Ɔ̀rɔ̀mùnka reè 16:5 - Bible Dzùùngoo Unicode

⁵ Ɲɛynamoo kur'lìi yè e ladzyèe è re gàne rɔ̀n, ye tswɛ̀y sin twɛy sa ra. Ye tswɛ̀y sin Epayinɛtsì rà, mun ne kɛ̀niunmaà. Wò rii jɔ̀na yeè e yɛrɛ siun Kirisà rà Azhi mar'lɔùn.

Ɔ̀rɔ̀mùnka reè 16:5 Referans Kwoze

Kolosika reè 4:15

Ye mùn neema Lawodiseka reè tswà, ko Nɛnfasì, tà ko ɲɛynamoo kur'lìi yè e ladzyèe tɔ̀ re gbàà doùn.

Filemɔ̀n 1:2

È sìn mùn neema taan Afià rà, ko mùn neema kpiri Arikipù, mùn dzwɛ̀mabaà kaà doùn. È sìn ɲɛynamoo kur'là rà, nìi yè e ladzyèe wo re gbàà doùn.

Korɛntsika reè jɔ̀naà 16:19

Azhi mar'la ɲɛynamoo kur'lèè ye tswàa. Akilasì ko Pirisiyì sa ye tswàa cɛyn Tsìfaà ɲàn ko ɲɛynamoo kur'lìi yè e ladzyèe è re tsii rɔ̀n.

Korɛntsika reè jɔ̀naà 16:15

Àwà neema reè, y'a tɔ̀ ci Sitefanasì ko e re mòdzìnbee rìì bàu Akayi mar'la ɲɛynamoo jɔ̀na rèè, è to yè e shiu faagoò rà Ŋaa re mòdzin neè rè. Tà doùn mun nà nìi gaa ye re, tɔ̀ rii yɛ,

Matsiyù 18:20

Àwà, mòkun fii, tàmafa mòkun zhiigi ye e ladzyèè min o min mun tsoo ra, mun ni è fi.»

Goo kpàdèuma rèè 14:4

Àwà, twɛy mòdzin neè na e yɛrɛ noo taan ì ka waa, è tou tààn tɔ̀ bɛy. Sààtòmòìriɛ bèe min o min, è gbaɔn à kpɛyn. Ye rìì bàu kùngɔ màbouma jɔ̀na rèè mòdzian ɲàn, yè bà Ŋaablà ko Sààtòmòìriɛ raa.

Yùxanà zhììgìraa 1:1

Mun ɲɛynamoo kur'là bɔɔ̀, nèe mun ne sɛbɛn, è sìn wo Gayusì rà, wo rìi mun ne kɛ̀niunmaà, min bà wo kɛ̀niɔ̀n sààbeen tsɛ.

Yàkubà 1:18

À bàu à sàò, è ɲe ɲɛn e re sààbèn goòmàà baraka rɔ̀n, gè riì ni à to, ɲe yè bà à re gè ɲɛunma rèè sapɛ ɲan kùngɔ̀ jɔna reè sɔn.

Korɛntsika reè fiiraa 9:2

È ɲɛn à tsɛ, ŋɛ̀nɛ̀ɲan wuu riì ni ye ɲan tɔ̀ goò doùn, mun tɔ̀ tɔ̀. È bè wɔ fɔ min ye ka bara ɲɔn Maseduwanin mar'la mòdzin neè rè. Mun dziun è ra, ci Akayi mar'la mòdzin neè sɔn byɛɔ̀n fɔ jii dɔunmaà. Ye re sɔ̀bɛ̀nbee bàu saabu, è twɛy mòdzin neè giri màxɔ̀n.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Ɔ̀rɔ̀mùnka reè 16:12

Ye tswɛ̀y sin Tsirifayinà ko Tsirifosà rà, twɛy tàan nìì reè yè e yɛrɛ siun faagoò rà Tsìfaà rè. Ye tswɛ̀y sin Pɛrɛsisì sa ra, tàan kɛ̀niunmaà, tɔ̀ niì sa faagoo giri fau Tsìfaà rè.

Ɔ̀rɔ̀mùnka reè 16:8

Ye tswɛ̀y sin Anpiliyatusì rà, mun ne kɛ̀niunmaà Tsìfaà ɲàn.

Ɔ̀rɔ̀mùnka reè 15:26

È ɲɛn à tsɛ, Maseduwanin mar'la ko Akayi mar'la ɲɛyna moo rèè y'à ŋɛ̀nɛ̀ɲaun yè dzyèè, yè e si ji e si tsɛ, y'à ka Yerusalɛmùn Ŋaablà re mòdzin gbakɔɔn reè dzwɛ̀ma.

Ɔ̀rɔ̀mùnka reè 11:16

Shìmaan kùngɔ̀ jɔna reè ye dzi sin Ŋaa ra nòn, à dzyeè sa bàu à raa. Gɔɔ̀ jiɛ̀ to ye dzi sin Ŋaa ra nòn, à sààn neè sa bàu à raa.

Kɛɛradzin neè faadziɛ 18:27

À na ni Apolɔsì duùn wò yeè bè Akayi mar'la ɲàn nìi fa, Efɛsì kàràndzin neè y'à màxɔ̀n tɔ̀ ra cɛyn. À bèkɔɔn, twɛy yè sɛbɛn fa sin à ra, ci è b'a sìn ye kòòsi Korɛntsì wɔ̀ɔ̀ kàràndzin neè rà, yè bà ni à kuun'n kuru wube. À bèu wɔ mɔn, nìì reè bàu kàràndzin Ŋaablà ɲanwùɔ doùn, à re kàr'nà yè bà dzwɛ̀mà shi blà twɛy mà.

Kɛɛradzin neè faadziɛ 18:12

Àwà, jàmààntsi sɔn na ni, ci Galiɲɔn, è bà na tsùuŋnà jàmàan sɔn kuùn, ci Akayì. Tɔ̀ jàmààntsià raa waatsi rɔn, Dzyèèsìbee mòdzin neè yè byɛ̀n fa Polì kùùn, y'à kun, yè b'a ka kitsi kunun kur'là mòdzin neè rè.

Kɛɛradzin neè faadziɛ 2:9

Twɛy mòdzin neè ɲàn, Paritsika ì na ni, Mɛdzika ì na ni, Elamunka ì na ni. Swey boò Mezopotamin, swey boò Yudè mar'la ɲàn, swey boò Kapadɔsì, swey boò Pɔn, swey boò Azhi jamaan ɲàn.

Kɛɛradzin neè faadziɛ 16:6

Àyìwà, à na ni Polì ko e jiìfàsi rèè duùn, ye yè Azhi jamaan mòdzian toro kɔ̀ Kùnàgoo Dziɔ̀ goomaa nà, ŋà, Ŋaablà re Dzi Fɛnɛɛ na e tsiì tɔ̀ ra waa. Tɔ̀un, Firizhi jamaan, tà ko jàmàan sɔn ni, ci Galatsi, yè dɔ̀n bo twɛy jàmaan rèè doùn.

Ɔ̀rɔ̀mùnka reè 16:4

Ye tswɛ̀y sin è ra, è ɲɛn à tsɛ, yè e xɔɔn sìun, yè bà ni mun xɔɔn tsi. À na mun soo re tswɛ̀y sinkɔɔn è ra waa, kun kpɛrɛ mòdzin neè fi ɲɛynamoo kur'lèè sapɛ rii yè tswàa.

Ɔ̀rɔ̀mùnka reè 16:6

Ye tswɛ̀y sin Mariyamùn nà, tɔ̀ niì faagoo giri fau ye re.