ni Dzyèèsìbee mòdzin ko kun kpɛrɛ mòdzin fi waa, è ɲɛn à tsɛ, Tsìfa soo rìì ni è sapɛ re, nìi gètsi, è bà e tsoò kiribaa rèè sapɛ magoo wubee.

Korɛntsika reè fiiraa 8:2

Twɛy mòdzin neè ko e re gbaa sa, dzuunbwey brìsi yè bà ni è tsɛ byɛnbee yè bà saabu, è ko taamadzibe brìsi yè e si forou cɛyn, yè kwɛ̀y fa.

Piyɛrì fiiraa 1:11

Tɔ̀ tsuru, mùn Tsìfaà ko mùn Tsibaa Yesù Kirisà rè màsà gane dobɛɛ dziɛ̀ nà san ye re brìsi, ye yè bà ni dɔn.

Goo kpàdèuma rèè 2:21

Mun to waatsi siɔ̀n à ra, è bà ni nimisa, è làkere dɔn e re jaamabee doùn. Arì she, à sàò to na ni è nimisa è re ɲànmɔ̀ɔ̀bee dziibà waa.

Swiv nou:

Lyen patwone

Piblisite

Piblisite