Ɔ̀rɔ̀mùnka reè 2:11 - Bible Dzùùngoo Unicode

¹¹ È ɲɛn à tsɛ, mòdzian sapɛ soo Ŋaablà re, à na mòò boò mòò ɲàn waa.

Ɔ̀rɔ̀mùnka reè 2:11 Referans Kwoze

Kɛɛradzin neè faadziɛ 10:34

Piyɛrì yè goomaa sen tɔ̀un, è dzin ci: «Dòònuùn, mun y'à tɔ̀u, ci mòdzian sapɛ soo Ŋaablà re.

Galatsika reè 2:6

Àwà, nìi jɔundzin neè kàjaa tsɛ, è na mòdzin bla ì ò, è to naà mòdzin bla ì ò, à sa soo mun ne. È ɲɛn à tsɛ a ni niu'n kuru o niu'n kuru, Ŋaablà na tɔ̀ siɛ̀n waa. Twɛy kpɛ̀yn, è na goo kpɛ̀rɛ̀ bà mun mà fààn, è bà mun ne fakɔɔn tɛ̀y waa.

Kolosika reè 3:25

Mòò riì terenbɛybe goo reè faa, tɔ nà sàrà è kòrò e re terenbɛybee rìì ka, è ɲɛn à tsɛ, Ŋaablà na mòò boò mòò ɲàn waa.

Efɛsika reè 6:9

Ye kùntsii rèè sa, e sa yeè tɔ̀ soo fa è re, nìi yɛ, e maà ɲanbe è mà waa, ye bà à tɔ̀ ci Tsìfa soo rìì ni ye sa re, nìi ni jìrànxɔɔ̀ doùn, à na mòò boò mòò ɲàn waa.

Matsiyù 22:16

Tà doùn yè e re kàràndzin neè swey, ko Erodzì raa mòò rèè swey ka à kpɛyn, yè bè dzin à ra ci: «Kàrànfaà, m'à tɔ̀ ci wo sààben ni dèe, w'e bà Ŋaabla shià kàr'na mòdzian nà sààben ka, wo na mòò jaadzin siɛ̀n. Mòdzian to kɛ̀nsɛɛn ye ba ni dzii o dzii, wo na tɔ̀ siɛ̀n waa.

Lukì 20:21

Àwà, twɛy mòdzin neè y'à tey tɔ̀ rii ɲàn nèe tsuru ci: «Mùn kàrànfaà, ɲe y'à tɔ̀, ci wo nìi dèe, ko wo nìi sapɛ kar'na mùn na, à sapɛ tereòn. Mòdzian sapɛ soo wo re. Ŋaablà to ci mìn re jaamabee shi jiì nìi tsuru, wo re kàr'nà tɔ̀ sààbeen rìì xu kpadèe.

Piyɛrì jɔ̀naà 1:17

Tà doùn, ye ba Ŋaablà kir'la ci e fa, tɔ̀ niì kitsia kùn'na mòdzian soo sookɔɔn sapɛ tsɛ è kòrò è faadziɛ ka à na mɛɛ̀ mòò tsɛ, ye shi tɔ̀ jɔun e re bwèy fii tɔnɔnbe doùn jaamabe fakɔɔn nà dzɔ̀xɔɔ̀ tsɛ.

Ɔ̀rɔ̀mùnka reè 9:14

Mùn dzia fèe dè tɔ̀un ? Ci terenbɛybe ni Ŋaablà ɲan gbɛ ? Ayi dɛrɛ !